ບໍລິສັດຜະລິດຢາຍັກໃຫຍ່ Pfizer ໄດ້ກາຍມາເປັນຜູ້ຜະລິດລາຍສຸດທ້າຍທີ່ຈະຂັດຂວາງບໍ່ໃຫ້ມີການໃຊ້ຢາຂອງຕົນ ໃນການສັກຢາປະຫານຊີວິດ.
ຍານາງ Rachel Hooper ໂຄສົກຂອງບໍລິສັດ Pfizer ກ່າວໃນວັນສຸກວານນີ້ວ່າ ບໍລິສັດ ຜະລິດຢາ ບໍ່ໄດ້ອະນຸຍາດ ໃຫ້ນຳໃຊ້ຢາຂອງຕົນໄປສັກ ເພື່ອການປະຫານຊີວິດ ຢູ່ແລ້ວ ແຕ່ໄດ້ເພີ້ມຂອບເຂດໃນການຈຳກັດຮັດແຄບໃໝ່ທີ່ “ເສີມຂະຍຫາຍ” ລະບົບທີ່ມີຢູ່ກ່ອນແລ້ວນັ້ນ.
ຂ່າວກ່ຽວກັບການຕັດສິນໃຈ ຂອງບໍລິສັດ Pfizer ໄດ້ລາຍງານເປັນເທື່ອທຳອິດ ໃນວັນ ສຸກວານນີ້ໂດຍໜັງສືພິມ New York Times.
ໃນໄລຍະສອງສາມປີທີ່ຜ່ານມານີ້ ມີປະມານ 20 ບໍລິສັດທີ່ຜະລິດຢາຢູ່ໃນໂລກໄດ້ຫ້າມ ບໍ່ໃຫ້ເອົາຢາຂອງເຂົາເຈົ້າໄປໃຊ້ໃນການລົງໂທດປະຫານຊີວິດ.
ແຕ່ບັນດາຢາເຫລົ່ານີ້ ຍັງໄດ້ຖືກນຳໄປໃຊ້ໃນທາງອື່ນໆ ຊຶ່ງຍັງມີຊ່ອງຫວ່າງຢູ່ທີ່ຈະຂັດ ຂວາງບໍ່ໃຫ້ນຳໄປໃຊ້ຢູ່ໃນຄຸກຂອງລັດຖະບານ ສຳລັບການປະຫານຊີວິດ.
ຂໍ້ຫ້າມໃໝ່ຂອງບໍລິສັດ Pfitzer ແມ່ນຈຳກັດການຂາຍຜະລິດຕະພັນເຈັດຢ່າງ ໃຫ້ແກ່ ກຸ່ມຂາຍຍົກ ທີ່ຖືກຄັດເລືອກ ບັນດາຜູ້ຈຳໜ່າຍ ແລະບັນດາຜູ້ທີ່ຊື້ໂດຍກົງ ຢູ່ພາຍໃຕ້ສະພາບການທີ່ເຂົາເຈົ້າຈະບໍ່ນຳເອົາໄປຂາຍຕໍ່ ຜະລິດຕະພັນເຫຼົ່ານີ້ໃຫ້ແກ່ສະຖາບັນ ຄຸມຂັງຕ່າງໆເພື່ອໃຊ້ສັກສຳລັບປະຫານຊີວິດ.
ການລົງໂທດປະຫານຊີວິດ ຍັງສືບຕໍ່ຖືກຕ້ອງຕາມກົດໝາຍ ຢູ່ໃນບັນດາລັດ ທີ່ຫລຸດ ໜ້ອຍຖອຍລົງນັບມື້ຊຶ່ງມີພຽງແຕ່ຈຳນວນບໍ່ເທົ່າໃດທີ່ຍັງທຳການປະຫານຊີວິດ. ສ່ວນ ລັດອຶື່ນໆທີ່ມີແຜນຈະປະຕິບັດດັ່ງກ່າວພາກັນບໍ່ຄວາມສາມາດເຮັດໄດ້ຍ້ອນຍັງມີການ ທ້າທາຍໃນສານ ການຂາດເຂີນຢາສັກສຳລັບປະຫານຊີວິດຫລືບັນດາຜູ້ປົກຄອງລັດ ຍື່ນມືເຂົ້າໄປຂັດຂວາງໄວ້.
Your browser doesn’t support HTML5
US Execution Drugs