ສານພານາມາແຫ່ງນຶ່ງ ໄດ້ຕັດສິນໃຫ້ກັບຕັນແລະລູກເຮືອສອງ
ຄົນຂອງເກົາຫລີ ເໜືອ ບໍ່ມີຄວາມຜິດ ໃນຂໍ້ຫາຂົນສົ່ງອາວຸດ
ເຖື່ອນ. ເຮືອດັ່ງກ່າວ ໄດ້ບັນທຸກອາ ວຸດຂອງຄິວບາ ທີ່ບໍ່ໄດ້ແຈ້ງ
ໃຫ້ຊາບໃນຂະນະແລ່ນຜ່ານຄອງພານາມາ ໃນປີກາຍນີ້.
ສານໄດ້ສັ່ງໃຫ້ປ່ອຍໂຕ ເຈົ້າໜ້າທີ່ທັງສາມ ຂອງເຮືອ Chong
Chon Gang ໃນວັນສຸກວານນີ້.
ສ່ວນພວກລູກເຮືອ ຂອງເກົາຫລີເໜືອອີກ 32 ຄົນໄດ້ຮັບອະນຸ
ຍາດໃຫ້ນຳເອົາ ເຮືອດັ່ງກ່າວກັບຄືນໄປເກົາຫລີເໜືອ ໃນເດືອນ
ກຸມພາຜ່ານມາ ຫລັງຈາກເຈົ້າຂອງເຮືອ ໄດ້ຈ່າຍຄາປັບໃໝ
$666,000 ໂດລາ. ເກົາຫລີເໜືອກ່າວວ່າ ການຂົນສົ່ງອາວຸດເຫຼົ່ານີ້ ເປັນສ່ວນນຶ່ງຂອງການ
ຕົກລົງທີ່ຖືກຕ້ອງຕາມກົດໝາຍ.
ກັບຕັນ ແລະລູກເຮືອໄດ້ຖືກຄຸມຂັງໃນເດືອນກໍລະກົດ ປີ 2013 ເວລາເຮືອລຳ ດັ່ງກ່າວ ໄດ້ຖືກ
ຈັບ ໃນຖານລັກລອບອາວຸດ ໃນສະໄໝສະຫະພາບໂຊຫວຽດ ຈາກຄິວບາ ຮວມທັງລູກສອນ
ໄຟຍິງຈາກໜ້າດິນສູ່ອາກາດ ແລະເຄື່ອງອາໄຫລ່ເຮືອບິນລົບ ຊຶ່ງເປັນການລະເມີດໂດຍກົງຕໍ່
ມະຕິກຂອງສະຫະປະຊາຊາດ. ເຄື່ອງ ຂອງເຫຼົ່ານີ້ໄດ້ຖືກຊຸກເຊື່ອງໄວ້ ຢູ່ກ້ອງຖົງນຳ້ຕານ
ຫລາຍພັນໂຕນ.
ໃນເດືອນມີນາຜ່ານມາ ຄະນະກຳມະການສະຫະປະຊາຊາດ ກ່າວວ່າ ເກົາຫລີເໜືອ ໄດ້ໃຊ້
ວິທີການທີ່ສະລັບຊັບຊ້ອນ ເພື່ອຫລີກລ່ຽງການລົງໂທດຂອງນາໆ ຊາດທີ່ກຳນົດໂດຍສະພາ
ຄວາມໝັ້ນຄົງນັ້ນ.
ລາຍງານກ່າວວ່າ ສະຖານທູດຂອງພຽງຢາງ ໃນຄິວບາ ແລະສິງກະໂປ ມີການສົງໄສວ່າ
ເປັນຜູ້ຈັດແຈງແລະອຳນວຍຄວາມສະດວກກ່ຽວກັບການຄ້າອາວຸດ ດັ່ງກ່າວນີ້.
ມະຕິຂອງສະພາຄວາມໝັ້ນຄົງຕໍ່ເກົາຫລີເໜືອ ແມ່ນໄດ້ຫ້າມການນຳເຂົ້າ ແລະສົ່ງອອກ
ອາວຸດຫຼາຍຢ່າງໄປຍັງເກົາຫລີເໜືອ ເຊັ່ນວ່າ ເຮືອບິນລົບ ແລະລະບົບລູກສອນໄຟເປັນຕົ້ນ.