ພະສັນຕະປະປາ ໄດ້ກ່າວຕໍ່ຕ້ານ ການເຫັນແກ່ໂຕຂອງບໍລິສັດ
ແລະຂໍຂະມາໂທດ ຕໍ່ການລ່າຫົວເມືອງຂື້ນ ໃນບັນດາປະເທດ
ອາເມຣິກາຢູ່ໃນການຖະແຫຼງໃນວັນພະຫັດວານນີ້ຢູ່ທີ່ກອງປະ
ຊຸມຂອງບັນດາກຸ່ມທີ່ເຮັດວຽກ ເພື່ອຊ່ອຍເຫຼືອພວກທີ່ບໍ່ມີວຽກ
ການ ບໍ່ມີດິນຢູ່ ແລະທຸກຈົນ.
ຢູ່ໃນຄໍາຖະແຫລງ ຕໍ່ກອງປະຊຸມ ຂະບວນການເຄື່ອນໄຫວ
ມະຫາຊົນໂລກ ທີ່ນະຄອນ Santa Cruz ປະເທດ Bolivia
ພະສັນຕະປະປາ Francis ຊົງ ຖາມວ່າ “ພວກເຮົາສຳນຶກບໍ
ວ່າ ມີຫຍັງຜິດຢູ່ໃນໂລກນີ້ ບ່ອນທີ່ມີພວກຊາວໄຮ່ຊາວນາ
ເປັນຈຳນວນຫຼວງຫລາຍ ບໍ່ມີທີ່ດິນເປັນຂອງຕົນເອງ ຫຼາຍໆ
ຄອບຄົວ ບໍ່ມີເຮືອນຢູ່ ພວກກຳມະກອນຈຳນວນຫລວງຫລາຍບໍ່ມີສິດທິ ຫຼາຍໆຄົນທີ່ກຽດ
ສັກສີບໍ່ໄດ້ຮັບການເຄົາລົບນັບຖື.
ພະສັນຕະປາປາ Francis ປະພາດ ອາເມຣິກາໃຕ້
ພະອົງຊົງກ່າວເຖິງ “ການລ່າຫົວເມືອງແບບໃໝ່” ແກ່ຜູ້ຟັງຂອງພະອົງ ທີ່ເປັນບັນດາຜູ້ຈັດ
ຕັ້ງຂັ້ນຮາກຫຍ້າ ໂດຍກ່າວວ່າ ມັນເປັນທີ່ປາກົດວ່າ ໃນຂະນະທີ່ “ອິດທິພົນແບບລັບໆ”
ຂອງບັນດາບໍລິສັດຕ່າງໆ ອົງການໃຫ້ເງິນກູ້ຢືມມາດຕະການເຂດການຄ້າເສລີຈຳນວນ
ນຶ່ງ ແລະມາດຕະການປະຢັດມັດທະຍັດທີ່ເປັນຜົນສະທ້ອນຕໍ່ຊີວິດຂອງບັນດາຜູ້ທຸກຈົນ.
ນອກນັ້ນພະອົງຍັງກ່າວເຖິງ ການປ່ຽນແປງຂອງດິນຟ້າອາກາດ ທີ່ໄດ້ເປັນຂີດໝາຍດັງ
ກ້ອງ ໃນຈົດໝາຍວຽນຂອງພະອົງ ທີ່ພິມເຜີຍແຜ່ ໃນເດືອນແລ້ວນີ້ ທີ່ເຊື່ອມໂຍງການ
ປ່ຽນແປງຂອງດິນຟ້າອາກາດ ໃສ່ກັບຄວາມສີວິໄລຂອງມະນຸດ. ພະອົງກ່າວວ່າ ການ
ເຫັນແກ່ໂຕຂອງບໍລິສັດ ໄດ້ເຮັດໃຫ້ມີຄວາມນຶກຄິດຂອງ “ຜົນກຳໄລບໍ່ວ່າດ້ວຍລາຄາ
ໃດໆກໍຕາມ” ໂດຍບໍ່ມີຄວາມເປັນຫ່ວງ ຕໍ່ການທຳລາຍທຳມະຊາດແວດລ້ອມ.
ພະສັນຕະປະປາ ໄດ້ຂໍຂະມາໂທດຕໍ່ການລ່ວງລ້ຳທາງປະຫວັດສາດ ທີ່ມີສາເຫດມາ
ຈາກສາສະໜາຄາໂທລິກ ແຕ່ກໍເຊັ່ນດຽວກັນທີ່ມີສາເຫດມາຈາກພວກລ່າຫົວເມືອງຂື້ນ
ຊາວຜິວຂາວ ທີ່ເຂົ້າມາຕັ້ງຖິ່ນຖານໃນອາເມຣິກາ ດ້ວຍການສ້າງຄວາມເສຍຫາຍໃຫ້
ແກ່ປະຊາຊົນທີ່ເກີດໃຫຍ່ຢູ່ທີ່ນັ້ນ. ພະອົງໄດ້ຍ້ອງຍໍຂະບວນການເຄື່ອນໄຫວຂອງ
ປະຊາຊົນພື້ນເມືອງ ໃນລາຕິນອາເມຣິກາ ທີ່ໄດ້ປະ ສົມປະສານເຂົ້າກັບວັດທະນາທຳພື້ນເມືອງ ແທນທີ່ຈະທຳການກົດຂີ່.
Your browser doesn’t support HTML5
POPE South America