ທ່ານ Manuel Noriega ອະດີດຜູ້ນໍາຜະເດັດການທະຫານທີ່ຄ້າຢາເສບຕິດຂອງປານາ
ມາໃນຊຸມປີ 1980 ກັບຕ່າວຄືນບ້ານໃນວັນອາທິດມື້ນີ້.
ທ່ານ ນໍຣິເອກາ ໄດ້ຖືກຈໍາຄຸກເປັນເວລາຫລາຍກວ່າ 20 ປີ ຢູ່ໃນສະຫະລັດ ແລະຝຣັ່ງ
ຫລັງຈາກຖືກຕັດສິນວ່າ ມີຄວາມຜິດຂໍ້ຫາລັກລອບຄ້າຢາເສບຕິດ ແລະຂໍ້ຫາຟອກເງິນ.
ທ່ານ ນໍຣິເອກາ ກໍາລັງອອກຈາກປະເທດ ຝຣັ່ງພາຍໃຕ້ການຄວບຄຸມຕົວຂອງເຈົ້າໜ້າທີ່
ປານາມາ.
ທ່ານນໍຣິກາປະເຊີນກັບໂທດຈຳຄຸກ 20 ກວ່າປີໃນຄວາມຜິດສາມກະທົງຢູ່ປານາມາຍ້ອນ ຄວາມຜິດທີ່ໄດ້ກໍ່ຂຶ້ນໃນລະຫວ່າງການປົກຄອງແບບຜະເດັດການຂອງທ່ານ ໂຮມທັງ
ການຄາດຕະກໍາພວກຕຳໜິຕິຕຽນທ່ານນຳດ້ວຍ.
ອະດີດຜູ້ນໍາອາຍຸ 77 ທ່ານນີ້ມີສິດຖືກກັກບໍລິເວນໃຫ້ຢູ່ແຕ່ໃນບ້ານເຮືອນ ແທນທີ່ຈະຢູ່ໃນ
ຄຸກຍ້ອນອາຍຸຊະລາຂອງຜູ້ກ່ຽວ ຊຶ່ງລັດຖະບານປານາມາຈະເປັນຜູ້ຕັດສິນໃຈໃນເລຶ່ອງນີ້.
ແນວໃດກໍດີ ພວກປະທ້ວງພາກັນໂຮມຊຸມນຸມກັນລ່ວງໜ້າການກັບຕ່າວຄືນບ້ານຂອງທ່ານ
ເພື່ອຮຽກຮ້ອງໃຫ້ລັດຖະບານຈໍາຄຸກຜູ້ກ່ຽວຕໍ່ໄປ.