ລັດຖະມົນຕີກະຊວງປ້ອງກັນປະເທດສະຫະລັດທ່ານ Leon Panetta ກ່າວວ່າ
ຈີນໄດ້ໃຫ້ “ການຊ່ວຍເຫລືອບາງຢ່າງ” ແກ່ເກົາຫລີເໜືອ ຢູ່ໃນໂຄງການລູກສອນ
ໄຟຂີປະນາວຸດຂອງຕົນ ເຖິງແມ່ນປັກກິ່ງໄດ້ຢືນ ຢັດວ່າ ຕົນບໍ່ໄດ້ລະເມີດຕໍ່ການ
ລົງໂທດຂອງອົງການປະຊາຊາດ ທີ່ໄດ້ ຫ້າມບໍ່ໃຫ້ດຳເນີນການໃນທຳນອງນີ້.
ທ່ານ Panetta ໄດ້ໃຫ້ຄວາມເຫັນດັ່ງກ່າວ ໃນວັນພະຫັດວານນີ້ ຫລັງຈາກທີ່ທ່ານ
ໄດ້ຖືກສອບຖາມ ໃນລະຫວ່າງການຮັບຟັງຄຳໃຫ້ການຂອງ ລັດຖະສະພາສະຫະ
ລັດ ທີ່ວ່າ ຈີນ ໄດ້ໃຫ້ການສະໜັບສະໜຸນແກ່ໂຄງ ການລູກສອນໄຟຂອງເກົາຫລີ
ເໜືອຫຼືບໍ່ ໂດຍຜ່ານ “ການແລກປ່ຽນສີນຄ້າແລະດ້ານເທັກໂນໂລຈີ.”
ການໃຫ້ຄວາມເຫັນຂອງທ່ານ Panetta ໄດ້ມີຂື້ນຫລັງຈາກ ການລາຍງານຂອງ
ວາລະສານລາຍສັບປະດາ Jane’s Defence ຊຶ່ງອ້າງວ່າຫວ່າງມໍ່ໆມານີ້ ໄດ້ສັງ
ເກດເຫັນລົດຄັນນຶ່ງບັນທຸກຈະຫຼວດໃນລະຫວ່າງ ການເດີນສວນສະໜາມຂອງ
ທະຫານເກົາຫລີເໜືອ ຊຶ່ງເບິ່ງຄ້າຍຄືກັນກັບບັນດາລົດທີ່ອອກແບບແລະສ້າງ
ຢູ່ໃນຈີນ.
ບັນດານັກວິເຄາະກ່າວຕໍ່ວາລະສານສະບັບນີ້ວ່າ ເຫດການດັ່ງກ່າວອາດຈະໝາຍ
ຄວາມວ່າ ຈີນໄດ້ລະເມີດມະຕິ ມາດຕາ 1874 ຂອງສະພາຄວາມໝັ້ນຄົງອົງການ
ສະຫະປະຊາຊາດ ທີ່ຫ້າມບໍ່ໃຫ້ສົ່ງອາວຸດ ເງິນ ການຝຶກແອບ ແລະການຊ່ວຍເຫຼືອ
ອື່ນໆໃຫ້ແກ່ພຽງຢາງ.
ໂຄສົກກະຊວງການຕ່າງປະເທດຈີນ ທ່ານ Liu Weimin ປະຕິເສດ ໃນວັນພະຫັດ
ວານນີ້ວ່າ ປັກກິ່ງບໍ່ໄດ້ເຮັດຫຍັງຜິດ ທີ່ພົວພັນກັບລົດດັ່ງກ່າວ.
ໃນຂະນະດຽວກັນ ໂຄສົກກະຊວງການຕ່າງປະເທດສະຫະລັດ ທ່ານ Mark Toner
ກ່າວໃນວັນພະຫັດວານນີ້ວ່າ ວໍຊິງຕັນບໍ່ໄດ້ຮູ້ວ່າມີຫຼັກ ຖານໃດໆທີ່ສະແດງໃຫ້ເຫັນ
ວ່າ ຈີນໄດ້ຝ່າຝືນການຫ້າມຂາຍອາວຸດຂອງອົງການສະຫະປະຊາຊາດ.