ນາຍົກລັດຖະມົນຕີ ອອສເຕຣເລຍ ທ່ານ Malcolm Turnbull ໄດ້ກ່າວໃນວັນພະຫັດມື້ນີ້ ວ່າທ່ານຈະກົດດັນ ຣັດເຊຍ ໃຫ້ສະໜັບສະໜູນຄວາມພະຍາຍາມໂດຍ ສະພາຄວາມໝັ້ນ ຄົງ ອົງການສະຫະປະຊາຊາດ ເພື່ອດຳເນີນຄະດີ ຕໍ່ຜູ້ທີ່ມີຄວາມຮັບຜິດຊອບໃນການຍິງ ເຮືອບິນໂດຍສານສາຍການບິນ ມາເລເຊຍ ທີ່ໄດ້ຕົກໃນພາກຕາເວັນອອກຂອງ ຢູເຄຣນ ເມື່ອເດືອນກໍລະກົດປີ 2014.
ບັນດານັກສືບສວນສອບສວນ ສາກົນ ໄດ້ເປີດເຜີຍການຄົ້ນພົບໃນວັນພຸດວານນີ້ກ່າວວ່າ ເຮືອບິນລຳດັ່ງກ່າວ ໄດ້ຖືກຍິງຕົກໂດຍລູກສອນໄຟ ທີ່ຖືກຍິງຈາກພື້ນດິນຫາອາກາດທີ່ ໄດ້ຖືກຂົນເຂົ້າໄປໃນ ຢູເຄຣນ ຈາກ ຣັດເຊຍ.
ທ່ານ Turnbull ໄດ້ກ່າວວ່າ ນອກເໜືອຈາກສະພາຄວາມໝັ້ນຄົງແລ້ວ ບ່ອນທີ່ ຣັດເຊຍ ໄດ້ໃຊ້ສິດຢັບຢັ້ງຂອງຕົນ ເພື່ອກີດກັ້ນ ການດຳເນີນການດັ່ງກ່າວ, ປະເທດ ໂຮນລັງ ສາ ມາດຈັດການດຳເນີນຄະດີຂອງພວກເຂົາເຈົ້າເອງກ່ຽວກັບເລື່ອງນີ້.
ທ່ານໄດ້ກ່າວວ່າ “ຜູ້ເຄາະຮ້າຍທີ່ຖືກຂ້າຕາຍໝົດທຸກຄົນໂດຍລູກສອນໄຟທີ່ຖືກນຳເຂົ້າ ມາຈາກ ຣັດເຊຍ, ຍິງໂດຍການຮັບຮູ້ຂອງ ຣັດເຊຍ, ທຸກໆຄົນໃນນັ້ນໄດ້ຮຽກຮ້ອງເອົາ ຄວາມ ເປັນທຳ ແລະ ພວກເຮົາຈະພະ ຍາຍາມໂດຍປາສະຈາກຄວາມອິດເມື່ອຍ ເພື່ອ ຮັບປະກັນວ່າ ຄວາມເປັນທຳນັ້ນຈະຖືກດຳເນີນໃຫ້ສຳເລັດ.”
ການຄົ້ນພົບທີ່ໄດ້ຖືກເປີດເຜີຍໃນວັນພຸດວານນີ້ຢືນຢັນ ການສືບສວນສອບສວນກ່ອນ ໜ້ານີ້ໂດຍຄະນະຄວາມປອດໄພ ໂຮນລັງ ທີ່ໄດ້ສະຫຼຸບວ່າ ສາຍການບິນ ມາເລເຊຍ ຖ້ຽວ ບິນ MH17 ໄດ້ຖືກຍິງຕົກໂດຍລູກສອນໄຟ Buk ທີ່ຜະລິດຂຶ້ນໃນ ຣັດເຊຍ, ເຊິ່ງເປັນການ ກ່າວອ້າງທີ່ ຣັດເຊຍ ໄດ້ປະຕິເສດ.
Your browser doesn’t support HTML5
Probe Concludes Missile that Downed Jetliner Over Ukraine Came From Russia
ທ່ານ Wilbert Paulissen ຈາກຕຳຫຼວດແຫ່ງຊາດ ໂຮນລັງ ໄດ້ກ່າວວ່າ “ຕົນສາມາດ ສະຫຼຸບໄດ້ວ່າ ຖ້ຽວບິນ MH17 ໄດ້ຖືກຍິງຕົກໂດຍລູກສອນໄຟ 9M38 ທີ່ຖືກຍິງຈາກ ລະບົບຍິງລູກສອນໄຟ Buk ນຳເຂົ້າຈາກເຂດແດນຂອງ ສະຫະພັນ ຣັດເຊຍ.”
ທ່ານ Paulissen ໄດ້ກ່າວວ່າ ຫຼັກຖານສະແດງໃຫ້ເຫັນວ່າ ພວກກະບົດທີ່ສະໜັບສະໜູນ ຣັດເຊຍ ໄດ້ຂໍໃຫ້ສົ່ງລູກສອນໄຟທີ່ຍິງຂຶ້ນຈາກພື້ນດິນດັ່ງກ່າວ ໄປບ້ານ Pervomaysk ແລະ ໄດ້ລາຍງານການເດີນທາງໄປຮອດຂອງມັນໃນພາກຕາເວັນອອກຂອງ ຢູເຄຣນ.
ແຕ່ ຣັດເຊຍ ໄດ້ປະຕິເສດຕໍ່ການສືບສວນສອບສວນທີ່ນຳພາໂດຍ ໂຮນລັງ ວ່າຄິດຂຶ້ນມາ ເອງ.
Your browser doesn’t support HTML5
Victims' Relatives Expected Evidence of Russia's Involvement in Malaysian Plane Crash
Your browser doesn’t support HTML5
Relatives of MH17 Victims Respond to New Findings