ນັກການທູດລະດັບສູງສະຫະລັດ ທ່ານນຶ່ງກ່າວວ່າ ມາດຕະການ
ລົງໂທດຕ່າງໆ ຕໍ່ຣັດເຊຍ ສຳຫລັບບົດບາດຂອງຕົນ ໃນວິກິດການ
ຢູເຄຣນ ຈະຍັງຄົງມີຢູ່ຄືເກົ່າ ຈົນກວ່າວ່າ ຂໍ້ຕົກລົງຢຸດຍິງ ທີ່ໄດ້ຖືກ
ລະເມີດມາເປັນເວລາຍາວນານນັ້ນ ຈະຖືກປະຕິບັດຢ່າງຄົບຖ້ວນ.
ລັດຖະມົນຕີ ຊ່ວຍວ່າການ ກະຊວງການຕ່າງປະເທດ ສະຫະລັດ
ທ່ານນາງ Victoria Nuland ຍັງໄດ້ເຕືອນ ໃນວັນເສົາວານນີ້ ວ່າ
ມົສກູຈະຕ້ອງໄດ້ຮັບ “ໂທດຫຼາຍຂຶ້ນອີກ” ສຳຫລັບການລະເມີດ
ຕ່າງໆ ໃນອະນາຄົດ ຕໍ່ຂໍ້ຕົກລົງສັນຕິພາບ Minsk.
ທ່ານນາງ Nuland ກ່າວຖະແຫລງຢູ່ທີ່ນະຄອນຫຼວງ Kyiv ຂອງ
ຢູເຄຣນ ຕໍ່ ການເຕົ້າໂຮມຊຸມນຸມກັນ ຂອງບັນດາຊາວຢູເຄຣນ
ແລະ ບັນດານນັກການເມືອງຕ່າງປະເທດ ແລະ ບັນດານັກທຸລະກິດ ຜູ້ຊົງກຽດ.
ເລຂາທິການໃຫຍ່ ອົງການເພື່ອຄວາມໝັ້ນຄົງ ແລະ ການຮ່ວມມື ໃນຢູ່ໂຣບ ຫຼື OSCE ທ່ານ Lamberto Zannier ກ່າວວ່າ ຂໍ້ຕົກລົງຢຸດຍິງ ຢູເຄຣນ "ໄດ້ຖືກເຄົາລົບ ມາໄດ້ຫຼາຍກວ່າ 10 ມື້ແລ້ວ" ຊຶ່ງ ໄດ້ອຳນວຍໂອກາດໃຫ້ "ເກີດຄວາມກ້າວໜ້າ ໃນອີກຂັ້ນນຶ່ງ ຂອງການເມືອງ."
ທ່ານນາງ ເວົ້າວ່າ “ຖ້າວ່າ ແລະ ເວລາໃດທີ່ Minsk ໄດ້ຖືກ
ປະຕິບັດຢ່າງຄົບຖ້ວນລວມທັງ ການມອບຄືນອະທິປະໄຕ
ຂອງຢູເຄຣນ ໃນເຂດຊາຍແດນແລ້ວ ພວກເຮົາກໍຈະສາ
ມາດເລີ້ມຕົ້ນ ຖອນຄືນມາດຕະການລົງໂທດຕ່າງໆດັ່ງກ່າວ.”
ສະຫະລັດ ແລະ ສະຫະພາບຢູໂຣບ ໄດ້ກ່າວຫາ ມົສກູ ວ່າຍຸແຍ່
ໃຫ້ເກີດການກໍ່ກະບົດ ໂດຍພວກນິຍົມຣັດເຊຍ ຢູ່ໃນພາກຕາເວັນ
ອອກຂອງຢູເຄຣນ ທີ່ແກ່ຍາວມາໄດ້ 17 ເດືອນແລ້ວ ແລະ ໄດ້
ວາງມາດຕະການລົງໂທດ ທາງດ້ານເສດຖະກິດຫຼາຍບັ້ນ ເພື່ອ
ແນ່ໃສ່ຍັບຍັ້ງການມີສ່ວນພົວພັນດ້ານກອງທັບຣັດເຊຍ ແລະ ການ
ລຳລຽງຂົນສົ່ງຍຸດໂທປະກອນ.
Your browser doesn’t support HTML5
Ukraine