ບັນດາເຈົ້າໜ້າທີ່ປາກີສຖານກ່າວວ່າ ຜູ້ວາງລະເບີດສະລະ
ຊີບຄົນນຶ່ງໄດ້ຈູດກະນວນວັດຖຸລະເບີດໂຕເອງຕາຍໃນພາກ
ຕາເວັນຕົກສຽງເໜືອຂອງປະເທດ ເຮັດໃຫ້ປະຊາຊົນຢ່າງ
ນ້ອຍ 36 ຄົນເສຍຊີວິດແລະໄດ້ຮັບບາດເຈັບຕື່ມອີກຢ່າງ
ນ້ອຍ 60 ຄົນ.
ບັນດາເຈົ້າໜ້າທີ່ເຫລົ່ານີ້ກ່າວວ່າ ການໂຈມຕີໃນວັນພຸດມື້
ນີ້ແມ່ນແນເປົ້າໝາຍໃສ່ພວກທີ່ໄປໄວ້ທຸກກຸ່ມນຶ່ງຈໍານວນປະ
ມານ 200 ຄົນທີ່ກໍາລັງເຂົ້າຮ່ວມພິທີສົ່ງສະການແຫ່ງນຶ່ງຢູ່
ໃກ້ໆກັບເມືອງ Peshawarນັ້ນ. ພິທີສົ່ງສະການແມ່ນສໍາ
ລັບພັນລະຍາຂອງທະຫານບ້ານຕໍ່ຕ້ານຊົນເຜົ່າຕໍ່ຕ້ານກຸ່ມ
ຕາລີບັນຄົນນຶ່ງຈາກເຂດນຶ່ງທີ່ຜູ້ຄົນຮູ້ຈັກກັນດີວ່າເປັນບ່ອນທີ່ມີການປະທະກັນຢ່າງນອງເລືອດລະຫວ່າງກຸ່ມຕາລີບັນແລະນັກຕໍ່ສູ້ຂອງຝ່າຍນິຍົມຝ່າຍລັດຖະບານນັ້ນ.
ການວາງລະເບີດດັ່ງກ່າວມີຂຶ້ນໃນເວລານຶ່ງມື້ຫລັງຈາກລະເບີດລົດຄັນນຶ່ງໄດ້ສັງຫານຜູ້ຄົນໄປ
ຢ່າງນ້ອຍ 24 ຄົນຢູ່ໃກ້ໆກັບພວກຫ້ອງການຂອງອົງການສືບຂ່າວລັບທີ່ສໍາຄັນຂອງປາກີສ
ຖານໃນເມືອງ Faisalabad ໃນພາກຕາເວັນອອກຂອງປະເທດ.
ກຸ່ມຕາລີບັນ ໄດ້ອ້າງເອົາຄວາມຮັບຜິດຊອບສໍາລັບການວາງລະເບີດໂຈມຕີໃນວັນອັງຄານວານນີ້ ຊຶ່ງໄດ້ເຮັດໃຫ້ຜູ້ຄົນໄດ້ຮັບບາດເຈັບໄປຫລາຍກວ່າ 125 ຄົນນັ້ນ.
ໂຄສົກກຸ່ມຕາລີບັນ ກ່າວວ່າ ກຸ່ມຂອງຕົນແມ່ນແນເປົ້າໝາຍໃສ່ອົງການສືບລັບ Inter-Services Intelligence Agency ຫລື ISI ອັນເປັນການແກ້ແຄ້ນຕໍ່ການສັງຫານຜູ້ບັນຊາການກຸ່ມຕາລີບັນຄົນນຶ່ງໃນເມືອງນັ້ນ.