ການລົງຄະແນນສຽງເລີ່ມຂຶ້ນແລ້ວ ໃນວັນພະຫັດມື້ນີ້ ໃນການປ່ອນບັດຄັ້ງປະຫວັດສາດ ທີ່ວ່າເມື່ອແລງມື້ນີ້ສິິ້ນສຸດລົງແລ້ວນັ້ນ ກໍແມ່ນວ່າ ຈະເປັນການຕັດສິນໃຈທີ່ວ່າ ປະເທດຈະຍັງສັງກັດຢູ່ໃນສະຫະພາບຢູໂຣບ ຫຼືບໍ່?
ໃນຂະນະທີ່ຜູ້ມີສິດປ່ອນບັດໄດ້ໄປລົງຄະແນນສຽງຕາມໜ່ວຍປ່ອນບັດຕ່າງໆ ການຢັ່ງຫາງສຽງມະຫາຊົນສະແດງໃຫ້ເຫັນວ່າ ທັງສອງຝ່າຍແມ່ນມີຄະແນນສຽງໃກ້ຄຽງກັນ.
ຄາດວ່າຈະມີຜູ້ໄປລົງຄະແນນສຽງຢ່າງໜາແໜ້ນ ໃນຈຸດສຸດຍອດຂອງການໂຄສະນາຢ່າງຂົມຂື່ນເປັນເວລາ 2 ເດືອນ ຊຶ່ງສ່ວນໃຫຍ່ມິຈຸດສູນກາງກ່ຽວກັບເລື່ອງຄົນເຂົ້າເມືອງ ທີ່ເປັນບັນຫາຫຼໍ່ແຫຼມແລະສ້າງຄວາມແຕກແຍກກັນທີ່ສຸດ ໃນປະເທດ ຊຶ່ງໄດ້ມີຈຳນວນພວກຄົນເຂົ້າມາເມືອງເພີ້ມຂຶ້ນເປັນສອງເທົ່າ ນັບຕັ້ງແຕ່ປີ 2000 ເປັນຕົ້ນມາ.
ນາຍົກລັດຖະມົນຕີ ອັງກິດ ທ່ານ David Cameron ແລະພັນລະຍາ Samantha ຫຼັງຈາກລົງຄະແນນສຽງລົງປະຊາມະຕິ ກ່ຽວກັບວ່າ ໃຫ້ອັງກິດອອກຈາກສະຫະພາບຢູໂຣບ, ນະຄອນລອນດອນ 23 ມິຖຸນາ, 2016.
ທ່ານ David Cameron ນາຍົກລັດຖະມົນຕີ ໄດ້ເປັນຜູ້ນຳພາ ໃນການຮ້ອງຂໍໃຫ້ຢູ່ສະຫະ ພາບຢູໂຣບຕໍ່ໄປ. ໃນວັນພະຫັດມື້ນີ້ ທ່ານໄດ້ຂໍຮ້ອງເປັນຄັ້ງສຸດທ້າຍ ໄປຍັງພວກທີ່ມີສິດປ່ອນບັດທັງຫຼາຍ ທີ່ຍັງບໍ່ທັນຕັດສິນໃຈເທື່ອນັ້ນ ໂດຍທ່ານໄດ້ກ່າວວ່າ “ພວກເຮົາເຂັ້ມແຂງກ່ວາ ພວກເຮົາຈະດີຂຶ້ນກ່ວາ ຖ້າພວກເຮົາປະຕິຮູບສະຫະພາບຢູໂຣບ ຫຼື EU.”
ທ່ານ Cameron ແລະພວກທີ່ຄັດຄ້ານທັງຫຼາຍ ຕໍ່ການຖອນຕົວຂອງອັງກິດຫລື Brexit ກ່າວວ່າ ເສດຖະກິດອັງກິດ ຈະໄດ້ຮັບຄວາມເສຍຫາຍຢ່າງຮ້າຍແຮງ ຖ້າຫາກວ່າໄດ້ມີການ ຖອນຕົວອອກຈາກສະຫະພາບຢູໂຣບ ທີ່ມີທັງໝົດ 28 ປະເທດນັ້ນ.
ພວກທີ່ມີສິດປ່ອນບັດ ພາກັນພາກັນອອກມາຮວມຕົວກັນໄວ້ອາໄລຕໍ່ ສະມາຊິກສະພາ ທ່ານນາງ Jo Cox ທີ່ພົວພັນເຖິງສະຖານະການຂອງ Brexit , 23 ມິຖຸນາ, 2016. (ພາບ: L. Ramirez / VOA)
ພວກນັກວິເຄາະກ່າວວ່າ ການເມືອງໃນອະນາຄົດຂອງທ່ານ David Cameron ຈະຕົກຢູ່ ໃນອັນຕະລາຍ ສຸດແລ້ວແຕ່ວ່າ ຜົນການລົງປະຊາມະຕິຈະອອກມາແບບໃດ. ການລົງປະ ຊາມະຕິ ໄດ້ຈັດຂຶ້ນ ຫຼັງຈາກທີ່ທ່ານ Cameron ບໍ່ສາມາດບັນລຸການຕົກລົງກັບ EU ໃນເດືອນກຸມພາຜ່ານມານີ້ ຊຶ່ງຈະຈຳກັດຮັດແຄບຜົນປະໂຫຍດຂອງຄົນເຂົ້າເມືອງ ແລະການປັບທຸລະກິດ ແລະກົດລະບຽບການອື່ນໆນຳ.
ໃນວັນພະຫັດມື້ນີ້ ຖ້າຫາກວ່າການຕັດສິນໃຈຂອງຜູ້ມີສິດປ່ອນບັດ ຈະຖອນຕົວອອກຈາກ EU ພວກຜູ້ຊ່ຽວຊານກ່າວວ່າ ທ່ານ Cameron ຈະເສຍສິດອຳນາດ ແລະມີທາງເລືອກ ນ້ອຍສຸດ ກໍຄືການລາອອກຈາກຕຳແໜ່ງ ຊຶ່ງເປັນສິ່ງທີ່ພວກຜູ້ນຳອັງກິດທ່ານນີ້ ໄດ້ກ່າວວ່າ ທ່ານຈະບໍ່ກະທຳເຊັ່ນນັ້ນ.
ກະລຸນາອ່ານຂ່າວນີ້ເພີ້ມຕື່ມເປັນພາສາອັງກິດ
ເຊີນຊົມ: Brexit ແມ່ນຫຍັງກັນແທ້?
Your browser doesn’t support HTML5
Explainer: What is Brexit?