ຕຳຫຼວດປາກິສຖານ ໄດ້ຈັບກຸມຜູ້ທີ່ຖືກກ່າວຫາວ່າ ເປັນຫົວ
ໜ້າວາງແຜນທຳການໂຈມຕີຂອງພວກຫົວຮຸນແຮງທີ່ນະຄອນ
Mumbai ຂອງອິນເດຍໃນປີ 2008 ບໍ່ເທົ່າໃດຊົ່ວໂມງ ຫຼັງ
ຈາກຜູ້ກ່ຽວໄດ້ຊະນະການຂໍອຸທອນ ຕໍ່ການຄຸມຂັງຜູ້ກ່ຽວໄວ້
ເປັນການຊົ່ວຄາວນັ້ນ.
ຕຳຫຼວດນະຄອນອິສລາມາບັດ ກ່າວວ່າ ນາຍ Zaki-ur-
Rehman Lakhvi ນຶ່ງໃນບັນດາຊາວປາກິສຖານ 7 ຄົນ
ທີ່ຖືກດຳເນີນຄະດີໃນຂໍ້ຫາທຳການໂຈມຕີທີ່ອິນເດຍ ທີ່
ໄດ້ສັງຫານຜູ້ຄົນໄປ 166 ຄົນນັ້ນ ໄດ້ຖືກຈັບກຸມຢ່າງເປັນ
ທາງການພາຍໃຕ້ຄວາມຄຸ້ມຄອງຂອງຝ່າຍຕຸລາການ ໃນ
ຂໍ້ຫາລັກພາໂຕຊາວປາກິສຖານຄົນນຶ່ງນັ້ນ.
ນາຍ Lakhvi ໄດ້ຖືກນຳໂຕມາຫາຜູ້ພິພາກສາ ໃນຕອນເຊົ້າຂອງວັນ ອັງຄານມື້ນີ້ ທີ່ໄດ້ອະນຸຍາດໃຫ້ທຳການຈັບກຸມຜູ້ກ່ຽວແລະສັ່ງໃຫ້ຕຳຫຼວດດຳເນີນການສືບສວນສອບສວນ
ຂອງຕົນໃຫ້ແລ້ວພາຍໃນສອງມື້.
ໃນຕົ້ນເດືອນນີ້ ສານປາກິສຖານ ໄດ້ອະນຸຍາດ ໃຫ້ປະກັນໂຕນາຍ Lakhvi ໃນຄະດີທີ່
ພົວພັນກັບການໂຈມຕີ ໃນນະຄອນຫຼວງການຄ້າ ຂອງອິນເດຍ ແຕ່ບັນດາເຈົ້າໜ້າທີ່ໄດ້
ສັ່ງໃຫ້ທຳການຄຸມຂັງຜູ້ກ່ຽວໄວ້ຕໍ່ມາພາຍໃຕ້ຄຳສັ່ງກົດໝາຍຄວາມເປັນລະບຽບຂອງສັງ
ຄົມ.
ພວກທະນາຍຄວາມຝ່າຍຈຳເລີຍໄດ້ໂຕ້ແຍ້ງຢ່າງສຳເລັດຜົນໃນການຄຸມຂັງ ແລະໃນວັນ
ຈັນມື້ວານນີ້ ສານສູງທີ່ນະຄອນອິສລາມາບັດອອກຄຳຕັດສິນວ່າ ນາຍ Lakhvi ສາມາດ
ຖືກປ່ອຍໂຕເປັນອິດສະລະໄດ້ໂດຍເສຍຄ່າປະກັນໂຕປະມານ 10 ພັນດອນລາສະຫະລັດ.
ຄຳຕັດສິນຂອງສານດັ່ງກ່າວ ໄດ້ເຮັດໃຫ້ລັດຖະບານອິນເດຍ ມີຄວາມໂກດແຄ້ນ ແລະ New Delhi ໄດ້ຮຽກທູດຂອງປາກິສຖານໄປຍັງກະຊວງການຕ່າງປະເທດເພື່ອທຳການ ປະທ້ວງ.
Your browser doesn’t support HTML5
pakistanmumbaiattack30december14