ຮວມຢູ່ໃນຈຳນວນພວກທີ່ຕາຍໃນມື້ວັນຈັນຜ່ານມານີ້ ເວລາ
ສະມາຊິກຂອງກຸ່ມຕາລີບານ ໂຈມຕີສະຫຼະຊີບຕໍ່ໜ່ວຍລາດ
ຕະເວນໃນພາກໃຕ້ອັຟການິສຖານນັ້ນ ແມ່ນທະຫານແມ່ຍິງ
ອາເມຣິກັນຄົນທຳອິດ ທີ່ໄດ້ເປີດເຜີຍວ່າເປັນຜູ້ຮັກຮ່ວມເພດ
ທີ່ໄດ້ເສຍຊີວິດໃນລະຫວ່າງການສູ້ລົບ.
ທຳນຽບຫ້າແຈລະບຸວ່າ ແມ່ນພັນອາກາດຕີ Adrianna Vor-
derbruggen ອາ ຍຸ 36 ປີ ແມ່ນນຶ່ງ ໃນພວກທະຫານ 6 ຄົນ
ທີ່ເສຍຊີວິດໃນເຫດລະເບີດ.
ໃນປີ 2012 ນາງໄດ້ແຕ່ງງານກັບໝູ່ຂອງນາງທີ່ມີຊື່ວ່າ Hea-
ther Lamb ໃນອັນທີ່ເປັນນຶ່ງ ຂອງການແຕ່ງງານເທື່ອທຳອິດ ລະຫວ່າງສະມາຊິກຂອງ
ພວກຮັກຮ່ວມເພດທີ່ມີການເປີດເຜີຍຂອງກອງທັບສະຫະລັດນັບຕັ້ງແຕ່ປະທານາທິບໍດີ
ບາຣັກ ໂອບາມາ ໄດ້ຍົກເລີກນະໂຍບາຍ ຖ້າບໍ່ຖາມ ກໍຢ່າບອກ ຫຼື Don’t Ask, Don’t
Tell ທີ່ມີມາເປັນເວລາເກືອບ 20 ປີ. ນະໂຍບາຍດັ່ງກ່າວເຮັດໃຫ້ພວກຮັກຮ່ວມເພດຢ່າງ
ເປັນການເປີດເຜີຍ ບໍ່ສາມາດເຂົ້າຮັບໃຊ້ຢູ່ໃນກອງທັບໄດ້.
ນາງ Lamb ກ່າວກ່ຽວກັບພັນລະຍາຂອງລາວ ຕໍ່ສື່ມວນຊົນ ຂອງສະຫະລັດວ່າ ການຢູ່
ຮ່ວມກັນຂອງພວກເຮົາກໍແມ່ນ ພວກເຮົາຮູ້ວ່ານາງຕ້ອງການຢາກຢູ່ທີ່ນັ້ນ ນາງເຊື່ອໝັ້ນ
ແລະຮັກໃນວຽກງານຂອງນາງແລະນາງໄດ້ເຮັດວຽກການທີ່ສຳຄັນ ໃນນາມຊາວອັຟກາ
ນິສຖານແລະປະເທດຊາດຂອງພວກເຮົາ.
ພວກທີ່ເສຍຊີວິດໃນວັນຈັນຜ່ານມາແມ່ນຮວມທັງສິບໂທທະຫານຊ່າງ Joseph Lemm
ທີ່ໄດ້ລາພັກຈາກການເປັນຕຳຫຼວດ ຢູ່ນະຄອນນິວຢອກ ໃນຂະນະທີ່ຖືກສົ່ງໄປປະຕິບັດ
ໜ້າທີ່ຢູ່ອັຟການິສຖານ ເປັນເທື່ອທີສອງ. ຜູ້ບັນຊາການຕຳຫຼວດນະຄອນນິວຢອກ ທ່ານ
William Bratton ເອີ້ນທ່ານ Lemm ວ່າ ເປັນຕຳຫຼວດທີ່ດີເດັ່ນຄົນນຶ່ງຂອງນະຄອນນິວ
ຢອກ ແລະເວົ້າວ່າ ຜູ້ກ່ຽວເປັນຕົວຢ່າງອັນຈະແຈ້ງ ກ່ຽວກັບຄວາມບໍ່ເຫັນແກ່ຕົວ ທີ່ພວກ
ເຮົາພຽງແຕ່ຊອກສະແຫວງຫາເທົ່ານັ້ນ.
ໃນຕອນແລງວັນອັງຄານມື້ວານນີ້ 18,000 ຄົນ ທີ່ໄປຮ່ວມການແຂ່ງຂັນກິລາຮອັກກີ້ ທີ່
Madison Square Garden ໃນນະຄອນນິວຢອກ ລະຫວ່າງທີມນິວຢອກ Rangers
ແລະທີມ Ducks ຈາກນະຄອນ Anaheim ໄດ້ພາກັນຢືນສະຫງົບສະຕິອາລົມຊົ່ວຂະນະ
ນຶ່ງເພື່ອໄວ້ອາໄລໃຫ້ແກ່ທ່ານ Lemm ໃນຂະນະ ທີ່ຮູບຂອງທ່ານຖືກສາຍອອກມາໃສ່ຈໍ
ທີ່ຢູ່ເທິງນ້ຳແຂງ.
ການເສຍຊີວິດ ຂອງທະຫານອາເມຣິກັນ 6 ຄົນດັ່ງກ່າວ ເຮັດໃຫ້ຈຳນວນທະຫານອາເມຣິ
ກັນທີ່ເສຍຊີວິດໃນລະຫວ່າງການປະຕິບັດງານຢູ່ໃນອັຟການິສຖານເພີ້ມຂຶ້ນເປັນ 10 ຄົນ
ໃນປີນີ້. ສ່ວນອີກ 10 ຄົນໄດ້ເສຍຊີວິດບໍ່ກ່ຽວກັບການສູ້ລົບທີ່ ຮວມທັງເຮືອບິນເຮຣີຄອບ
ເຕີ້ຕົກຫຼາຍໆເທື່ອ.