ລັດຖະມົນຕີການເງິນ ກຣິສ ທ່ານ Yanis Varoufakis ໄດ້
ລາອອກຈາກຕຳແໜ່ງ ໃນວັນຈັນມື້ນີ້ ມື້ນຶ່ງ ຫຼັງຈາກທີ່ ຊາວກຣິສ
ຜູ້ມີສິດປ່ອນບັດ ໄດ້ລົງຄະແນນສຽງປະຕິເສດຢ່າງຖ້ວມລົ້ນ ຂໍ້
ຮຽກຮ້ອງ ໂດຍບັນດາປະເທດ ທີ່ໃຫ້ກູ້ຢືມເງິນ ທີ່ຢາກຈະວາງ
ມາດຕະການປະຢັດມັດທະຍັດ ເພີ້ມຕື່ມອີກຕໍ່ກຣິສ ໃນການ
ແລກປ່ຽນ ກັບເງິນທຶນກູ້ຢືມ ເພື່ອກອບກູ້ເສດຖະກິດຊຸດໃໝ່
ໃຫ້ລັດຖະບານ ໃນ Athen.
ການລາອອກຂອງທ່ານ Varoufakis ນັ້ນ ແມ່ນເປັນທີ່ບໍ່ໜ້າ
ເຊື່ອເລີຍ ຍ້ອນວ່າ ທ່ານ ເຄີຍໄດ້ກ່າວວ່າ ທ່ານພຽງຈະລາອອກ
ຖ້າຫາກ ຊາວກຣິສຮ່ວມຊາດ ໄດ້ລົງຄະແນນສຽງ ເຫັນດີເຫັນ
ພ້ອມ ຢອມຮັບເອົາຂໍ້ຮຽກຮ້ອງ ການປະຢັດມັດທະຍັດຕ່າງໆນັ້ນ.
ນາຍົກລັດຖະມົນຕີ ກຣິສ ທ່ານ Alexis Tsipras ປ່ອນບັດອອກສຽງ ຢູ່ສະຖານທີ່ປ່ອນບັດ ໃນນະຄອນ Athens, ວັນທີ 5 ກໍລະກົດ 2015.
ແຕ່ຢ່າງໃດກໍຕາມ ທ່ານ Varoufakis ກ່າວໃນວັນຈັນມື້ນີ້ ວ່າ
ທ່ານ ໄດ້ “ຮັບຮູ້ເຖິງຄວາມຕ້ອງການບາງຢ່າງ” ໂດຍສະມາຊິກ
ຈຳນວນນຶ່ງຂອງປະເທດໃນເຂດທີ່ໃຊ້ເງິນຢູໂຣ ສຳຫລັບ “ການ
ບໍ່ເຂົ້າຮ່ວມ” ກອງປະຊຸມບັນດາລັດຖະມົນການເງິນ. ທ່ານກ່າວ
ວ່າການຖອນໂຕອອກຈາກກອງປະຊຸມນັ້ນ ແມ່ນ “ເປັນແນວຄິດ
ຂອງ ນາຍົກລັດຖະມົນຕີ ທີ່ໄດ້ຕີລາຄາວ່າ ຈະເປັນທ່າແຮງ
ຊ່ວຍເຫຼືອທ່ານ ໃຫ້ບັນລຸຂໍ້ຕົກລົງໄດ້” ກັບບັນດາຜູ້ໃຫ້ກູ້ຢືມເງິນ
ແກ່ກຣິສ.
ທ່ານ Varoufakis ໄດ້ຜິດຖຽງກັບບັນດານຜູ້ໃຫ້ກູ້ຢືມເງິນ ຢູ່ສະເໝີ ໃນສອງສາມເດືອນ
ທີ່ຜ່ານມາ. ແລະໃນບໍ່ເທົ່າໃດມື້ ທີ່ຜ່ານມານັ້ນ ທ່ານໄດ້ກ່າວຫາ ສະຫະພາບຢູໂຣບ ວ່າ
ເປັນ “ພວກກໍ່ການຮ້າຍ” ໂດຍພະຍາຍາມ ທີ່ຈະສ້າງຄວາມຢ້ານກົວໃຫ້ແກ່ຊາວກຣິສ
ເພື່ອເຮັດໃຫ້ພວກເຂົາ ລົງຄະແນນສຽງໄປໃນແນວທາງຂອງ EU. ໃນວັນຈັນມື້ນີ້ ທ່ານ
Varoufakis ກ່າວວ່າ “ຂ້າພະເຈົ້າ ຈະໃສ່ເສື້ອຂອງການກຽດຊັງພວກເຈົ້າໜີ້ ຢ່າງ
ພາກພູມໃຈ.”
ແຫລ່ງໜີ້ສິນຕ່າງຂອງກຣິສ
ນາຍົກລັດຖະມົນຕີ ກຣິສ ທ່ານ Alexis Tsipras “ຮູ້ສຶກ ຢາກຈະຂອບໃຈ” ທ່ານ
Varoufakis, ຕາມຄຳເວົ້າຂອງໂຄສົກລັດຖະບານ ກຣິສ ທ່ານ Gabrial Sakellaridis
ນັ້ນແມ່ນວ່າ “ສຳຫລັບຄວາມພະຍາຍາມ ທີ່ບໍ່ຢຸດຢັ້ງຂອງທ່ານ ເພື່ອສົ່ງເສີມຈຸດຢືນ
ຂອງລັດຖະບານ ແລະ ຜົນປະໂຫຍດຕ່າງໆ ຂອງຊາວກຣິສ ພາຍໃຕ້ສະພາບການ
ອັນຫຍຸ້ງຍາກທີ່ສຸດນີ້.”
ທ່ານ Sakellaridis ກ່າວວ່າ ຜູ້ທີ່ຈະມາແທນ ທ່ານ Varoufakis ນັ້ນ ຈະໄດ້ຖືກປະກາດ ໃນຕອນແລງວັນຈັນມື້ນີ້.
ຜົນຂອງການລົງປະຊາມະຕິ ສະແດງໃຫ້ເຫັນວ່າ ຊາວກຣິສ ຜູ້ມີສິດປ່ອນບັດ 61 ເປີເຊັນ
ໄດ້ປະຕິເສດ ການຕັກເຕືອນຕ່າງໆ ຈາກບັນດາຜູ້ນຳປະເທດໃນຢູໂຣບ ແລະ ເອົາບໍ່ຫົວຊາກັບຂໍ້ຮຽກຮ້ອງໃຫ້ປະຢັດມັດທະຍັດ ຂອງພວກເຂົາເຈົ້າ ຊຶ່ງອາດຈະກົດດັນໃຫ້ປະເທດກຣິສ
ອອກຈາກ ກຸ່ມ 19 ປະເທດທີ່ໃຊ້ເງິນຕາຢູໂຣນັ້ນ.
Your browser doesn’t support HTML5
Greece Referendum