ພະສັນຕະປາປາ Francis ໄດ້ປະກອບພິທິທາງສາສະໜາໃຫ້
ແກ່ບັນດາຊາວໜຸ່ມເກົາຫລີໃຕ້ ຈຳນວນຫລາຍສິບພັນຄົນ
ໂດຍຮຽກຮ້ອງໃຫ້ເຂົາເຈົ້າ ປະຖິ້ມແນວທາງວັດຖຸນິຍົມ ທີ່ພວມ
ສ້າງຄວາມທຸກທໍລະມານ ໃຫ້ແກ່ສ່ວນໃຫຍ່ຂອງເຂດເອເຊຍ
ແລະປະຕິເສດຕໍ່ອັນທີ່ພະອົງຮ້ອງວ່າ ລະບົບເສດຖະກິດທີ່ “ໄຮ້
ຄວາມເປັນມະນຸດ” ທີ່ຕັດສິນພວກຄົນທຸກຍາກນັ້ນ.
ພະສັນຕະປາປາ ໄດ້ກ່າວໃນວັນສຸກມື້ນີ້ທີ່ເດີ່ນເຕະບານໃນນະ
ຄອນ Daejeon ທີ່ມີບ່ອນນັ່ງສຳຫຼັບ 50,000 ຄົນ. ນີ້ເປັນການ
ປາກົດໂຕໃນທີ່ສາທາລະນະເທື່ອທຳອິດນັບຕັ້ງແຕ່ໄດ້ສະເດັດ
ໄປເຖິງນະຄອນຫຼວງໂຊລໃນວັນພະຫັດວານນີ້. ກ່ອນປະກອບ
ພິທີທາງສາສະໜາ ພະສັນຕະປາປາ Francis ໄດ້ຊົງພົບປະກັບບັນດາຄອບຄົວຈຳນວນ ນຶ່ງຂອງພວກເຄາະຮ້າຍຈາກໄພພິບັດເຮືອຂ້າມຟາກ Sewol ຫຼົ້ມ ໃນເດືອນເມສາທີ່ຜ່ານ
ມາ.
ສັນຕະປາປາ ຢ້ຽມຢາມ ເກົາຫຼີໃຕ້
ເວລາເດີນທາງໄປເຖິງ ໃນວັນພະຫັດວານນີ້ ພະສັນຕະປາປາ Francis ໄດ້ຊົງພົບປະກັບປະທານາທິບໍດີເກົາຫລີໃຕ້ ທ່ານນາງ Park Geun-hye ແລະ ຜູ້ນຳທັງສອງກໍໄດ້
ຮ່ວມກັນກ່າວຖະແຫລງ.
ໃນການກ່າວເປັນພາສາອັງກິດ ແບບບໍ່ຄ່ອຍເຫັນກັນຂອງພະສັນຕະປາປາ ທີ່ ປາກ
ພາສາສະເປນນັ້ນ ພະສັນຕະປະປາ Francis ຊົງກ່າວວ່າ ການທູດແມ່ນ ອີງໃສ່ການ
ໂອ້ລົມກັນ ແທນທີ່ຈະແມ່ນການກ່າວຫາ ແລະຂົ່ມຂູ່ກັນ.
ແລພະອົງຍັງໃຫ້ຂໍ້ສັງເກດວ່າ “ການຊອກສະແຫວງຫາສັນຕິພາບ” ຂອງເກົາຫລີ ເປັນ
ຜົນຕໍ່ສະຖຽນລະພາບ ໃນຂົງເຂດດັ່ງກ່າວທັງໝົດ.
ປະທານາທິບໍດີ Park ກ່າວວ່າ ເກົາຫລີເໜືອ ແລະເກົາຫລີໃຕ້ ຄວນຈະກຳຈັດຄວາມ
ຢ້ານກົວ ແລະອາວຸດນິວເຄລຍ ແລະສຸມໃສ່ການທ້ອນໂຮມຊາດ.
ທ່ານນາງ ໄດ້ຂອບໃຈ ພະສັນຕະປາປາ ທີ່ພະອົງໄດ້ຊົງວິງວອນພາວະນາ ແລະປະກອບ
ພິທີທາງສາສະໜາ “ເພື່ອໃຫ້ມີສັນຕິພາບ ແລະຄວາມປອງດອງຊາດ” ໃນລະຫວ່າງການ
ຢ້ຽມຢາມຂອງພະອົງ.
Your browser doesn’t support HTML5
POPE SOKOR VO