ໂອກາດລອດຊີວິດສໍາລັບຜູ້ຍິງທີ່ໄດ້ຖືກວິໄຈພົບວ່າ ເປັນໂຣກ
ມະເຮັງຮວຍໄຂ່ ແມ່ນບໍ່ຄ່ອຍສູງປານໃດ. ມີແຕ່ປະມານ 50%
ຂອງຈໍານວນຄົນເຈັບເປັນໂຣກນີ້ ເທົ່ານັ້ນ ທີ່ຄາດຫວັງໄດ້ວ່າຈະ
ຢູ່ລອດຮອດ 5 ປີໄດ້. ແຕ່ວ່າພວກນັກຄົ້ນຄວ້າເວົ້າວ່າ ໂອກາດ
ທີ່ຈະເຮັດໃຫ້ຢູ່ໄດ້ຮອດ 5 ປີນັ້ນ ແມ່ນສູງຂຶ້ນຢ່າງຫລວງຫລາຍ ຖ້າຫາກຜູ້ຍິງທີ່ເປັນໂຣກມະເຮັງຮວຍໄຂ່ ຫາກກິນຢາປົວໂຣກ
ເບົາຫວານທີ່ໃຊ້ກັນທົ່ວໄປນັ້ນ ໄປພ້ອມ.
ພວກນັກຄົ້ນຄວ້າ ທີ່ຄລີນິກ Mayo ໃນລັດ Minnesota ຄົ້ນພົບ
ວ່າ 67% ຂອງຜູ້ຍິງທີ່ຖືກວິໄຈວ່າເປັນໂຣກມະເຮັງຮວຍໄຂ່ ທີ່
ກິນຢາປົວໂຣກເບົາຫວານ metformin ໄປນໍານັ້ນ ແມ່ນມີຊີວິດ
ຢູ່ໄດ້ຮອດຫ້າປີ ຫລືດົນກ່ວານັ້ນ ລຸນຫລັງທີ່ພວກເຂົາເຈົ້າຖືກ
ກວດພົບວ່າເປັນໂຣກມະ ເຮັງດັ່ງກ່າວ. ອັດຕາການລອດຊີວິດ
ທີ່ວ່ານີ້ ແມ່ນສູງກວ່າອັດຕາ 50% ຂອງຜູ້ຍິງເປັນໂຣກມະເຮັງທີ່ມີຊີວິດຢູ່ລອດໄດ້ຮອດ ຢ່າງໜ້ອຍ 5 ປີ ໂດຍທີ່ບໍ່ໄດ້ກິນຢາປົວໂຣກເບົາ ຫວານນັ້ນ ຫລາຍ.
ທ່ານ Sanjeey Kumar (ສັນຈີ ກຸມມາ) ນັກຊ່ຽວຊານດ້ານເນື້ອງອກຜູ້ຍິງທີ່ຄລີນິກ Mayo
ກ່າວວ່າ ພວກນັກຄົ້ນຄວ້າບໍ່ແນ່ໃຈວ່າ ຢາ metformin ສາມາດຕໍ່ຊີວິດໃຫ້ແກ່ຄົນປ່ວຍ ທີ່ເປັນໂຣກມະເຮັງຮວຍໄຂ່ບາງຄົນ ໄດ້ແນວໃດ, ແຕ່ທ່ານກໍເວົ້າວ່າ ພວກເຂົາເຈົ້າມີ ຫລາຍທິດສະດີຢູ່ເຊັ່ນກັນ ຊຶ່ງທ່ານອະທິບາຍດັ່ງນີ້:
“ເຊັ່ນວ່າ ສົ່ງຜົນກະທົບຜ່ານ stem cell ຫລື ແຊລຕົ້ນກໍາເນີດ, ຜ່ານແຊລ ຕົ້ນກໍາເນີດຂອງມະເຮັງ, ຫລື ຜ່ານການສະກັດກັ້ນບໍ່ໃຫ້ແຊລ ທີ່ເປັນມະເຮັງ ໄດ້ຮັບພະລັງງານ ຫລືນໍ້າຕານ.“
Stem cell ຫລື ແຊລຕົ້ນກໍາເນີດ ແມ່ນເປັນແຊລໃຫຍ່ ທີ່
ສາມາດແປຮູບເນື້ອເຍື່ອ ອັນ ໃດກໍໄດ້ ຢູ່ໃນຮ່າງກາຍຄົນ.
