ໃນຄ່ຳຄືນຂອງວັນອາທິດທ້າຍເດືອນພຶດສະພານີ້
ວັນນະສອນຈະພາທ່ານໄປຟັງເພງຫວານໃນອະດີດ
ຊຶ່ງວັນນະສອນເອງຄິດວ່າຄົງຍັງມີຜູ້ຄົນຈຳນວນຫຼາຍ
ໃຫ້ຄວາມສົນໃຈແລະຍັງຢາກຟັງຢູ່ຕະລອດໄປ.
ທຳອິດນີ້ ຂໍສະເນີເພງ “ດອນຈັນແມ່ຂອງ” ຊຶ່ງເພງນີ້
ຄົງພາໃຫ້ຫຼາຍໆທ່ານທີ່ມີຄວາມຜູກພັນໃນແມ່ນ້ຳຂອງສ
າຍນີ້ ຫວນລະລຶກເຖິງອະດີດຄວາມຫຼັງ ແລະຫວັງວ່າ
ຄົງອີກບໍ່ນານຄົງຈະຍ້ອນກັບໄປຢຽມຢາມອີກຄັ້ງ. ຂໍເຊີນ
ໄປຟັງຮ່ວມກັນເລີຍ.
ເພງ: “ດອນຈັນແມ່ຂອງ”
ວັນນະສອນ: ແລະນີ້ແມ່ນຜົນງານຂອງອ້າຍພູສຸກສະຫວັດ ທານາດາບຸດ ເປັນນັກຮ້ອງ
ລາວອະເມຣິກັນ ທີ່ລັດ Illinoise ທີ່ຫາອອກຜົນງານຊຸດທຳອິດໃນຊີວິດ ໃຫ້ຊື່ຊຸດວ່າ
“ຄັ້ງນຶ່ງໃນຊີວິດ” ແລະຕັ້ງໃຈນຳເອົາຜົນງານເພງເດັ່ນໆໃນອາດີດ ມາຂັບຮ້ອງໃຫ່ມ
ແລະເພງຕໍ່ໄປນີ້ຊ່າງເຂົ້າກັບບັນຍາກາດພໍດີ ເພາະວ່າທີ່ປະເທດລາວຄົງຈະເຂົ້າຫນ້າຝົນ
ແລ້ວ ເອົາໄປຮັບຟັງເພງນີ້ “ຝົນມາຂ້າເສົ້າ” ພ້ອມໆກັນເລີຍແລະຄົງຈະບໍ່ໃຫ້ທ່ານເສົ້າ
ຕາມຊື່ຂອງເພງນີ້.
ເພງ: “ຝົນມາຂ້າເສົ້າ”
ວັນນະສອນ: ແລະເພງ “ຖິ່ນແກ້ວ” ນີ້ ວັນນະສອນຈັດແຖມໃຫ້ເປັນພິເສດ ຊຶ່ງທຸກຄັ້ງ
ທີ່ໄດ້ຍິນເພງນີ້ ກໍຍັງມວ່ນຫູແລະຍັງມີຄົນນິຍົມຕລອດການ.
ເພງ: “ຖິ່ນແກ້ວ”
ວັນນະສອນ: ຂໍມອບເພງ “ຢ່າຫ່ວງ” ຂອງ ອ້າຍພູສຸກສະຫວັດ ທານາດາບຸດ ໃຫ້ຟັງ
ອີກຕື່ມເພງນຶ່ງ ແລະເພງນີ້ເປັນເພງທີ່ເຄີຍດັງຫຼາຍໃນອະດີດແລະທຸກຄົນຈຳໄດ້ແນ່ນອນ
ຈັດມອບໃຫ້ແຟນເພງທັງຫຼາຍທີ່ຄອຍຕິດຕາມຮັບຟັງລາຍການສຽງເພງຈາກແດນໄກ
ແລະກ່ອນຈາກໄປໃນຄ່ຳຄືນນີ້ວັນນະສອນ ຂໍຝາກຄວາມຄິດຮອດຄິດເຖິງມາກັບສຽງ
ເພງນີ້ ແລະຂໍໃຫ້ທຸກໆທ່ານນອນລັບຝັນຫວານ.
ເພງ: “ຢ່າຫ່ວງ”