ຈີນໄດ້ດຳເນີນການຢ່າງວ່ອງໄວເພື່ອປິດງຽບບໍ່ໃຫ້ມີການຫາລືໃດໆກ່ຽວກັບເອກກະສານ ປານາມາແລະຂໍ້ມູນ ກ່ຽວກັບການໃຊ້ບ່ອນຫລົບລີ້ບໍ່ເສຍພາສີໂດຍຢ່າງໜ້ອຍແປດຄອບ
ຄົວ ຂອງພວກຜູ້ນຳຂັ້ນສູງ ທັງໃນປັດຈຸບັນແລະອະ ດີດ ຮວມທັງນ້ອງເຂີຍຂອງປະທານປະເທດຈີນ ທ່ານສີ ຈິ້ນຜິງ ນຳດ້ວຍ.
ການສ້າງຄວາມລ້ຳລວຍຢ່າງມະຫາສານ ຂອງບັນດາຄອບຄົວສະມາຊິກພັກຄອມມູນິສ ຈີນທີ່ປົກຄອງປະເທດຢູ່ໃນເວລານີ້ ແມ່ນຄວາມວິຕົກກັງວົນອັນໃຫຍ່ຫລວງທີ່ມີມາເປັນ ເວລາດົນນານແລ້ວໃນຈີນແຕ່ຍັງເປັນຫົວຂໍ້ບ່ອນທີ່ການສົນທະນາຫາລືໄດ້ມີການຄວບ ຄຸມຢ່າງເຂັ້ມງວດມາໄດ້ດົນນານເຊັ່ນກັນ.
ໃນວັນອັງຄານວານນີ້ ການຄົ້ນຫາຂໍ້ມູນຢູ່ຕາມເວັບໄຊຕ່າງໆເປັນພາສາຈີນໄດ້ນຳໄປສູ່ ລິ້ງຂອງເລື້ອງລາວຕ່າງໆກ່ຽວກັບເອກກະສານເປັນຈຳນວນຫຼວງຫຼາຍແຕ່ນອກເໜືອໄປຈາກເລື້ອງຂອງດາລາກິລາແລ້ວ ສ່ວນໃຫຍ່ແມ່ນໄດ້ຖືກສະກັດກັ້ນໄວ້.
ໃນດ້ານສື່ສັງຄົມນັ້ນ ການຫາລືແມ່ນໄດ້ມີການກວດຂັນຢ່າງເຂັ້ມງວດ ແລະ ອີງຕາມເວັບໄຊ Freeweibo.com ແລ້ວ ຄຳວ່າ ປານາມາໃນພາສາອັງກິດແລະຄຳວ່າປານາມາແລະ ເອກກະສານປານາມາໃນພາສາຈີນ ແມ່ນຮວມຢູ່ໃນຈຳນວນ 10 ຄຳດັບທຳອິດ ທີ່ໄດ້ຖືກ ສະກັດກັ້ນໃນວັນອັງຄານວານນີ້.
ມີຜູ້ຂຽນຄົນນຶ່ງໄດ້ພິມຂໍ້ຄວາມແຕ່ໄດ້ຖືກລຶບໄປແລ້ວທີ່ກ່າວວ່າ ບ່ອນຫລົບລີ້ບໍ່ເສຍພາສີ ແມ່ນເປັນເລື້ອງທີ່ຂ້ອນຂ້າງທຳມະດາ ແລະມີເຫດຜົນສຳລັບຜູ້ເຮັດທຸລະກິດ ແຕ່ເງິນທັງ ໝົດທີ່ບໍ່ເສຍພາສີດັງກ່າວມາຈາກໃສທີ່ພວກເຈົ້າໜ້າທີ່ໄດ້ຮັບ.
ການປິດງຽບແລະຄວບຄຸມທີ່ວ່ານີ້ໄດ້ພາໃຫ້ມີບາງຄົນຍັງສັບສົນຢູ່. ສຳລັບຄົນອື່ນໆແລ້ວ ມີແຕ່ພາໃຫ້ເກີດຄວາມສົງໄສຫລາຍຂຶ້ນເທົ່ານັ້ນ.
Your browser doesn’t support HTML5
Panama Papers