ອົງການຈັດຕັ້ງໜຶ່ງ ທີ່ໄດ້ຮັບການຍົກຍ້ອງ ໃນການຊ່ວຍກູ້ໄພ
ພວກອົບພະຍົບ 13000 ຄົນທີ່ຕົກຄ້າງຢູ່ໃນທະເລ Mediter-
ranean ກ່າວວ່າ ຕົນຈະເລີ້ມການປະຕິບັດງານໃໝ່ ຢູ່ໃນເຂດ
ນ່ານນໍ້າເອເຊຍຕາເວັນອອກສຽງໃຕ້ ເພື່ອຊ່ວຍເຫຼືອ ອົບພະຍົບ
ໂຣຮິງຢາ ທີ່ອອກເດີນທາງຢູ່ໃນທະເລນັ້ນ. ການປະຕິບັດງານ
ທັງຢູ່ໃນ ແລະໃກ້ໆກັບທະເລ Andama ຈະໃຊ້ກຳປັ່ນລໍາໜຶ່ງ
ແລະເຮືອບິນບໍ່ມີຄົນຂັບໄລຍະໄກສອງລຳ ເພື່ອຊອກຫາບັນດາ
ເຮືອທີ່ອາດຈະບັນທຸກພວກອົບພະຍົບຫລືພວກຍົກຍ້າຍຖິ່ນຖານ.
ທ່ານ Martin Xuereb ຫົວໜ້າອົງການສະຖານີຊ່ວຍເຫລືອອົບພະຍົບຢູ່ທະເລ ຫລື MOAS ກ່າວຕໍ່ວີໂອເອ ໃນວັນສຸກມື້ນີ້ວ່າ “ຜູ້ຄົນບໍ່ຄວນທີ່ຈະເສຍຊີວິດ ຢູ່ໃນທະເລ.”
ການລິເລີ້ມປະຕິບັດງານຂັ້ນຕົ້ນຂອງອົງການ MOAS ຢູ່ໃນຂົງເຂດຊຶ່ງມີກຳນົດສິ້ນສຸດລົງ ຢ່າງນ້ອຍສີ່ອາທິດ ຈະເລີ້ມຂຶ້ນໃນວັນທີ 3 ມີນາ ໂດຍການໃຊ້ເຮືອ M.Y Phoenix ຊຶ່ງເປັນເຮືອກູ້ໄພ ທີ່ຍາວ 40 ແມັດ ປະສານງານກັບບັນດາໜ່ວຍຍາມຝັ່ງທ້ອງຖິ່ນ ກອງ
ທັບເຮືອ ແລະອົງການຈັດຕັ້ງຕ່າງໆທີ່ບໍ່ຂຶ້ນກັບລັດ ຖະບານ.
ທ່ານ Xuereb ອະດີດຜູ້ບັນຊາການກອງທັບ Malta ກ່າວວ່າ “ພວກເຮົາຈະປະຕິບັດງານ ຢ່າງແຈ້ງຂາວ ກັບບັນດາເຈົ້າໜ້າທີ່. ຖ້າຫາກມີຄວາມຕ້ອງການເກີດຂື້ນ ພວກເຮົາຈະປະ
ສານງານຮ່ວມກັນ ຢ່າງສຸດຄວາມສາມາດ.”
ທ່ານ Matthew Smith ຜູ້ອຳນວຍການອົງການຈັດຕັ້ງທີ່ບໍ່ຂຶ້ນກັບລັດຖະບານ Fortify Rights ກ່າວວ່າ “ການປະຕິບັດງານ ຂອງອົງການ MOAS ເປັນທີ່ໜ້າປະທັບໃຈ ແລະເທັກໂນໂລຈີທີ່ທັນສະໄໝ ແຕ່ວ່າອົງການ MOAS ບໍ່ສາ ມາດປະຕິບັດງານຜູ້ດຽວໄດ້. ລັດຖະບານຢູ່ໃນຂົງເຂດຕ້ອງໄດ້ເຮັດໃຫ້ການປົກ ປ້ອງທາງທະເລເປັນບູລິມະສິດ ແລະອະນຸຍາດໃຫ້ຜູ້ຂໍລີ້ໄພ ແລະພວກອົບພະ ຍົບຂື້ນຝັ່ງໄດ້.”
ອົງການ Fortify Rights ຈະຢູ່່ເທິງກຳປັ່ນ Phoenix ເລີ້ມໃນອາທິດໜ້າເປັນ ຕົ້ນໄປ “ເພື່ອໃຫ້ການສະໜັບສະໜູນໃນການສັງເກດການ ການອົບພະຍົບຢູ່ໃນ ທະເລທີ່ຜິດປົກກະຕິ ແລະໃຫ້ຄຳແນະນຳຕ່າງໆ”