ຢູ່ໃນຮວຍໄຂ່ນັ້ນ ແຊລຕົ້ນກໍາເນີດ ແມ່ນຜະລິດແຊລຂອງ
ຮວຍໄຂ່ທໍາມະດາ. ແຕ່ວ່າ ອິດທິພົນຂອງກໍາມະພັນບາງຢ່າງ
ຊຶ່ງພວກນັກຄົ້ນຄວ້າຫາກໍ່ ເລີ້ມຄົ້ນພົບເຫັນດຽວນີ້ ສາມາດ
ເຮັດໃຫ້ແຊລໃຫຍ່ຫລືແຊລຕົ້ນກໍາເນີດກາຍເປັນແຊລຂອງ ໂຣກມະເຮັງທີ່ເປັນອັນຕະລາຍຂັ້ນພາໃຫ້ເສຍຊີວິດໄດ້.
ຢາ metformin ຊຶ່ງເປັນຢາກິນນັ້ນ ຫລຸດຜ່ອນລະດັບທີ່ເປັນ
ອັນຕະລາຍ ຂອງ ຄໍແລັສເຕີຣອລທີ່ບໍ່ດີ ແລະໄຂມັນໃນເລືອດທີ່ເອີ້ນວ່າ triglyce- rides ຢູ່ໃນໂຣກເບົາຫວານປະເພດສອງນັ້ນລົງ. ຢານີ້ຍັງໄດ້ສະແດງໃຫ້ເຫັນວ່າ ສາມາດປ້ອງ ກັນໂຣກຫົວໃຈຢູ່ໃນຄົນທີ່ເປັນໂຣກເບົາຫວານໄດ້ ແລະບາງຄັ້ງຄາວ ກໍໃຊ້ປິ່ນປົວອາການ ທີ່ເອີ້ນວ່າ ພະຍາດຮວຍໄຂ່ປະເພດ polycystic ທີ່ກໍ່ໃຫ້ເກີດຖົງນ້ອຍໆ ຢູ່ນອກຮວຍໄຂ່ ແລະຮໍໂມນ ສືບພັນໃນລະດັບຜິດປົກກະຕິ.
ຢູ່ໃນການສຶກສາຄົ້ນຄວ້າຂອງຄລີນິກ Mayo ນັ້ນ ພວກນັກຄົ້ນຄວ້າໄດ້ສົມທຽບແມ່ຍິງທີ່ ເປັນໂຣກມະເຮັງຮວຍໄຂ່ ທີ່ກິນຢາປົວໂຣກເບົາຫວານ metformin ຈໍານວນ 61 ຄົນ ໃສ່ກັບການຢູ່ລອດຂອງແມ່ຍິງທີ່ເປັນມະເຮັງຮວຍໄຂ່ແລະບໍ່ກິນຢາດັ່ງກ່າວ 178 ຄົນ.
ລຸນຫລັງທີ່ໄດ້ພິຈາລະນາປະເດັນຕ່າງໆ ເຊັ່ນ ນໍ້າໜັກຂອງຄົນເຈັບ, ຄວາມຮ້າຍແຮງ ຂອງໂຣກມະເຮັງ ແລະລະບົບການປິ່ນປົວດ້ວຍວິທີເຄມີບໍາບັດນໍາກັນແລ້ວ ພວກເຂົາ ເຈົ້າພົບວ່າຜູ້ຍິງທີ່ເປັນໂຣກມະເຮັງຮວຍໄຂ່ ທີ່ກິນຢາຢາປົວໂຣກເບົາຫວານ metformin ແມ່ນມັກຈະມີ ໂອກາດຢູ່ ລອດໄດ້ຢ່າງໜ້ອຍ 5 ປີ ຫລາຍກວ່າ ຜູ້ຍິງທີ່ບໍ່ກິນຢາດັ່ງກ່າວເຖິງ 4 ເທື່ອ.
