ບັນດາເຈົ້າໜ້າທີ່ ປາກິສຖານ ກ່າວວ່າ ການໂຈມຕີທີ່ສົງໄສວ່າ
ເປັນການກະທຳຂອງເຮືອບິນບໍ່ມີຄົນຂັບ ຫຼື ໂດຣນ ຂອງ
ສະຫະລັດ ໄດ້ສັງຫານພວກຫົວຮຸນແຮງຢ່າງນ້ອຍ 7 ຄົນ ໃນ
ເຂດ Waziristan ເໜືອ.
ບັນດາເຈົ້າໜ້າທີ່ສືບລັບໃນທ້ອງຖິ່ນ ກ່າວວ່າ ຍົນໂດຣນ ໄດ້ຍິງ
ຈະຫລວດສອງລູກ ທີ່ຕົກຖືກເປົ້າໝາຍຄ້າຍພັກຂອງພວກຫົວ
ຮຸນແຮງ ໃນເຂດ Datta Khail ຊຶ່ງເປັນເຂດພູດອຍ ໃກ້ໆກັບ
ຊາຍແດນອັຟການິສຖານ.
ເຂົາເຈົ້າກ່າວຕື່ມວ່າ ມີຄວາມສົງໄສວ່າ ຄ້າຍດັ່ງກ່າວເປັນບ່ອນຫລົບລີ້ ທີ່ນຳໃຊ້ໂດຍ
ພວກຫົວຮຸນແຮງ Uzbek ຊຶ່ງເປັນເຄືອຂ່າຍ ກັບ Hafiz Gul Bahadar ຜູ້ບັນຊາການ
ຄົນປາກິສຖານ ທີ່ນິຍົມພວກ al-Qaida.
ການໂຈມຕີຂອງຍົນໂດຣນ ໃນວັນອາທິດມື້ນີ້ ແມ່ນເປັນຄັ້ງທຳອິດຂອງປີໃໝ່ນີ້.
ກອງທັບປາກິສຖານ ໄດ້ເພີ້ມປະຕິບັດການ ຕໍ່ຕ້ານພວກຫົວຮຸນແຮງ ຢູ່ທີ່ເຂດຊົນເຜົ່າຕ່າງໆ ຕາມຊາຍແດນກັບອັຟການິສຖານ ນັບຕັ້ງແຕ່ ພວກຫົວຮຸນແຮງໄດ້ບຸກໂຈມຕີ ໂຮງຮຽນແຫ່ງໜຶ່ງ ທີ່ບໍລິຫານງານໂດຍທະຫານປາກິສຖານ ໃນເມືອງ Peshawar ເມື່ອ
ວັນທີ 16 ທັນວາຜ່ານມາ ທີ່ໄດ້ສັງຫານ 150 ຄົນ ຊຶ່ງເກືອບທັງໝົດ ແມ່ນເດັກນ້ອຍ.
ວີດີໂອ: ພວກຕາລີບານ ໂຈມຕີໂຮງຮຽນ:
Your browser doesn’t support HTML5
Taliban Militants in Pakistan Kill 141 in School Attack