ມືປືນຈຳນວນນຶ່ງ ໄດ້ໂຈມຕີບ່ອນຈອດລົດບັນທຸກ ຢູ່ນອກ
ນະຄອນຫຼວງ ປາກິດສະຖານ ໂດຍໄດ້ຈູດເຜົາຂະບວນ
ລົດບັນທຸກນໍ້າມັນແລະລົດບັນທຸກ ທີ່ ລຳລຽງເຄື່ອງໄປໃຫ້
ອົງການເນໂຕ້ ໃນ AFGHANISTAN.
ເຈົ້າໜ້າທີ່ປາກິດສະຖານກ່າວວ່າ ມືປືນລະຫວ່າງ 10
ຫາ 15 ຄົນ ໄດ້ລະດົມຍິງເຂົ້າໃສ່ບ່ອນຈອດລົດບັນທຸກ
ຊຶ່ງຕັ້ງຢູ່ 10 ຫຼັກກິໂລແມັດຫ່າງຈາກ ນະຄອນຫຼວງອິສະ
ລາມາບັດນັ້ນ ໃນວັນອັງຄານວານນີ້ ຍັງຜົນໃຫ້ລົດບັນທຸກ
ຢ່າງນ້ອຍ 50 ຄັນ ລຸກໄໝ້ຂຶ້ນ. ເຈົ້າໜ້າທີ່ເວົ້າວ່າ
ຫລັງຈາກນັ້ນ ພວກໂຈມຕີ ກໍໄດ້ພາກັນຂີ່ລົດ ແລະລົດຈັກຫຼົບໜີໄປ.
ເຈົ້າໜ້າທີ່ກ່າວວ່າ ມີຢ່າງນ້ອຍ 7 ຄົນເສຍຊີວິດ ຮວມທັງຄົນຂັບລົດບັນ ທຸກຈຳນວນນຶ່ງ
ນີ້ບໍ່ແມ່ນເທື່ອທຳອິດ ທີ່ພວກຫົວຮຸນແຮງໄດ້ໂຈມຕີລົດບັນທຸກທີ່ຂົນສຳພາ ລະໄປໃຫ້
ກຳລັງສະຫະລັດ ແລະອົງການເນໂຕ້ ໃນ AFGHANISTAN ແຕ່ ການໂຈມຕີ
ໃກ້ໆກັບນະຄອນຫຼວງອິສະລາມາບັດ ແບບນີ້ ແມ່ນບໍ່ມີ.