ມີທາງເລືອກຢູ່ພຽງບໍ່ພໍເທົ່າໃດທາງ ສໍາລັບປິ່ນປົວໂຣກມະເຮັງຮວຍໄຂ່ ທີ່ຂ້ອນຂ້າງຈະ ຕ້ານຢັນວິທີປິ່ນປົວດ້ວຍການໃຊ້ເຄມີບໍາບັດ. ສະນັ້ນ ທ່ານ ກຸມມາ ຈຶ່ງຫລິ່ງເຫັນການ ເອົາຢາປົວໂຣກເບົາຫວານ metformin ໃຫ້ຜູ້ຍິງທີ່ເປັນໂຣກມະເຮັງຮວຍໄຂ່ກິນໃນທີ່ສຸດ ພາຍຫລັງທີ່ມີການທົດ ລອງປິ່ນປົວຢູ່ໃນຄລີນິກຂະໜາດໃຫຍ່ແລ້ວ ເພື່ອປັບປຸງໂອກາດ ລອດ ຊີວິດຂອງພວກເຂົາເຈົ້າ. ທ່ານອະທິບາຍດັ່ງນີ້:
“ແລະຖ້າຫາກການທົດລອງຕ່າງໆ ຢືນຢັນຜົນການສຶກສາຄົ້ນຄວ້າຂອງ ພວກ ເຮົາແລ້ວ ພວກເຮົາກໍຈະເວົ້າວ່າ “ຖືກຕ້ອງແລ້ວ” ມັນຮອດເວລາແລ້ວ ທີ່ ພວກເຮົາປ່ຽນແປງວິທີການປະຕິບັດຂອງພວກເຮົາ ແລະເລີ້ມແນະນໍາໃຫ້ ກິນຢາ metformin ສໍາລັບຄົນທີ່ບໍ່ເປັນໂຣກເບົາຫວານນໍາ.“
ຜົນການສຶກສາຄົ້ນຄວ້າກ່ຽວກັບປະສິດທິຜົນຂອງຢາປົວໂຣກເບົາຫວານ metformin ໃນການປົວໂຣກມະເຮັງຮວຍໄຂ່ ໄດ້ຖືກລົງພິມເຜີຍແຜ່ ຢູ່ໃນວາລະສານ ໂຣກມະເຮັງ ຫລື Cancer
ເບິ່ງວີດິໂອກ່ຽວຂ້ອງກັບເລື້ອງໂຣກມະເຮັງຮວຍໄຂ່:
http://www.youtube.com/embed/mLRYOdpIjk8?feature=player_detailpage
ມະເຮັງຮວຍໄຂ່ ແມ່ນບໍ່ຄ່ອຍສູງປານໃດ. ມີແຕ່ປະມານ 50%
ຂອງຈໍານວນຄົນເຈັບເປັນໂຣກນີ້ ເທົ່ານັ້ນ ທີ່ຄາດຫວັງໄດ້ວ່າຈະ
ຢູ່ລອດຮອດ 5 ປີໄດ້. ແຕ່ວ່າພວກນັກຄົ້ນຄວ້າເວົ້າວ່າ ໂອກາດ
ທີ່ຈະເຮັດໃຫ້ຢູ່ໄດ້ຮອດ 5 ປີນັ້ນ ແມ່ນສູງຂຶ້ນຢ່າງຫລວງຫລາຍ ຖ້າຫາກຜູ້ຍິງທີ່ເປັນໂຣກມະເຮັງຮວຍໄຂ່ ຫາກກິນຢາປົວໂຣກ
ເບົາຫວານທີ່ໃຊ້ກັນທົ່ວໄປນັ້ນ ໄປພ້ອມ.
ພວກນັກຄົ້ນຄວ້າ ທີ່ຄລີນິກ Mayo ໃນລັດ Minnesota ຄົ້ນພົບ
ວ່າ 67% ຂອງຜູ້ຍິງທີ່ຖືກວິໄຈວ່າເປັນໂຣກມະເຮັງຮວຍໄຂ່ ທີ່
ກິນຢາປົວໂຣກເບົາຫວານ metformin ໄປນໍານັ້ນ ແມ່ນມີຊີວິດ
ຢູ່ໄດ້ຮອດຫ້າປີ ຫລືດົນກ່ວານັ້ນ ລຸນຫລັງທີ່ພວກເຂົາເຈົ້າຖືກ
ກວດພົບວ່າເປັນໂຣກມະ ເຮັງດັ່ງກ່າວ. ອັດຕາການລອດຊີວິດ
ທີ່ວ່ານີ້ ແມ່ນສູງກວ່າອັດຕາ 50% ຂອງຜູ້ຍິງເປັນໂຣກມະເຮັງທີ່ມີຊີວິດຢູ່ລອດໄດ້ຮອດ ຢ່າງໜ້ອຍ 5 ປີ ໂດຍທີ່ບໍ່ໄດ້ກິນຢາປົວໂຣກເບົາ ຫວານນັ້ນ ຫລາຍ.
