ໃນລະຫວ່າງການພົບປະກັນ ນຶ່ງຕໍ່ນຶ່ງ ໃນວັນຈັນວານນີ້ ຢູ່ນອກ
ກອງປະຊຸມ ສະມັດຊາໃຫຍ່ສະຫະປະຊາຊາດ ປະທານາທິບໍດີ
ສະຫະລັດ ທ່ານ Barack Obama ແລະ ປະທານາທິບໍດີຣັດ
ເຊຍ ທ່ານ Vladimir Putin ໄດ້ໂອ້ລົມກັນກ່ຽວເລື້ອງຊີເຣຍ
ໂດຍມີຄວາມເຫັນແຕກຕ່າງກັນ ກ່ຽວກັບບົດບາດ ຂອງ ປະທາ
ນາມິບໍດີຊີເຣຍທ່ານ Bashar al-Assad ແຕ່ກໍເຫັນພ້ອມນຳ
ກັນທີ່ຈະບໍ່ຂວາງທາງ ໃນການປະຕິບັດງານທາງທະຫານຂອງ
ອີກຝ່າຍນຶ່ງ.
ເຈົ້າໜ້າທີ່ຂັ້ນສູງຂອງທຳນຽບຂາວຄົນນຶ່ງ ໄດ້ກ່າວຫລັງຈາກ
ການພົບປະກັນທີ່ນະຄອນນິວຢອກເປັນເວລາ 90 ນາທີ ຂອງ
ຜູ້ນຳທັງສອງ ວ່າ “ນີ້ບໍ່ແມ່ນສະຖານະການ ທີ່ຜູ້ໃດຜູ້ນຶ່ງ ຈະຊອກຫາຊ່ອງທາງເພື່ອສ້າງ
ຄະແນນໃນການພົບປະກັນ. ຂ້າພະເຈົ້າຄິດວ່າ ໄດ້ມີຄວາມປາດຖະໜາຮ່ວມກັນທີ່ຈະ
ຊອກຫາຊ່ອງທາງ ໃນອັນທີ່ພວກເຮົາສາມາດແກ້ໄຂສະຖານະການຢູ່ໃນຊີເຣຍ.”
Your browser doesn’t support HTML5
At UN, Obama, Putin Remain Sharply Divided on Syria, Ukraine
ເຈົ້າໜ້າທີ່ຮ້ອງການພົບປະໃນຄັ້ງນີ້ວ່າ “ເຈາະຈົງ” ແລະ “ຄືດັ່ງທຸລະກິດ” ຊຶ່ງເປັນການພົບ
ປະເທຶ່ອທຳອິດ ໃນຮອບສອງປີກວ່າໆ ແມ່ນໄດ້ສະແດງໃຫ້ເຫັນຢ່າງຈະແຈ້ງກ່ຽວກັບຈຸດ
ປະສົງຂອງຣັດເຊຍ. ຈຸດປະສົງຂອງພວກເຂົາເຈົ້າແມ່ນ ເພື່ອຕາມລ່າກຸ່ມລັດອິສລາມ ແລະສະໜັບສະໜູນລັດຖະບານ.
ເຈົ້າໜ້າທີ່ກ່າວວ່າ ສະຫະລັດບໍ່ໄດ້ຖືວ່າການເສີມກຳລັງທະຫານຂອງຣັດເຊຍຢູ່ໃນຊີເຣຍ
ເປັນໄປໃນທາງທີ່ສ້າງຄວາມເສຍຫາຍ ເພື່ອໃຫ້ມີຜົນລັບໃນທາງທີ່ດີ ແຕ່ຄວາມເຫັນຂອງ
ລັດຖະບານທ່ານໂອບາມາກ່ຽວກັບເລື້ອງຣັດເຊຍນັ້ນ ຈະຂື້ນ ກັບບົດບາດຂອງເຂົາເຈົ້າ ໃນຂັ້ນຕອນໄປຈະເປັນຢ່າງໃດ.
ປ. ໂອບາມາ ແລະ ປ. ພູຕິນ ຍັງຂັດແຍ້ງ ເລື່ອງຊີເຣຍ ແລະ ຢູເຄຣນ
ເຈົ້າໜ້າທີ່ໄດ້ສະເໜີແນະວ່າ ຖ້າຫາກຣັດເຊຍ ໃຊ້ກຳລັງທະຫານ ແຕ່ພຽງຢ່າງ ດຽວສູ້ລົບກັບກຸ່ມລັດອິສລາມ ອາດຈະເປັນການດີຢູ່. ແຕ່ຖ້າຫາກວ່າເຂົາເຈົ້າໃຊ້ ກຳລັງເພື່ອສ້າງ
ຄວາມເຂັ້ມແຂງໃຫ້ແກ່ທ່ານ Assad ເພື່ອສູ້ລົບກັບປະຊາຊົນຂອງທ່ານເອງ ມັນຈະເປັນຜົນໃນທາງລົບ.
ເຈົ້າໜ້າທີ່ກ່າວວ່າ “ຂ້າພະເຈົ້າຄິດວ່າຣັດເຊຍ ເຂົ້າໃຈເປັນຢ່າງດີໃນຄວາມສຳ ຄັນຂອງການແກ້ໄຂບັນຫາການເມືອງໃນຊີເຣຍ ແລະມັນມີຂັ້ນຕອນທີ່ກຳລັງດຳເນີນຢູ່ໃນການ
ຊອກຫາທາງແກ້ໄຂທາງການເມືອງ. ພວກເຮົາມີຄວາມເຫັນແຕກຕ່າງກັນ ກ່ຽວຜົນຂອງ
ການດຳເນີນຂັ້ນຕອນນັ້ນຈະອອກມາໃນຮູບໃດ” ໂດຍສະເພາະຢ່າງຍິ່ງ ໃນເລື້ອງທີ່ພົວ
ພັນກັບທ່ານ Assad.
Your browser doesn’t support HTML5
UN Obama Putin