ປະທານາທິບໍດີສະຫະລັດ ທ່ານບາຣັກ ໂອບາມາ ເຂົ້າຮ່ວມກອງ
ປະຊຸມສຸດຍອດຂອງຂົງເຂດ ໃນມຽນມາ ບ່ອນທີ່ເຈົ້າໜ້າທີ່ສະຫະ
ລັດ ກ່າວວ່າ ທ່ານຈະໄດ້ນຳເອົາເລື້ອງທີ່ຫຼໍ່ແຫຼມກ່ຽວກັບສິດທິມະ
ນຸດ ແລະຂັ້ນຕອນການດຳເນີນງານໄປສູ່ປະຊາທິປະໄຕຂອງປະ
ເທດດັ່ງກ່າວ ທີ່ມີການຊັກຊ້ານັ້ນ ຂຶ້ນມາຫາລືກັນ.
ກ່ອນໜ້າກອງປະຊຸມສຸດຍອດ ໃນວັນພະຫັດມື້ນີ້ ຮອງທີ່ປຶກສາດ້ານຄວາມໝັ້ນຄົງແຫ່ງຊາດ ຂອງທຳນຽບຂາວ ທ່ານ Ben Rhodes ໄດ້ກ່າວວ່າ ປະທານາທິບໍດີ “ມີຄວາມເປັນຫວ່ງໜັກ” ກ່ຽວກັບຈັງຫວະຂອງການປະຕິຮູບໃນມຽນມາ.
ລັດຖະບານພົນລະເຮືອນ ແຕ່ພຽງໃນນາມ ໄດ້ຂຶ້ນກຳອຳນາດໃນປີ 2011 ທີ່ເຮັດໃຫ້ການປົກ ຄອງແບບຜະເດັດການຂອງພວກທາງທະຫານ ທີ່ດຳເນີນມານານກວ່າ 5 ທົດສະວັດນັ້ນ ສິ້ນສຸດລົງ ແຕ່ກໍຍັງປະເຊີນກັບບັນຫາຕ່າງໆທີ່ຝັງຮາກເລິກ ຮວມທັງການປະຕິບັດຕໍ່
ພວກຊົນກຸ່ມນ້ອຍຂອງປະເທດນັ້ນ.
ໃນລະຫວ່າງການພົບປະກັບປະທານາທິບໍດີ ທ່ານ Thein Sein ໃນວັນພະຫັດມື້ນີ້ ເຈົ້າໜ້າທີ່ສະຫະລັດ ກ່າວວ່າ ທ່ານ ໂອບາມາ ຈະນຳເອົາບັນຫາຂອງຊາວມຸສລິມໂຣຮິງຢາ ທີ່ໄດ້
ຖືກປະ ຕິເສດບໍ່ໃຫ້ໄດ້ຮັບສັນຊາດ ແລະປະເຊີນກັບຂໍ້ຈຳກັດຮັດແຄບຫຼາຍໆຢ່າງນັ້ນ ຂຶ້ນມາຫາລື.
ໃນວັນສຸກມື້ອື່ນນີ້ ທ່ານ ໂອບາມາ ຈະເດີນທາງໄປຍັງນະຄອນຢ້າງກຸ້ງ ບ່ອນທີ່ທ່ານຈະພົບປະກັບຜູ້ນຳຝ່າຍຄ້ານ ແລະທ່ານນາງ Aung San Suu Kyi ນັກເຄື່ອນໄຫວເພື່ອປະຊາທິ
ປະໄຕ ມາເປັນເວລາດົນນານແລ້ວນັ້ນ.
ການຢ້ຽມຢາມດັ່ງກ່າວນີ້ ແມ່ນມີຂຶ້ນໃນລະຫວ່າງກອງປະຊຸມສຸດຍອດຂອງສະມາຄົມ
ບັນດາປະ ຊາຊາດໃນເຂດເອເຊຍອາຄະເນ ຫຼື ASEAN. ນີ້ເປັນຄັ້ງທຳອິດທີ່ມຽນມາເປັນເຈົ້າພາບຈັດກອງປະຊຸມສຸດຍອດປະຈຳປີດັ່ງກ່າວ.
ປ. ໂອບາມາ ທີ່ກອງປະຊຸມ ສຸດຍອດ ອາຊ່ຽນ