ທ່ານ Sanjeey Kumar (ສັນຈີ ກຸມມາ) ນັກຊ່ຽວຊານດ້ານເນື້ອງອກຜູ້ຍິງທີ່ຄລີນິກ Mayo
ກ່າວວ່າ ພວກນັກຄົ້ນຄວ້າບໍ່ແນ່ໃຈວ່າ ຢາ metformin ສາມາດຕໍ່ຊີວິດໃຫ້ແກ່ຄົນປ່ວຍ ທີ່ເປັນໂຣກມະເຮັງຮວຍໄຂ່ບາງຄົນ ໄດ້ແນວໃດ, ແຕ່ທ່ານກໍເວົ້າວ່າ ພວກເຂົາເຈົ້າມີ ຫລາຍທິດສະດີຢູ່ເຊັ່ນກັນ ຊຶ່ງທ່ານອະທິບາຍດັ່ງນີ້:
“ເຊັ່ນວ່າ ສົ່ງຜົນກະທົບຜ່ານ stem cell ຫລື ແຊລຕົ້ນກໍາເນີດ, ຜ່ານແຊລ ຕົ້ນກໍາເນີດຂອງມະເຮັງ, ຫລື ຜ່ານການສະກັດກັ້ນບໍ່ໃຫ້ແຊລ ທີ່ເປັນມະເຮັງ ໄດ້ຮັບພະລັງງານ ຫລືນໍ້າຕານ.“
ພາບຂອງແຊລຕົນກໍາເນີດ ຫລື Stem Cell
Stem cell ຫລື ແຊລຕົ້ນກໍາເນີດ ແມ່ນເປັນແຊລໃຫຍ່ ທີ່
ສາມາດແປຮູບເນື້ອເຍື່ອ ອັນ ໃດກໍໄດ້ ຢູ່ໃນຮ່າງກາຍຄົນ.
ຢູ່ໃນຮວຍໄຂ່ນັ້ນ ແຊລຕົ້ນກໍາເນີດ ແມ່ນຜະລິດແຊລຂອງ
ຮວຍໄຂ່ທໍາມະດາ. ແຕ່ວ່າ ອິດທິພົນຂອງກໍາມະພັນບາງຢ່າງ
ຊຶ່ງພວກນັກຄົ້ນຄວ້າຫາກໍ່ ເລີ້ມຄົ້ນພົບເຫັນດຽວນີ້ ສາມາດ
ເຮັດໃຫ້ແຊລໃຫຍ່ຫລືແຊລຕົ້ນກໍາເນີດກາຍເປັນແຊລຂອງ ໂຣກມະເຮັງທີ່ເປັນອັນຕະລາຍຂັ້ນພາໃຫ້ເສຍຊີວິດໄດ້.
ຢາ metformin ຊຶ່ງເປັນຢາກິນນັ້ນ ຫລຸດຜ່ອນລະດັບທີ່ເປັນ
ອັນຕະລາຍ ຂອງ ຄໍແລັສເຕີຣອລທີ່ບໍ່ດີ ແລະໄຂມັນໃນເລືອດທີ່ເອີ້ນວ່າ triglyce- rides ຢູ່ໃນໂຣກເບົາຫວານປະເພດສອງນັ້ນລົງ. ຢານີ້ຍັງໄດ້ສະແດງໃຫ້ເຫັນວ່າ ສາມາດປ້ອງ ກັນໂຣກຫົວໃຈຢູ່ໃນຄົນທີ່ເປັນໂຣກເບົາຫວານໄດ້ ແລະບາງຄັ້ງຄາວ ກໍໃຊ້ປິ່ນປົວອາການ ທີ່ເອີ້ນວ່າ ພະຍາດຮວຍໄຂ່ປະເພດ polycystic ທີ່ກໍ່ໃຫ້ເກີດຖົງນ້ອຍໆ ຢູ່ນອກຮວຍໄຂ່ ແລະຮໍໂມນ ສືບພັນໃນລະດັບຜິດປົກກະຕິ.
