ບັນດາເຈົ້າໜ້າທີ່ປາກິສຖານ ກ່າວວ່າ ພວກລັດຖະມຸນຕີໃນຄະນະລັດຖະບານຂອງປະເທດໄດ້ລາອອກຈາກຕໍາແໜ່ງ ເພື່ອແຜ້ວທາງໃຫ້ແກ່ການປະກອບລັດຖະບານຊຸດໃໝ່ຂຶ້ນມາທີ່ ນ້ອຍກວ່າຊຸດເກົ່າ.
ການລາອອກຈາກຕໍາແໜ່ງໃນວັນພຸດມື້ນີ້ ມີຂຶ້ນຫລັງຈາກພວກຝ່າຍຄ້ານຂໍຮ້ອງໃຫ້ນາຍົກ
ລັດຖະມຸນຕີ Yousuf Raza Gilani ລົດຈໍານວນລັດຖະມຸນຕີລົງ ໃນຖານະເປັນພາກສ່ວນ
ນຶ່ງຂອງການປະຕິຮູບດ້ານເສດຖະກິດ.
ພັກປະຊາຊົນປາກິສຖານ ກ່າວໃນສັບປະດາຜ່ານມາວ່າ ທ່ານ Gilani ຈະຍຸບຄະນະລັດຖະ
ບານຊຸດປັດຈຸບັນ ທີ່ມີລັດຖະມຸນຕີຫລາຍກວ່າ 50 ທ່ານນັ້ນ. ບັນດາເຈົ້າໜ້າທີ່ກ່າວວ່າ ຄະ
ນະລັດຖະບານຊຸດໃໝ່ ຈະມີສະມາຊິກຫລືລັດຖະມຸນຕີ ຈໍານວນນ້ອຍກວ່ານັ້ນຫລາຍ.