ນາຍພົນ ອາທາຣ໌ ອັບບັສ
ກອງທັບປາກີສຖານກ່າວວ່າ ຕົນປະຕິເສດ
ຕໍ່ລາຍງານຕ່າງໆໃນໜັງສືພິມອະເມຣິກັນ
The New York Times ເມື່ອໝໍ່ໆມານີ້
ທີ່ຕໍາໜິຕິຕຽນກອງທັບປາກີສຖານ ແລະອົງ
ການສືບລັບທີ່ມີອໍານາດທີ່ສຸດຂອງປະເທດ ທີ່ເອີ້ນຊື່ ຫຍໍ້ວ່າ ISI ນັ້ນ.
ນາຍພົນຕີ Athar Abbas ຂອງປາກີສ
ຖານກ່າວວ່າບົດຄວາມຕ່າງໆໃນໜັງສື
ພິມສະຫະລັດນັ້ນ ຖືວ່າເປັນພາກສ່ວນ
ນຶ່ງຂອງການປຸກລະດົມເພື່ອໃສ່ຮ້າຍປ້າຍ ສີຫລາຍກວ່າ.
ໜັງສືພິມ New York Times ໄດ້ລົງພິມບົດບັນນາທິການ ແລະບົດຄວາມບົດນຶ່ງເມື່ອ ອາທິດຜ່ານມາ ທີ່ເອົາອົງການສືບລັບ ISI ໄປພົວພັນກັບ ການເສຍຊີວິດຂອງນັກຂ່າວຊາວ ປາກີສຖານຄົນນຶ່ງ ທີ່ໄດ້ຂຽນລາຍງານທີ່ ເປັນແນວ ວິຈານຢ່າງຮຸນແຮງກ່ຽວກັບການແຊກ ຊຶມຂອງພວກຫົວຮຸນແຮງ ເຂົ້າໄປປະປົນຢູ່ໃນກອງທັບປາກີສຖານ.
ໜັງສືພິມ New York Times ທີ່ອ້າງຄໍາເວົ້າຂອງພວກເຈົ້າໜ້າທີ່ວໍຊິງ ຕັນທີ່ບໍ່ເປີດເຜີຍ ຊື່ນັ້ນ ກ່າວວ່າ ມີຂໍ້ມູນລັບກ່ຽວກັບການຫາຍສາບສູນຂອງນັກຂ່າວ ນາຍ Saleem Shahzad ທີ່ສະແດງຫລັກຖານວ່າ ເຈົ້າໜ້າທີ່ ອາວຸໂສຂອງອົງການສືບລັບ ISI ເປັນຜູ້ ບົງການໃຫ້ສັງຫານຜູ້ກ່ຽວ.
ບົດຄວາມອີກບົດນຶ່ງຂອງໜັງສືພິມ ນີວຢ໊ອກທາຍສ໌ ເວົ້າວ່າ ກອງທັບ ປາກີສຖານຍັງສືບຕໍ່ ໃຫ້ຄວາມອຸບປະຖໍາຄໍ້າຊູແກ່ກຸ່ມພວກຫົວຮຸນແຮງຢູ່ ຢ່າງກວ້າງຂວາງ ອັນເປັນພາກສ່ວນນຶ່ງຂອງຍຸທະ ສາດທີ່ດໍາເນີນມາເປັນເວລາສາມສັດຕະວັດແລ້ວ ໃນການໃຊ້ຕົວແທນທໍາການເຄື່ອນໄຫວຕໍ່ຕ້ານ ພວກປະເທດເພື່ອນບ້ານ ແລະກໍາລັງທະຫານສະຫະລັດໃນອັຟການີ ສຖານນັ້ນ.