ຢູ່ໃນການສຶກສາຄົ້ນຄວ້າຂອງຄລີນິກ Mayo ນັ້ນ ພວກນັກຄົ້ນຄວ້າໄດ້ສົມທຽບແມ່ຍິງທີ່ ເປັນໂຣກມະເຮັງຮວຍໄຂ່ ທີ່ກິນຢາປົວໂຣກເບົາຫວານ metformin ຈໍານວນ 61 ຄົນ ໃສ່ກັບການຢູ່ລອດຂອງແມ່ຍິງທີ່ເປັນມະເຮັງຮວຍໄຂ່ແລະບໍ່ກິນຢາດັ່ງກ່າວ 178 ຄົນ.
ລຸນຫລັງທີ່ໄດ້ພິຈາລະນາປະເດັນຕ່າງໆ ເຊັ່ນ ນໍ້າໜັກຂອງຄົນເຈັບ, ຄວາມຮ້າຍແຮງ ຂອງໂຣກມະເຮັງ ແລະລະບົບການປິ່ນປົວດ້ວຍວິທີເຄມີບໍາບັດນໍາກັນແລ້ວ ພວກເຂົາ ເຈົ້າພົບວ່າຜູ້ຍິງທີ່ເປັນໂຣກມະເຮັງຮວຍໄຂ່ ທີ່ກິນຢາຢາປົວໂຣກເບົາຫວານ metformin ແມ່ນມັກຈະມີ ໂອກາດຢູ່ ລອດໄດ້ຢ່າງໜ້ອຍ 5 ປີ ຫລາຍກວ່າ ຜູ້ຍິງທີ່ບໍ່ກິນຢາດັ່ງກ່າວເຖິງ 4 ເທື່ອ.
ມີທາງເລືອກຢູ່ພຽງບໍ່ພໍເທົ່າໃດທາງ ສໍາລັບປິ່ນປົວໂຣກມະເຮັງຮວຍໄຂ່ ທີ່ຂ້ອນຂ້າງຈະ ຕ້ານຢັນວິທີປິ່ນປົວດ້ວຍການໃຊ້ເຄມີບໍາບັດ. ສະນັ້ນ ທ່ານ ກຸມມາ ຈຶ່ງຫລິ່ງເຫັນການ ເອົາຢາປົວໂຣກເບົາຫວານ metformin ໃຫ້ຜູ້ຍິງທີ່ເປັນໂຣກມະເຮັງຮວຍໄຂ່ກິນໃນທີ່ສຸດ ພາຍຫລັງທີ່ມີການທົດ ລອງປິ່ນປົວຢູ່ໃນຄລີນິກຂະໜາດໃຫຍ່ແລ້ວ ເພື່ອປັບປຸງໂອກາດ ລອດ ຊີວິດຂອງພວກເຂົາເຈົ້າ. ທ່ານອະທິບາຍດັ່ງນີ້:
“ແລະຖ້າຫາກການທົດລອງຕ່າງໆ ຢືນຢັນຜົນການສຶກສາຄົ້ນຄວ້າຂອງ ພວກ ເຮົາແລ້ວ ພວກເຮົາກໍຈະເວົ້າວ່າ “ຖືກຕ້ອງແລ້ວ” ມັນຮອດເວລາແລ້ວ ທີ່ ພວກເຮົາປ່ຽນແປງວິທີການປະຕິບັດຂອງພວກເຮົາ ແລະເລີ້ມແນະນໍາໃຫ້ ກິນຢາ metformin ສໍາລັບຄົນທີ່ບໍ່ເປັນໂຣກເບົາຫວານນໍາ.“
ຜົນການສຶກສາຄົ້ນຄວ້າກ່ຽວກັບປະສິດທິຜົນຂອງຢາປົວໂຣກເບົາຫວານ metformin ໃນການປົວໂຣກມະເຮັງຮວຍໄຂ່ ໄດ້ຖືກລົງພິມເຜີຍແຜ່ ຢູ່ໃນວາລະສານ ໂຣກມະເຮັງ ຫລື Cancer
ເບິ່ງວີດິໂອກ່ຽວຂ້ອງກັບເລື້ອງໂຣກມະເຮັງຮວຍໄຂ່:
http://www.youtube.com/embed/mLRYOdpIjk8?feature=player_detailpage