ໂຄສົກຂອງກອງທັບສະຫະລັດກ່າວວ່າ ການໂຈມຕີທາງອາກາດ
ຂອງແນວໂຮມ ພາຍໃຕ້ການນຳພາ ຂອງສະຫະລັດ ຕໍ່ເປົ້າໝາຍ
ຂອງກຸ່ມລັດອິສລາມໃນອີຣັກແລະຊີເຣຍໄດ້ສັງຫານພວກຫົວຮຸນ
ແຮງປະມານ 2,500 ຄົນ ໃນເດືອນທັນວາຜ່ານມານີ້ .
ພັນເອກ Steve Warren ກ່າວຕໍ່ພວກນັກຂ່າວວ່າ ນັບແຕ່ການ
ໂຈມຕີທາງອາ ກາດຂອງແນວໂຮມເລີ້ມຂຶ້ນ ໃນເດືອນສິງຫາ ປີ
2014 ກຸ່ມລັດອິສລາມ ໄດ້ສູນເສຍດິນແດນ ທີ່ຕົນເຄີຍຄວບຄຸມ
ຢ່າງໜ້ອຍ 20,000 ຕາລາງກິໂລແມັດ. ທ່ານກ່າວວ່າກຸ່ມລັດອິສ
ລາມບໍ່ສາມາດຍຶດພື້ນທີ່ໃໝ່ໃດໆນັບແຕ່ເດືອນພຶດສະພາປີກາຍ
ນີ້ເປັນຕົ້ນມາ.
ເຂດຄວບຄຸມຂອງກຸ່ມລັດອິ້ສລາມ ໃນເດືອນເມສາ ປີ 2015
ທ່ານ Warren ໄດ້ໃຊ້ຊື່ຫຍໍ້ ຂອງກຸ່ມລັດອິສລາມ ໂດຍກ່າວວ່າ ພວກເຮົາເຊື່ອວ່າ ກຸ່ມ
ISIL ເວລານີ້ກຳລັງຢູ່ໃນທ່າປ້ອງກັນ. ຖ້າເຈົ້າຫາກເປັນພາກສ່ວນຂອງກຸ່ມ ISIL ແລ້ວ
ພວກເຮົາກໍຈະຂ້າເຈົ້າ. ນັ້ນຄືລະບຽບການຂອງພວກເຮົາ.
ທ່ານກ່າວວ່າ ການໂຈມຕີທາງອາກາດທີ່ເພີ້ມຂຶ້ນໄດ້ມີຜົນກະທົບທີ່ສຳຄັນຕໍ່ການຜະລິດ
ນ້ຳມັນຂອງກຸ່ມ ISIL ຫລຸດຈາກ 45 ພັນຖັງຕໍ່ມື້ ລົງມາເປັນ 34 ພັນຖັງ.
ໃນອາທິດແລ້ວນີ້ ກຳລັງອີຣັກທີ່ໄດ້ຮັບການໜຸນຫລັງຈາກການໂຈມຕີທາງອາກາດຂອງ
ສະຫະລັດ ແລະກຳລັງຊົນເຜົ່າຊຸນນີ່ ໄດ້ຂັບໄລ່ກຸ່ມລັດອິສລາມອອກ ຈາກເມືອງຣາມາດີ
ເມືອງເອກຂອງແຂວງອານບາ.
ທ່ານ Warren ກ່າວວ່າ ກຳລັງອີຣັກທີ່ກວດລ້າງກຸ່ມລັດອິສລາມຢູ່ເມືອງຣາມາດີໄດ້ຄົ້ນ
ພົບພວກພົນລະເຮືອນ ທີ່ຖືກສັງຫານ ແບບປະຫານຊີວິດ ແລະອີກຈຳນວນນຶ່ງ ຖືກໃຊ້
ເປັນເຄື່ອງກຳບັງລູກປືນ ໃຫ້ກຸ່ມລັດອິສລາມ. ທ່ານເວົ້າວ່າ ພົນລະເຮືອນຫຼາຍຮ້ອຍຄົນ
ຮວມທັງເດັກນ້ອຍທີ່ຍັງສືບຕໍ່ພາກັນຫລົບໜີຈາກເມືອງດັ່ງກ່າວ ແມ່ນໄດ້ຮັບການຊ່ອຍ
ເຫລືອຈາກກຳລັງຂອງອີຣັກ.
Your browser doesn’t support HTML5
Iraq US Islamic State