ສາຍລັບລັດຖະບານກາງສະຫະລັດ ໄດ້ຈັບກຸມຊາຍຄົນນຶ່ງ ໃນ
ລັດ Ohio ໃນຂໍ້ກ່າວຫາ ວາງແຜນຈະວາງລະເບີດທີ່ຕຶກລັດຖະ
ສະພາ ແລະຍິງປືນໃສ່ພວກພະນັກງານຢູ່ທັງໃນ ແລະອ້ອມແອ້ມ
ຕຶກລັດຖະສະພານັ້ນ.
ນາຍ Christopher Cornell ໄດ້ຖືກຈັບກຸມໃນວັນພຸດວານນີ້
ໃນເວລາບໍ່ດົນຫຼັງຈາກຜູ້ກ່ຽວຊື້ອາວຸດໃນຮ້ານຂາຍປືນແຫ່ງນຶ່ງ
ໃນເມືອງ Cincinnati.
ຜູ້ກ່ຽວຖືກກ່າວຫາຢູ່ສານລັດຖະບານກາງແຫ່ງນຶ່ງ ໃນຂໍ້ຫາມີອາ
ວຸດຢູ່ໃນຄວາມຄອບຄອງ ແລະພະຍາຍາມສັງຫານເຈົ້າໜ້າທີ່
ລັດຖະບານສະຫະລັດ.
ອີງຕາມເອກະສານຕ່າງໆຂອງສານ ນາຍ Cornell ຖືກກ່າວຫາວ່າ ກ່າວຕໍ່ຜູ້ໃຫ້ຂ່າວຕຳຫຼວດສັນຕິບານ ຫຼື FBI ວ່າ ລາວຖືວ່າ ພວກສະມາຊິກລັດຖະສະພາເປັນສັດຕູ.
ນາຍ Cornell ກ່າວຕໍ່ຜູ້ໃຫ້ຂ່າວຂອງ FBI ວ່າ ລາວວາງແຜນທີ່ຈະເດີນທາງໄປຍັງນະ
ຄອນຫຼວງວໍຊິງຕັນ ເພື່ອໄປສິ້ງຊອມເບິ່ງພວກອາຄານຕ່າງໆຂອງລັດຖະບານສຳລັບມາດຕະການຕ່າງໆດ້ານຄວາມປອດໄພ ແລະວາງລະເບີດທີ່ເຮັດດ້ວຍທໍ່ນ້ຳຢູ່ຂ້າງນອກຂອງ
ຕຶກລັດຖະສະພານັ້ນ.
ນອກນັ້ນຜູ້ກ່ຽວຍັງຖືກກ່າວຫາອີກວ່າ ໄດ້ວາງແຜນຍິງຜູ້ຄົນ ທີ່ຢູ່ໃນເຂດອ້ອມແອ້ມຕຶກອາ
ຄານເຊັ່ນກັນ.
ເອກະສານຕ່າງໆ ເວົ້າວ່າ ນາຍ Cornell ເຊື່ອວ່າ ການໂຈມຕີດັ່ງກ່າວຈະເປັນການສະແດງຄວາມສະໜັບສະໜຸນແກ່ພວກລັດອິສລາມ ແລະວ່າ ຜູ້ກ່ຽວໄດ້ທຳການຕິດຕໍ່ມາກັບພວກບຸກຄົນຕ່າງໆໃນຕ່າງປະເທດກ່ຽວກັບການວາງແຜນຂອງຜູ້ກ່ຽວແລ້ວ.
ອົງການ FBI ກ່າວວ່າ ນາຍ Cornell ມີວີດີໂອໃນການເຮັດລະເບີດ ແລະສົງຄາມສາສະໜາອິສລາມໃນຄອມພີວເຕີຂອງຜູ້ກ່ຽວເຊັ່ນກັນ.
Your browser doesn’t support HTML5
usterrorplotarrest15january15