ພະສັນຕະປາປາ Francis ຊົງມ້ວນທ້າຍການສະເດັດປະພາດ
ປະເທດເທີກີ ເປັນເວລາສາມມື້ ໃນວັນອາທິດມື້ນີ້ ໂດຍໄດ້ຊົງ
ປະກອບສ່ວນ ໃນພິທີທາງສາສະໜາ ທີ່ນຳພາໂດຍ ພະສັງຄະ
ລາດໃຫຍ່ Bartholomew ຂອງສາສະໜາຄຣິສຕ໌ ນິກາຍ
ອອ໋ກໂທດອ໊ກສ໌ ທີ່ມີ ຜູ້ນັບຖື 300 ລ້ານຄົນຢູ່ໃນທົ່ວໂລກ.
ມີສຽງສວດມົນພາວະນາດັງກ້ອງໄປທົ່ວ ໃນໂບດ St. George
ຢູ່ນະຄອນ Istanbul ໃນວັນອາທິດມື້ນີ້.
ສັນຕະປາປາ Francis ຊົງມ້ວນທ້າຍ ການສະເດັດປະພາດ ເທີກີ
ໃນວັນເສົາວານນີ້ ຜູ້ນຳທາງດ້ານຈິດໃຈທັງສອງອົງ ໄດ້ຮ່ວມໃນພິທີທາງສາສະໜາອີກ
ພິທີໜຶ່ງ ຢູ່ Istanbul ບ່ອນທີ່ພະສັນຕະປາປາ Francis ໄດ້ຊົງກົ້ມຫົວຢູ່ຕໍ່ໜ້າພະສັງຄະ
ລາດ Bartholomew ແລະ ຊົງຂໍພອນ ຈາກພະອົງ. ໃນມື້ວານນີ້ເຊັ່ນກັນພະສັນຕະປາປາ
Francis ໄດ້ຊົງໄປຢ້ຽມຢາມໂບດ Sultan Ahmet ໃນສະໄໝ ສັດຕະຫວັດທີ 17 ທີ່ເອີ້ນວ່າ ສຸເຫຼົາສີຟ້າ. ພະອົງເປັນ ສັນຕະປາປາອົງທີ 4 ທີ່ໄດ້ສະເດັດປະພາດປະເທດເທີກີ ຕາມຫລັງສັນຕະປາປາ Paul VI, John Paul II ແລະ Benedict XVI.
Your browser doesn’t support HTML5
POPE FRANCIS TURKEY VO