ເບິ່ງຄືວ່າ ປະທານາທິບໍດີຟິລິບປີນ ທ່ານ Rodrigo Duterte ທີ່ປະຕິເສດການຊ່ອຍເຫຼືອທາງທະຫານຂອງສະຫະລັດ ໃນການຄວບຄຸມເຂດນ້ຳແດນດິນ ແລະການໂຈມຕີຂອງພວກກະບົດມຸສລິມ ຊຶ່ງອາດຈະເປັນ ການໂກດແຄ້ນ ແທນທີ່ຈະເປັນການສັ່ງ ທີ່ຈະຍຸຕິການຮ່ວມມືກັນໃນຂະນະທີ່ຟິລິບປີນ ສ່ວນໃຫຍ່ ຍິນດີຕ້ອນຮັບການຊ່ອຍເຫຼືອ
ເຖິງແມ່ນວ່າ ຈະມີຄວາມຊົງຈຳທີ່ຂົ່ມຂື່ນ ໃນການເປັນຫົວເມືອງຂຶ້ນຂອງສະຫະລັດ.
ທ່ານ Duterte ປະທານາທິບໍດີ 71 ປີ ທີ່ຮູ້ກັນດີໃນໃນການກ່າວຫາທີ່ແຮງ ແລະແບບສ່ວນຕົວຕໍ່ສະຫະລັດ ທີ່ໄດ້ກ່າວໃນສັບປະດາແລ້ວນີ້ ທີ່ວ່າ ທ່ານຈະບໍ່ໃຫ້ອຳນາດຂອງຕ່າງປະເທດ ຊ່ອຍໃນການລາດຕະເວນທີ່ມີການຜິດຂ້ອງຕ້ອງຖຽງກັນ ໃນເຂດນ່ານນ້ຳ ໃກ້ໆກັບທະເລຈີນໃຕ້ ຊຶ່ງປະກົດວ່າ ມັນຕ້ານ ຜູ້ມີອຳນາດຄົນທີ່ຕາມມາ ສຳຫຼັບການຊ່ອຍສະຫະ ລັດ. ຈີນ ແມ່ນຜູ້ທີ່ອ້າງເອົາເປັນກຳມະສິດໃນຂົງເຂດທີ່ວ່ານີ້.
ປະທານາທິບໍດີສະຫະລັດ ໄດ້ເອີ້ນທີ່ປຶກສາທາງທະຫານສະຫະລັດ ນຶ່ງມື້ກ່ອນ ໃຫ້ຖອນ ອອກຈາກພາກໃຕ້ຂອງ Mindanao ຊຶ່ງເປັນເກາະທີ່ກອງກຳລັງຟິລິບປີນ ຕໍ່ສູ້ກັບພວກກະບົດຫົວຮຸນແຮງມຸສລິມ. ແຕ່ວ່າ ລັດຖະມົນຕີກະຊວງການຕ່າງປະເທດຟິລິບປີນ ທ່ານ Perfecto Yasay ໄດ້ກ່າວຕໍ່ມາວ່າ ທ່ານ Duterte ຈະບໍ່ຖອນການຊ່ອຍເຫຼືອໃດໆຂອງກອງກຳລັງທະຫານສະຫະລັດ ຕາມຂໍ້ຕົກລົງທີ່ມີໄວ້.
ພວກນັກວິໄຈໃນນະຄອນມະນີລາ ໄດ້ກ່າວວ່າ ທ່ານ Duterte ອາດໄດ້ກ່າວກ່ອນເວລາອັນຄວນ ໃນສອງກໍລະນີທີ່ວ່ານີ້.
“ປະທານາທິບໍດີຟິລິບປີນ ນັ້ນແມ່ນເປັນຜູ້ທີ່ກ້າປາກກ້າເວົ້າແລະໂປ່ງໃສ ໃນການສະແດງອອກເຖິງຄວາມຮູ້ສຶກແລະນິໄສສ່ວນຕົວ ເກີນໄປ ແລະຂ້າພະເຈົ້າຄິດວ່າ ໂດຍ
ສະເພາະ ຄວາມຄິດເຫັນທີ່ວ່ານີ້ ແມ່ນເປັນການສະແດງເຖິງຄວາມຮູ້ສຶກສ່ວນຕົວ ໃນຂະນະ ນີ້,” ຊຶ່ງນັ້ນແມ່ນທ່ານ Jay Batongbacal ໄດ້ກ່າວໄວ້ ຜູ້ອຳນວນການຂອງສະຖາບັນແລະກົດໝາຍທາງທະເລ ທີ່ມະຫາວິທະຍາໄລໃນຟິລິບປີນ.
ອ່ານຂ່າວນີ້ເພີ້ມຕື່ມເປັນພາສາອັງກິດ