ລັດຖະມົນຕີກະຊວງຍຸດຕິທຳຄົນໃໝ່ຂອງສະຫະລັດ ທ່ານນາງ
Loretta Lynch ໄດ້ພົບປະ ໃນວັນອັງຄານວານນີ້ ກັບຄອບຄົວ
ຂອງທ້າວ Freddie Gray ຊາຍອາເມຣິກັນຜິວດຳ ທີ່ເສຍຊີວິດ
ໃນລະຫວ່າງ ທີ່ຖືກຕຳຫຼວດຄວບຄຸມຕົວໄວ້ ໃນນະຄອນ
Baltimore ທາງພາກຕາເວັນອອກຂອງສະຫະລັດ.
ການຕາຍຂອງ ທ້າວ Gray ໄດ້ກໍ່ໃຫ້ເກີດຄວາມວຸ້ນວາຍກໍ່ການ
ຈະລາຈົນຂື້ນ ເປັນເວລາໜຶ່ງມື້ ໃນຄຸ້ມໜຶ່ງຂອງຊາວຜິວດຳ ທີ່
ທຸກຍາກຂອງເມືອງ. ພວກປະທ້ວງໄດ້ຈູດຫ້າງຮ້ານ ແລະລົດລາ
ເພື່ອປະທ້ວງຕໍ່ຄວາມຮຸນແຮງຂອງຕຳຫຼວດ ແລະ ການຂາດໂອກາດວຽກເຮັດງານທຳ.
ທ່ານນາງ Lynch ໄດ້ກ່າວວ່າ ກະຊວງຍຸດຕິທຳຂອງທ່ານນາງຈະ“ພະຍາຍາມຊອກຫາ
ວິທີແກ້ບັນຫາ, ວິທີແກ້ບັນຫາ ທີ່ຈິງຈັງສຳລັບເມືອງ Baltimore ເພື່ອປັບປຸງເມືອງ
ນີ້ໃຫ້ດີຂຶ້ນ. ນັ້ນແມ່ນເປົ້າໝາຍຂອງພວກເຮົາ. ນັ້ນແມ່ນຄຳໝັ້ນໝາຍ ຂອງພວກ
ເຮົາ.”
ທ່ານ William Murphy ທະນາຍຄວາມຂອງຄອບຄົວທ້າວ Gray ກ່າວວ່າ ທ່ານນາງ
Lynch ໄດ້ສະແດງຄວາມເສົ້າສະຫຼົດໃຈຕໍ່ການຕາຍ ຂອງທ້າວ Freddie Gray ເຊິ່ງ
ທ່ານນາງເວົ້າວ່າ “ມັນຕາງໜ້າໃຫ້ຫຼາຍສິ່ງຫຼາຍຢ່າງ.”
ທ່ານລັດຖະມົນຕີ ຍັງໄດ້ໄປພົບກັບເຈົ້າໜ້າທີ່ເມືອງ ແລະ ສະມາຊິກລັດຖະສະພາ
ສະຫະລັດ ຈາກເຂດເມືອງ Baltimore ແລະ ລັດ Marryland ນຳ.
ນອກນີ້ ທ່ານນາງ Lynch ຍັງໄດ້ພົບກັບທ່ານ Anthony Batts ຫົວໜ້າຕຳຫຼວດເມືອງ
Baltimore ແລະ ເຈົ້າໜ້າທີ່ຕຳຫລວດຄົນ ອື່ນໆອີກ. ທ່ານນາງບອກພວກເຂົາເຈົ້າວ່າ
ຕຳຫຼວດມັກຈະດີ້ນຮົນຕໍ່ສູ້ ກັບວຽກງານທີ່ຫຍຸ້ງຍາກຢູ່ເລື້ອຍໆ ແຕ່ວ່າ ເວລານີ້ ກໍກຳລັງ
ປ່ອຍໃຫ້ຜູ້ປະທ້ວງພາກັນເດີນຂະບວນ ຢ່າງສະຫງົບສຸກ ແລະ ຊ່ວຍເຫຼືອຜູ້ຢູ່ອາໄສ ທຳ
ຄວາມສະອາດ ແລະ ກໍ່ສ້າງເມືອງຄືນ.
ທ້າວ Freddie Gray ເສຍຊີວິດຍ້້ອນໄດ້ຮັບບາດເຈັບທີ່ກະດູກສັນຫຼັງ ຫຼັງຈາກ ອັນທີ່
ຫ້ອງການໄອຍະການຂອງລັດເວົ້າວ່າ ເປັນການຈັບກຸມ ທີ່ບໍ່ເປັນທຳ.
ຫ້ອງການໄອຍະການ ຂອງລັດໄດ້ລົງຄວາມເຫັນວ່າ ການຕາຍຂອງທ້າວ Gray ເປັນການ
ຄາດຕະກຳ ສົ່ງຜົນໃຫ້ຕຳຫຼວດ 6 ຄົນ ໃນນັ້ນມີຄົນຜິວດຳ 3 ຄົນ ຖືກຕັ້ງຂໍ້ຫາວ່າ ມີສ່ວນ
ເຮັດໃຫ້ລາວເສຍຊີວິດ.
Your browser doesn’t support HTML5
Volunteers Pull Together to Aid Baltimore Riot Victims