ເຮືອບິນເຮລິຄອບເຕີຂອງກອງທັບເຮືອອີຣ່ານລຳນຶ່ງ ໄດ້ບິນເຂົ້າໄປພາຍໃນລັດສະໝີ 23 ແມັດຂອງກຳປັ່ນໂຈມຕີຍົກພົນຂຶ້ນບົກ ຂອງກອງທັບເຮືອສະຫະລັດ ໃນຂະນະທີ່ມັນກຳລັງເດີນທາງຢູ່ໃນອ່າວໂອມານ ໃນອາທິດ ແລ້ວນີ້, ອີງຕາມທຳນຽບຫ້າແຈ.
ໂຄສົກທຳນຽບຫ້າແຈ, ທ່ານຈອນ ເຄີບີ (John Kirby) ກ່າວຕໍ່ພວກນັກຂ່າວ ໃນວັນຈັນວານນີ້ວ່າ ເຮືອບິນເຮລິຄອບເຕີ້ “ໄດ້ກະທຳການໃນລັກສະນະທີ່ບໍ່ ປອດໄພ ແລະບໍ່ມີຄວາມເປັນມືອາຊີບ,” ໂດຍບິນລົງຕ່ຳຮອດ 3 ແມັດກ່ອນຈະຮອດໜ້ານ້ຳ ແລະບິນເຫວີ່ນອ້ອມວຽນກຳປັ່ນ USS Essex ສາມເທື່ອ.
ທ່ານເຄີບີ ກ່າວວ່າ "ເມື່ອທ່ານມີກອງກຳລັງປະກອບອາວຸດອີກອັນນຶ່ງ, ໃນກໍລະ ນີນີ້ ແມ່ນກອງທັບເຮືອອີຣ່ານ, ທີ່ບິນໄປແບບນີ້, ທ່ານແນ່ນອນ ມີຄວາມສ່ຽງ ແລະ ການຄິດໄລ່ທີ່ຜິດພາດເພີ້ມຂຶ້ນ ໃນລະດັບໃດນຶ່ງໄດ້."
#BREAKING When you have another armed force ... that flies like this, you definitely run the risk of some sort of escalation and a miscalculation on either side here, & that%27s not helpful, the department stated#Iran #US #Pentagon #USSEssex #BreakingNewshttps://t.co/ujyJLKzMbn pic.twitter.com/zCzSvPendk
— 🌎 Sarwar 🌐 (@ferozwala) November 15, 2021
ໃນການຕອບຕໍ່ຄຳເຫັນຂອງທ່ານເຄີບີນັ້ນ ອົງການຂ່າວ IRNA ຂອງທາງການອີຣ່ານ ໄດ້ກ່າວຫາໂຄສົກທຳນຽບຫ້າແຈວ່າ ພະຍາຍາມ “ຫາຂໍ້ແກ້ຕົວເພື່ອເຮັດທະຫານຂອງສະຫະລັດ ໄປມີໜ້າແບບຜິດກົດໝາຍ ຢູ່ໃນພາກພື້ນນັ້ນໄດ້.”
ເຈົ້າໜ້າທີ່ປ້ອງກັນປະເທດສະຫະລັດກ່າວຕໍ່ວີໂອເອວ່າ ເຫດການດັ່ງກ່າວໄດ້ເກີດຂຶ້ນໃນວັນທີ 11 ພະຈິກນີ້. ວິດີໂອທີ່ເຜີຍແຜ່ອອກມາໃນໂທລະພາບຂອງຊ່ອງ Telegram ຂອງອີຣ່ານປາກົດວ່າສະແດງໃຫ້ເຫັນການປະເຊີນໜ້າ ກັນປະມານ 45 ວິນາທີຖ່າຍຈາກມຸມຂອງຫ້ອງຂັບຂອງນັກບິນເຮລິຄອບເຕີອີຣ່ານ.