ການເພິ່ງພາອາໄສກອງກຳລັງທີ່ດີທີ່ສຸດຂອງ ສະຫະລັດ ຢ່າງຕໍ່ເນື່ອງ ແລະ ກໍຢ່າງໜັກ ໄດ້ເປັນໄພຂົ່ມຂູ່ທີ່ຈະເຮັດໃຫ້ສິ່ງທີ່ບັນດາເຈົ້າໜ້າທີ່ຫຼາຍຄົນເຫັນວ່າເປັນຄວາມສາມາດ
ທາງທະຫານທີ່ມີຄວາມຈຳເປັນຍິ່ງໃນຕອນນີ້ຊຸດໂຊມລົງ.
ກອງກຳລັງພິເສດ ສະຫະລັດ ເຊິ່ງຕອນນີ້ໄດ້ຢູ່ແຖວໜ້າໃນການຕໍ່ສູ້ກັບກຸ່ມກໍ່ການຮ້າຍ ເຊັ່ນພວກລັດອິສລາມ ແລະກຸ່ມ al-Qaida ແລ້ວນັ້ນ ໄດ້ຖືກຮ້ອງຂໍ ໃຫ້ຊ່ວຍເຫຼືອຫຼາຍ
ຍິ່ງຂຶ້ນ ເພື່ອຕໍ່ສູ້ກັບໄພຂົ່ມຂູ່ຫຼາຍຮູບແບບຈາກກຸ່ມລັດຖະບານ ແລະ ບໍ່ແມ່ນລັດຖະ
ບານ, ໃນລະດັບທີ່ບັນດາເຈົ້າໜ້າທີ່ທຳນຽບຫ້າແຈຢ້ານວ່າ ມັນອາດຈະບໍ່ມີຄວາມໝັ້ນ
ຄົງ.
ທ່ານນາງ Theresa Whelan ຮັກສາການແທນລັດຖະມົນຕີຊ່ວຍວ່າ ການກະຊວງປ້ອງ
ກັນປະເທດຮັບຜິດຊອບໃນການປະຕິບັດການພິເສດ ແລະຄວາມຂັດແຍ້ງທີ່ມີຄວາມເຄັ່ງ
ຕຶງຕໍ່າ ໄດ້ກ່າວຕໍ່ຄະນະກຳມະການກອງທັບຂອງສະພາຕໍ່າວ່າ “ພວກເຮົາໄດ້ທຳການ
ປະຕິບັດພາລະກິດທີ່ມີລະດັບສູງ ເປັນເວລາຫຼາຍກວ່າໜຶ່ງທົດສະວັດທີ່ຜ່ານມາ. ພວກ
ເຮົາມີພັນທະທີ່ຈະອຳນວຍຄວາມສະດວກ ໃຫ້ການປະຕິບັດການໃນປະຈຸບັນຂອງ
ພວກເຮົາສຳລັບອະນາຄົດ.”
ທ່ານນາງໄດ້ກ່າວເພີ່ມເຕີມວ່າ “ສິ່ງດັ່ງກ່າວນັ້ນ ໄດ້ສົ່ງຜົນກະທົບ ຕໍ່ຄວາມພ້ອມ ແລະ ມັນກໍໄດ້ສົ່ງຜົນກະທົບຕໍ່ການພັດທະນາກອງກຳລັງສຳລັບອະນາຄົດເຊັ່ນກັນ. ແລະ ໃນຂະນະທີ່ໄພຂົ່ມຂູ່ຕ່າງໆໄດ້ເພີ່ມຂຶ້ນນັ້ນ, ມັນມີແຕ່ຈະຮ້າຍແຮງຂຶ້ນກວ່າເກົ່າ.”
ປັດຈຸບັນນີ້, ກອງກຳລັງປະຕິບັດການພິເສດ ສະຫະລັດ ປະມານ 8,000 ຄົນໄດ້ຖືກສົ່ງ ໄປປະຕິບັດໜ້າທີ່ຢູ່ໃນຫຼາຍກວ່າ 80 ປະເທດ, ອີງຕາມກອງບັນຊາການປະຕິບັດການ
ພິເສດ ສະຫະລັດ.
ຕົວເລກດັ່ງກ່າວລວມມີ ການດຳເນີນພາລະກິດລະດັບສູງໃນປະເທດ ຊີເຣຍ ແລະ ອີຣັກ,
ເຊິ່ງກອງກຳລັງປະຕິບັດການພິເສດປະມານ 600 ຄົນໄດ້ເຮັດວຽກກັບຄູ່ຮ່ວມງານໃນ
ທ້ອງຖິ່ນເພື່ອຊ່ວຍເອົາຊະນະພວກ IS.
ກອງກຳລັງປະຕິບັດການພິເສດ ຍັງມີບົດບາດທີ່ສຳຄັນໃນປະເທດ ອັຟການິສຖານເຊັ່ນ
ກັນ, ເຊິ່ງໃນສັບປະດາທີ່ຜ່ານມານີ້, ທະຫານສະເພາະກິດສອງຄົນໄດ້ຖືກຂ້າຕາຍໃນ
ການບຸກໂຈມຕີຄັ້ງໃຫຍ່ຮ່ວມກັບກຳລັງ ອັຟການິສຖານ ທີ່ຄິດວ່າ ໄດ້ສັງຫານຫົວໜ້າ
ຂອງພວກ IS ໃນປະເທດດັ່ງກ່າວນັ້ນ.