ຝູງຊົນເປັນຈຳນວນຫລວງຫລາຍ ພາກັນຕ້ອນຮັບ ພະສັນຕະ
ປາປາ Francis ທີ່ປະເທດອູການດາໃນວັນເສົາມື້ນີ້ໃນຂະນະ
ທີ່ພະອົງຊົງ ນຳພາພິທີສູດມົນພາວະນາ ຄັ້ງໃຫຍ່ ເທື່ອທຳອິດ
ຂອງພະອົງ ຢູ່ໃນປະເທດດັ່ງກ່າວ ລະຫວ່າງການຢຸດແວ່ຢ້ຽມ
ຢາມແຫ່ງທີສອງຂອງພະອົງ ຢູ່ອາຟຣິກາ.
ພິທີສູດມົນພາວະນາກາງແຈ້ງ ໄດ້ຈັດຂື້ນ ຢູ່ສະຖານທີ່ມໍລະນະ
ສັກຂີທີ່ ເມືອງ Namugongo ເພື່ອລະນຶກເຖິງພວກທີ່ເຫລື້ອມ
ໃສໃນສາສະໜາຫລາຍສິບຄົນທີ່ຖືກເຜົາຈົນຕາຍ ໂດຍກະສັດ
ທ້ອງຖິ່ນໃນທ້າຍຊຸມປີ 1800 ທີ່ປະຕິເສດບໍ່ຍອມປະລະຄວາມ
ເຊື່ອຖືຂອງເຂົາເຈົ້າ.
ອີງຕາມລາຍງານທີ່ນຳອອກເຜີຍແຜ່ໂດຍວິທະຍຸວາຕີກັນແລ້ວ ພະສັນຕະປາປາ ຊົງກ່າວວ່າ “ຄວາມເຊື່ອຖືຂອງເຂົາເຈົ້າເປັນການຊອກຫາສິ່ງທີ່ດີ ຂອງຄົນທັງໝົດ ຮວມທັງກະສັດ ຜູ້ທີ່ປະນາມເຂົາເຈົ້າ ຍ້ອນ ຄວາມເຊື່ອຖືໃນສາສະໜາຄຣິສຕ໌. ການສະໜອງຕອບຂອງພວກເຂົາເຈົ້າ ຕໍ່ຄວາມຄຽດຊັງ ດ້ວຍຄວາມຮັກ ແລະດ້ວຍເຫດນີ້ຈຶ່ງໄດ້ແຜ່ຜາຍຄຳສັ່ງ
ສອນຂອງພະເຢຊູ.”
ຫລາຍສິບພັນຄົນພາກັນຕັ້ງຜາມນອນຂ້າມຄືນຢູ່ສະຖານທີ່ແຫ່ງນີ້ກ່ອນພິທີສູດມົນ ທີ່
ໝາຍເຖິງການລະນຶກຄົບຮອບ 50 ປີ ຂອງຜູ້ສະແຫວງບຸນ. ໃນຂະນະທີ່ພະອົງສະເດັດ
ໄປເຖິງ ຫລາຍຄົນພາກັນຮ້ອງໂຮ ຫລືຮ້ອງເພງອອກມາ.
ຫຼັງຈາກນັ້ນພະອົງຈະຊົງພົບປະກັບບັນດາຊາວໜຸ່ມ ຢ້ຽມຢາມອົງການ ການກຸສົນ ແລະ
ພົບປະກັບບັນດາຜູ້ນຳສາສະໜາທ້ອງຖິ່ນ ໃນຂະນະທີ່ພະອົງສືບຕໍ່ການຢ້ຽມຢາມ ອູການ
ດາ ເປັນມື້ທີສອງ.
ໃນວັນສຸກວານນີ້ ພະສັນຕະປາປາ Francis ສະແດງຄວາມຍ້ອງຍໍອູກັນດາວ່າ “ດີເລີດ”
ໃນການຕ້ອນຮັບອົບພະຍົບຈາກພາກຕ່າງໆຂອງອາຟຣິກາ.
Your browser doesn’t support HTML5
Pope Finishes Kenya Leg of Africa Trip
ພະອົງຊົງກ່າວ ຫລັງຈາກໄດ້ບິນໄປເຖິງເມືອງ Entebbe ໃນວັນສຸກວານນີ້ວ່າ “ຢູ່ອາຟຣິ
ກາຕາເວັນອອກແຫ່ງນີ້ ອູກັນດາ ໄດ້ສະແດງ ຄວາມເປັນຫ່ວງຢ່າງດີເລີດໃນການຕ້ອນ
ຮັບຊາວອົບພະຍົບ ເພື່ອຊ່ວຍໃຫ້ເຂົາເຈົ້າສ້າງຕັ້ງຊີວິດຂອງເຂົາເຈົ້າ ໃຫ້ມີຄວາມປອດ
ໄພ ແລະມີ ຄວາມຮູ້ສຶກແບບມີກຽດສັກສີ” “ພວກເຮົາປະຕິບັດຢ່າງໃດກັບເຂົາເຈົ້ານັ້ນ
ເປັນການທົດສອບເຖິງ ຄວາມມີມະນຸດສະທຳຂອງພວກເຮົາ.
ຫ້ອງການອົບພະຍົບ ສະຫະປະຊາຊາດ ກ່າວວ່າ ອູກັນດາ ເປັນເຈົ້າ ພາບຕ້ອນຮັບອົບ
ພະຍົບ ຫລາຍກວ່າ 500.000 ຄົນ ສ່ວນໃຫຍ່ແລ້ວ ແມ່ນພາກັນຫລົບໜີການບັນຫາຂັດ
ແຍ້ງ ແລະຄວາມຮຸນແຮງຢູ່ໃນສາທາລະນະລັດປະຊາທິປະໄຕຄອງໂກ ແລະຊູດານໃຕ້.
ພະສັນຕະປາປາ ຍັງຊົງກ່າວວ່າ “ໂລກພາກັນເບິ່ງອາຟຣິກາວ່າ ເປັນ ທະວີບແຫ່ງ
ຄວາມຫວັງ” ໂດຍໃຫ້ຂໍ້ສັງເກດວ່າ ການຢ້ຽມຢາມສາມປະເທດຂອງພະອົງ ແມ່ນແນໃສ່
ເພື່ອສ້າງຄວາມສົນໃຈ ຕໍ່ການ “ບັນລຸຜົນຕ່າງແລະການດິ້ນລົນຕໍ່ສູ້” ຂອງອາຟຣິກາ.
The Pope Speaks with Kenyans in Nairobi's Kangemi Slum