ຮອງປະທານາທິບໍດີສະຫະລັດ ທ່ານ Joe Biden ແລະ ປະທານາ
ທິບໍດີຢູເຄຣນ ທ່ານ Petro Poroshenko ໄດ້ຮຽກຮ້ອງໃຫ້ພວກ
ຫົວແບ່ງແຍກດິນແດນ ທີ່ໜຸນຫລັງໂດຍຣັດເຊຍ ຢູ່ທາງພາກຕາ
ເວັນອອກຂອງຢູເຄຣນ ປະຕິບັດຕາມຂໍ້ຕົກລົງສັນຕິພາບ Minsk
ຢ່າງຄົບຖ້ວນ.
ຢູ່ໃນການສົນທະນາກັນທາງໂທລະສັບ ເມື່ອວັນເສົາວານນີ້ ທ່ານ
Biden ແລະ ທ່ານ Poroshenko ໄດ້ປຶກສາຫາລືກັນ ກ່ຽວກັບຂໍ້
ຕົກລົງ ທີ່ໄດ້ບັນລຸກັນຢູ່ນະຄອນຫລວງຂອງເບລາຣຸສ ເມື່ອເດືອນ
ກຸມພາຜ່ານມາ ແລະໃນເດືອນກັນຍາ ປີກາຍນີ້ ທີ່ໄກ່ເກ່ຍໂດຍສະຫະພາບຢູໂຣບນັ້ນ.
Your browser doesn’t support HTML5
War in Ukraine Leaves Many Elderly in a Vulnerable Position
ຂໍ້ຕົກລົງດັ່ງກ່າວ ລະຫວ່າງລັດຖະບານຢູເຄຣນ ແລະ ພວກກະບົດ ໄດ້ຮຽກຮ້ອງໃຫ້ຢຸດຍິງ ໃຫ້ມີການພິສູດການຖອນອາວຸດໜັກຕ່າງໆ ອອກໄປ ອຳນວຍໃຫ້ຄະນະສັງເກດການສາກົນເຂົ້າໄປຕິດຕາມເບິ່ງໄດ້ຢ່າງເສລີ ແລະ ໃຫ້ມີການແລກປ່ຽນຊະເລີຍເສິກກັນ.
ທຳນຽບຂາວກ່າວວ່າ ປະທານາທິບໍດີ Poroshenko ຍັງໄດ້ໃຫ້ຂໍ້ສັງເກດວ່າ ຢູເຄຣນໄດ້
ເອົາບາດກ້າວຕ່າງໆ ເພີ້ມຕື່ມອີກ ເພື່ອແຍກອອກ ຂໍ້ກຳນົດຂອງກົດໝາຍກ່ຽວກັບສະຖາ
ນະພາບພິເສດ ທີ່ສະພາຂອງຢູເຄຣນ ໄດ້ຮັບຜ່ານເອົາ ໃນເດືອນກັນຍາຜ່ານມາ.
ຜູ້ນຳທັງສອງທ່ານ ໄດ້ສະແດງຄວາມປິຕິຍິນດີ ນຳການມອບເງິນສ່ວນທຳອິດຂອງໂຄງການ ຊ່ວຍເຫລືອໃໝ່ ຂອງອົງການກອງທຶນສາກົນ ສຳຫລັບຢູເຄຣນນັ້ນ.
Your browser doesn’t support HTML5
Russian Weapons Challenge Ukrainian Military