ບັນດາເຈົ້າໜ້າທີ່ເລືອກຕັ້ງ ໃນປະເທດ Venezuela ກ່າວວ່າ
ຝ່າຍຄ້ານໄດ້ຮັບ ໄຊຊະນະ ຄວບຄຸມບ່ອນນັ່ງໃນສະພາແຫ່ງ
ຊາດ ຊຶ່ງເປັນການເສຍໄຊຢ່າງບໍ່ໜ້າເຊື່ອແກ່ພັກສັງຄົມນິຍົມ
ທີ່ປົກຄອງປະເທດໃນເວລານີ້.
ບັນດາເຈົ້າໜ້າທີ່ກ່າວວ່າ ຝ່າຍຄ້ານ ທີ່ຍັງເຫລືອອີກສອງບ່ອນ
ນັ່ງ ຍັງບໍ່ທັນມີ ການພິຈາລະນາເທື່ອນັ້ນ ໄດ້ຊະນະບ່ອນນັ່ງ
110 ບ່ອນຂອງຈຳນວນທັງໝົດ 167 ບ່ອນນັ່ງຢູ່ໃນສະພາແຫ່ງ
ຊາດ ໂດຍທີ່ພັກສັງຄົມນິຍົມ ໄດ້ຊະນະພຽງແຕ່ 55 ບ່ອນນັ່ງ
ເທົ່ານັ້ນ.
ຖ້າໄດ້ຊະນະຕື່ມອີກສອງບ່ອນນັ່ງ ຈະເຮັດໃຫ້ພັກປະສົມຝ່າຍຄ້ານ ຄວບຄຸມບ່ອນນັ່ງ
ສອງສ່ວນສາມ ໃນສະພາແຫ່ງຊາດ ໂດຍຈະເປີດໂອກາດອະນຸຍາດໃຫ້ປົກຜູ້ພິພາກ
ສາສານສູງສຸດ ເລີ້ມຂັ້ນຕອນທີ່ເອີ້ນວ່າ ຖອດຖອນປະທານາທິ ບໍດີ ຫລືແມ່ນກະທັງ
ຮ້ອງໃຫ້ສະພາຮ່າງລັດຖະທຳມະນູນສະບັບໃໝ່.
ເຖິງແມ່ນວ່າ ພັກຝ່າຍຄ້ານໄດ້ສຽງຄະແນນສຽງສ່ວນຫລາຍຫລືບໍ່ນັ້ນ ຜົນຂອງການ
ເລືອກຕັ້ງແມ່ນການຖອຍຫລັງທີ່ສຳຄັນສຳລັບພັກສັງຄົມນິຍົມທີ່ໄດ້ຄອບງຳມາເປັນ
ເວລາດົນນານ ໂດຍໄດ້ນຳພາປະເທດມາເປັນເວລາ 16 ປີ.
ບັນດາຜູ້ນຳຝ່າຍຄ້ານໄດ້ໃຫ້ຄຳໝັ້ນສັນຍາໃນວັນຈັນວານນີ້ວ່າ ຈະໃຊ້ສຽງສ່ວນ ຫລາຍ
ທີ່ໄດ້ຮັບມາໃໝ່ໆ ປ່ອຍໂຕບັນດາຝ່າຍຄ້ານທີ່ຖືກຕິດຄຸກໂດຍລັດຖະບານສັງຄົມນິຄົມ
ແຕ່ຍັງກ່າວວ່າ ເຂົາເຈົ້າຈະບໍ່ເຄື່ອນໄຫວເພື່ອມ້າງເພນະໂຍບາຍສົງເຄາະອັນເປັນທີ່ນິຍົມ
ນັ້ນ.
ເປັນຄັ້ງທຳອິດ ທີ່ຂະບວນການ “Chavismo” ທີ່ໄດ້ໃສ່ຊື່ຕາມອະດີດປະທາ ນາທິບໍດີສັງ
ຄົມນິຍົມ ທ່ານ Hugo Chavez ໄດ້ເສຍສຽງສ່ວນຫລາຍຢູ່ໃນສະພາ ແລະເອົາເວທີໃຫ້
ແກ່ຝ່າຍຄ້ານ ເພື່ອເຮັດໃຫ້ອຳນາດຂອງປະທານາ ທິບໍດີ Nicolas Maduro ເຊື່ອມລົງ
ນຳທຸກມື້.
ຊາວເວເນຊູເອລາ ສະຫຼອງ ໄຊຊະນະ