ປະທານາທິບໍດີຟິລິບປີນ ທ່ານ Rodrigo Duterte ໄດ້ສະເໜີທີ່ຈະເປີດການເຈລະຈາກັບກະບົດມຸສລິມ ທີ່ຮຸນແຮງສຸດສອງກຸ່ມໃນປະເທດ ຫລັງຈາກການໂຈມຕີຂອງທະຫານມາເປັນເວລາຫລາຍເດືອນໂດຍສ້າງຍຸດທະສາດຂອງທ່ານ ເພື່ອຍຸຕິບັນຫາຂັດແຍ້ງທີ່ສັບສົນມາເປັນເວລາ 45 ປີ ທີ່ຍັງບໍ່ຈະແຈ້ງເທື່ອເຖິງແມ່ນວ່າໄດ້ມີການໃຫ້ຄຳໝັ້ນສັນຍາທີ່ຈະຕົກລົງກັນ.
ຢູ່່ໃນຄຳຖະແຫລງຫວ່າງມໍ່ໆມານີ້ ທ່ານ Duterte ໄດ້ຮຽກຮ້ອງໃຫ້ເປີດການເຈ ລະຈາກັບກຸ່ມ Abu Sayyaf ແລະກຸ່ມ Maute ຊຶ່ງເປັນກຸ່ມແບ່ງແຍກດິນແດນມຸສລິມອີກກຸ່ມນຶ່ງ ຢູ່ໃນເຂດພາກຕາເວັນຕົກສຽງໃຕ້ສຸດຂອງປະເທດ.
ໃນເດືອນສິງຫາ ຫລັງຈາກນຶ່ງເດືອນຢູ່ໃນຕຳແໜ່ງ ປະທານາທິບໍດີທີ່ຮູ້ກັນດີວ່າ ເປັນນັກຕໍ່ສູ້ກັບອາຊະຍາກຳທີ່ເຄັ່ງຄັດນັ້ນ ໄດ້ສັ່ງໃຫ້ຕຳຫລວດ ແລະທະຫານ “ຊອກຫາພວກເຂົາທີ່ພາກັນຫລົບລີ້ຢູ່ ແລະທຳລາຍ” ກຸ່ມ Abu Sayyaf ຊຶ່ງ ເປັນກຸ່ມທີ່ມີປະມານ 400 ຄົນ ທີ່ມັກກ່າວກັນວ່າ ເປັນອົງການເຮັດທຸລະກິດໃນ ການລັກພາໂຕ.
ບັນດາຜູ້ປ່ອນບັດຫລາຍຄົນພາກັນຄິດວ່າທ່ານ Duterte ຈະປະຕິບັດໜ້າທີ່ສຳເລັດເພາະ
ວ່າ ທ່ານໄດ້ສ້າງສັນຕິພາບ ກັບກຸ່ມກະບົດຢູ່ທີ່ເມືອງ Davao ໃນຂະນະທີ່ທ່ານເປັນເຈົ້າເມືອງຢູ່ທີ່ນັ້ນ ເປັນເວລາ 22 ປີ. ເມືອງ Davao ຢູ່ໃນເກາະ Mindanao ຊຶ່ງເປັນເກາະນຶ່ງຢູ່ພາກໃຕ້ທີ່ມີປະຊາຊົນ 21 ລ້ານຄົນບ່ອນທີ່ກຸ່ມ Abu Sayyaf ແລະກຸ່ມ Maute ພາກັນປະຕິບັດງານຢູຸ່.
ຜູ້ຖືກລັກພາໂຕຊາວນໍເວ ທ່ານ Kjartan Sekkingstad (ຊ້າຍ) ກ່າວຖະແຫລງຫລັງຈາກພົບປະກັບ ປະທານາທິບໍດີຟິລິບປີນ ທ່ານ Rodrigo Duterte (ຂວາ) ທີເມືອງ Davao ປະເທດ Philippines.
ທ່ານ Christian de Guzman ຮອງປະທານ ແລະເຈົ້າໜ້າທີ່ໃຫ້ສິນເຊື່ອອະ ວຸໂສຂອງບໍລິສັດ Moody ໃນສິງກະໂປ ກ່າວວ່າ “ໄດ້ມີຄວາມຫວັງຢ່າງໃດຢ່າງນຶ່ງ ທີ່ອາດຈະມີຄວາມກ້າວໜ້າເກີດຂຶ້ນພາຍໃຕ້ການນຳພາທ່ານ Duterte ແຕ່ນີ້ເປັນບັນຫາອັນຍາວນານ. ຂ້າພະເຈົ້າຄິດວ່າ ການກ່າວອ້າງໃດໆທີ່ຈະແກ້ໄຂໃນເວລາຂ້າມຄືນນັ້ນ ເປັນເລື້ອງທີ່ບໍ່ແນ່ນອນ. ເວລາໃດທີ່ພວກເຮົາເວົ້າເຖິງ ບັນທີ່ເປັນຈຸດໃນກາງ ມັນກັບຄືນໄປກ່ອນການຕັ້ງສາທາລະນະລັດອີກ.”
ກຸ່ມ Abu Sayyaf ໄດ້ສ້າງຕັ້ງຂຶ້ນມາໃນປີ 1991 ແລະໄດ້ຟື້ນໂຕຄືນມາຢ່າງວ່ອງໄວ
ເວລາໃດຖືກໂຈມຕີໂດຍກຳລັງລັດຖະບານ. ກຸມດັ່ງກ່າວ ໄດ້ຮັບການສະໜັບສະໜູນຈາກປະຊາຊົນ ໃນທ້ອງຖິ່ນ ພ້ອມທັງບັນດາເຈົ້າໜ້າທີ່ ຢູ່ຕາມເກາະດອນທີ່ນ້ອຍໆໃກ້ກັບເກາະ Mindanao ໂດຍການແບ່ງປັນເງິນຄ່າໄຖ່ທີ່ ໄດ້ຮັບຈາກການລັກພາໂຕ.