ການປະທ້ວງຕໍ່ຕ້ານລັດຖະບານຈໍແດັນໄດ້ເລີ້ມຂຶ້ນໃນວັນອັງຄານມື້ນີ້ ເຖິງແມ່ນວ່າ
ນາຍົກລັດຖະມົນຕີຂອງປະເທດ ໄດ້ລາອອກຈາກໜ້າທີ່ ຍ້ອນທ່ານໄດ້ຊຸກຍູ້ໃຫ້ເອົາ
ມາດຕະການມັດທະຍັດ.
ຊາວຈໍແດັນຫຼາຍພັນຄົນໄດ້ພາກັນເດີນຂະບວນປະທ້ວງ ໄປສູ່ຫ້ອງການນາຍົກ ລັດ
ຖະມົນຕີ ຮານີ ມຸລກີ ທີ່ກຳລັງຈະພົ້ນຕຳແໜ່ງ ໃນຄືນວັນຈັນຕໍ່ໃສ່ເຊົ້າວັນອັງຄານໂດຍ
ຮຽກຮ້ອງໃຫ້ລັດຖະບານຢຸດການຂຶ້ນລາຄາສິນຄ້າແລະແຜນການ ຈະຂຶ້ນພາສີ ຊຶ່ງບັນ
ດາຜູ້ຕິຕຽນກ່າວວ່າ ສ່ວນໃຫຍ່ໄດ້ແນໃສ່ຄົນທຸກຈົນແລະຊົນຊັ້ນກາງ.
ທ່ານມຸລກີ ໄດ້ຍື່ນໃບລາອອກຂອງທ່ານຕໍ່ກະສັດອັບດຸລລາ ໃນວັນຈັນວານນີ້.
ຕຳຫຼວດປາບຈາລະຈົນໄດ້ປະທະກັນກັບພວກປະທ້ວງ ໃນຕອນແລງວັນເສົາທີ່ຜ່ານ
ມາ ແລະໄດ້ຍິງແກັສນໍ້າຕາຫຼາຍລູກເຂົ້າໃສ່ເພື່ອບໍ່ໃຫ້ພວກປະທ້ວງເຂົ້າໄປ ໃກ້ຫ້ອງ
ການນາຍົກລັດຖະມົນຕີ. ພວກປະທ້ວງໄດ້ພາກັນຮ້ອງໂຮວ່າ “ປະຊາ ຊົນຕ້ອງການ
ຢາກໂຄ່ນລົ້ມລັດຖະບານ.”
ພວກເຈົ້າໜ໊າທີ່ຕຳຫຼວດ ພາກັນປ້ອງກັນຫ້ອງການນາຍົກລັດຖະມົນຕີ ລະຫວ່າງການປະທ້ວງ ຢູນະນະຄອນຫຼວງອໍາມານ ປະເທດຈໍແດັນ ທີ 2, 2018.
ໃນຕອນເຊົ້າວັນເສົາ ກະສັດໄດ້ພົບປະກັບທ່ານມຸລກີ ຄະນະລັດຖະມົນຕີ ແລະບັນດາ
ເຈົ້າໜ້າທີ່ອະວຸໂສດ້ານຄວາມປອດໄພ. ອົງການຂ່າວປີຕຣາຂອງລັດຖະ ບານ ໄດ້ອ້າງ
ຄຳເວົ້າຂອງກະສັດທີ່ຊົງກ່າວວ່າ ປະຊາຊົນຈໍແດັນບໍ່ຄວນຈະໄດ້ຮັບຄວາມຍາກລຳບາກ
ຈາກການປະຕິຮູບດ້ານການເງິນຕາມລຳພັງ.
ກະສັດອັບດຸລລາ ເປັນຜູ້ຕັດສິນໃຈຂັ້ນສຸດທ້າຍ ແຕ່ຄວາມໂກດແຄ້ນຂອງປະຊາຊົນ
ແມ່ນແນໂດຍກົງໃສ່ລັດຖະບານ ທີ່ຊົງແຕ່ງຕັ້ງໂດຍພະອົງ.
ບັນດາຜູ້ໃຫ້ເງິນກູ້ຢືມຂອງສາກົນໄດ້ຊຸກຍູ້ໃຫ້ມີການປະຕິຮູບເສດຖະກິດ ເພື່ອຊ່ວຍ
ຫລຸດຜ່ອນໜີ້ສິນສາທາລະນະຂອງຈໍແດັນ ອັນເປັນຜົນເນື່ອງມາຈາກການເຕີບໂຕທີ່
ຊັກຊ້າລົງຂອງເສດຖະກິດຍ້ອນມີການເຊື່ອມໂຍງກັບຄວາມບໍ່ສະຫງົບ ຢູ່ໃນຂົງເຂດ.
ອ່ານຂ່າວນີ້ເພີ້ມເປັນພາສາອັງກິດ
Your browser doesn’t support HTML5
Jordan Protests