ຮູບວີດີໂອໃໝ່ຈາກກຸ່ມຕາລີບັນໃນປາກີສຖານສະແດງໃຫ້ເຫັນວ່າຜູ້ນຳຂອງກຸ່ມຍັງມີຊີວິດຢູ່ຊຶ່ງເປັນການໂຕ້ແຍ້ງຄຳກ່າວອ້າງທ່ີວ່າຜູ້ກ່ຽວເສຍຊີວິດໄປແລ້ວໃນການໂຈມຕີດ້ວຍລູກສອນໄຟຂອງສະຫະລັດໃນຕົ້ນປີນີ້. ໄດ້ມີການນຳເອົາວີດີໂອກ່ຽວກັບນາຍHakimulla Mehsud ອອກເຜີຍແຜ່ໃນເວລາບໍ່ດົນຫລັງຈາກກຸ່ມຕາລີບັນກ່າວວ່າພວກຕົນເປັນຜູ້ຮັບຜິດຊອບໃນຄວາມພະຍາຍາມວາງລະເບີດລົດໂຈມຕີ ທີ່ຈະຕຸລັດTimes Square ໃນວັນເສົາຜ່ານມານີ້.
ນາຍ Mehsud ກ່າວຢູ່ໃນຟິມວີດີໂອວ່າ ມື້ທີ່ຕົນເວົ້າຢູ່ນີ້ ແມ່ນວັນທີ 4 ເມສາ ປີນີ້. ຜູ້ກ່ຽວບໍ່ໄດ້ບົ່ງຊື່ ນະຄອນນີວຢອກ ອອກມາຢ່າງເຈາະຈົງແຕ່ໄດ້ໃຫ້ ຄຳໝັ້ນສັນຍາວ່າຈະມີການໂຈມຕີອີກໃນຫົວເມືອງໃຫຍ່ໆຂອງອາເມຣິກາໃນເວລາໄວໆນີ້. Intel Center ຊຶ່ງເປັນກຸ່ມນຶ່ງທ່ີມີຫ້ອງການຕັ້ງຢູ່ໃນ ສະຫະລັດທ່ີຕິດ ຕາມເບິ່ງ websites ຂອງພວກອີສລາມ ກ່າວວ່າ ຮູບວີດີໂອທ່ີວ່ານີ້ເປັນທີ່ີໜ້າເຊື່ອຖືໄດ້.