ພະສັນຕະປາປາ Francis ຊົງບິນກັບຄືນສູ່ພູມລຳເນົາ ທີ່ກຸງ
Rome ຈາກ ປະເທດ Paraguay ໃນວັນອາທິດວານນີ້ ຖື
ເປັນການສິ້ນສຸດ ຢ້ຽມຢາມ 3 ປະເທດ ໃນທະວີບອາເມຣິກາ
ໃຕ້ ເປັນເວລາ ໜຶ່ງອາທິດ.
ພະອົງເປັນພະສັນຕະປາປາ ຈາກອາເມຣິກາໃຕ້ອົງທຳອິດ
ທີ່ໄດ້ເນັ້ນໜັກເຖິງບົດບາດຂອງພະອົງ ໃນຖານະເປັນໂຄສົກ
ໃຫ້ແກ່ພວກທີ່ດ້ອຍໂອກາດໃນທົ່ວໂລກ ດ້ວຍການຢ້ຽມຢາມ
ເຂດຊຸມຊົນທຸກຍາກ ທີ່ມັກຈະປະສົບກັບໄພນ້ຳຖ້ວມ.
ພະສັນຕະປາປາ Francis ໄດ້ຮັບການຕ້ອນຮັບ ໂດຍບັນດາຜູ້ສັດທາ ເຄົາລົບນັບຖື ໃນລະຫວ່າງ ການປະພາດຢ້ຽມຢາມ ໝູ່ບ້ານ Banado Norte ໃນເມືອງ Asuncion ປະເທດ Paraguay, ວັນທີ 12 ກໍລະກົດ 2015.
ປະຊາຊົນຫຼາຍແສນຄົນ ໄດ້ພາກັນໄປເຕົ້າໂຮມກັນ ຢູ່ເດີ່ນ
ດິນຕົມທີ່ເອີ້ນວ່າ Nu Gauzu ໃນຖານທັບທະຫານແຫ່ງໜຶ່ງ.
ປະທານາທິບໍດີ ປາຣາໄກວ ທ່ານ Horacio Cartes ແລະ
ປະທານາທິບໍດີ ອາເຈັນຕີິນາ ທ່ານນາງ Cristina Fernandez
ກໍລວມຢູ່ໃນຝຸງຊົນ ຜູ້ທີ່ນັບຖື ບູຊາ ພະສັນຕະປາປາ.
ແທ່ນບູຊາພິເສດ ທີ່ເຮັດດ້ວຍໝາກສາລີ ຈຳນວນ 40,000 ມານ ໝາກພ້າວ ຈຳນວນ 200,000 ໜ່ວຍ ແລະ ໝາກບວບ ຈຳນວນ 1,000 ໜ່ວຍ ໄດ້ຖືກນຳມາກໍ່ກອງກັນຂຶ້ນ ສຳຫລັບພິທີທາງສາສະໜາ ເພື່ອເປັນກຽດແດ່ ຊາວພື້ນເມືອງ Guarani ຂອງປາຣາໄກວ ແລະ ເພື່ອສະແດງເຖິງຄວາມເຄົາລົບນັບຖື ຕໍ່ຜືນໂລກ ໃນຂະນະທີ່ ພະສັນຕະປາປາ Francis ຊົງສືບຕໍ່ຮຽກຮ້ອງໃຫ້ປະຕິຮູບ ສະພາບແວດລ້ອມໃຫ້ດີຂຶ້ນໃນທົ່ວໂລກ.
Your browser doesn’t support HTML5
Pope Francis Ends Visit