ປະທານາທິບໍດີ ສະຫະລັດ ທ່ານ ບາຣັກ ໂອບາມາ ໄດ້ປະກາດ ກ່ຽວກັບດຳລັດສະບັບໃໝ່ຂອງຝ່າຍບໍລິຫານ ແລະ ຄວາມພະຍາຍາມດ້ານອື່ນໆທີ່ແນໃສ່ເພື່ອເຮັດໃຫ້ເປັນການ ງ່າຍຂຶ້ນ ສຳລັບບັນດາເຈົ້າຂອງບ້ານ ເຮືອນແລະທຸລະກິດ ທີ່ຈະລົງທຶນໃນການປັບປຸງພະລັງງານສີຂຽວງ່າຍຂຶ້ນ ເຊິ່ງໃນເມື່ອກ່ອນ ອາດຈະບໍ່ສາມາດປະຕິບັດ ຫຼື ສາມາດຊື້ໄດ້.
ທ່ານ ໂອບາມາ ໄດ້ເປັນຜູ້ກ່າວຄຳປາໄສຄົນສຳຄັນໃນກອງປະຊຸມ ພະລັງງານສະອາດ ທີ່ນະຄອນ Las Vegas, ລັດ ເນວາດາ ໃນຕອນຄ່ຳຂອງວັນຈັນວານນີ້. ທ່ານໃຫ້ຂໍ້ສັງເກດວ່າພວກທີ່ມີຜົນ ປະໂຫຍດ ໃນນ້ຳມັນເຊື້ອໄຟ Fossil ແລະ ສາທາລະນຸປະໂພກ ຈຳນວນນຶ່ງແມ່ນກຳລັງຕໍ່ສູ້ກັບການຮີບເລັ່ງຫາພະລັງງານທີ່ສະອາດກວ່າ, ຖືກກວ່າ ແລະ ມີປະສິດທິພາບຫຼາຍກວ່າຂອງປະເທດ. ແຕ່ທ່ານໄດ້ກ່າວວ່າ, “ຂໍໂທດ, ພວກເຮົາແມ່ນກຳລັງກ້າວໄປຂ້າງໜ້າ.”
ທ່ານໄດ້ກ່າວວ່າ ຫຼັງຈາກຫຼາຍທົດສະວັດ ໃນການຖືກບອກວ່າພະລັງງານທົດແທນແມ່ນບໍ່ ເໝາະສົມສຳລັບເສດຖະກິດ, ແຕ່ວ່າ “ມື້ນີ້ຄຳເວົ້ານັ້ນມັນບໍ່ເປັນຈິງອີກຕໍ່ໄປແລ້ວ.”
ໃນລະຫວ່າງບາດກ້າວທີ່ໄດ້ປະກາດອອກໄປ ໂດຍທ່ານປະທານາທິບໍດີ ມັນແມ່ນກົດລະບຽບໃໝ່ ຈາກອົງການຄຸ້ມຄອງບ້ານເຮືອນ ຂອງລັດຖະ ບານກາງ ທີ່ອາດຈະຂະຫຍາຍການນຳໃຊ້ ໃນສິ່ງທີ່ເອີ້ນວ່າການກູູ້ຢືມ PACE ຫຼື ການຕິດຕັ້ງພະລັງງານທົດແທນສຳລັບຕຶກອາຄານ ທີ່ອະນຸຍາດໃຫ້ບັນດາເຈົ້າຂອງບ້ານເຮືອນຕິດຕັ້ງການພັດທະນາພະລັງງານ ແລະ ຈ່າຍຄືນຄ່າໃຊ້ຈ່າຍຂອງພວກເຂົາໃນເວລາຕໍ່ມາ. ປະຈຸບັນນີ້, ການນຳໃຊ້ແຫຼ່ງເງິນທຶນ ແມ່ນໄດ້ຖືກຈຳກັດໂດຍອຸປະສັກດ້ານລະບຽບ. ທ່ານຍັງໄດ້ກ່າວວ່າ ກະຊວງພະລັງງານຈະໃຫ້ການກູ້ຢືມ ໃນການຄ້ຳປະກັນເພີ່ມເຕີມ 1 ຕື້ໂດລາ ເພື່ອສະໜັບສະໜູນການປັບປຸງໃໝ່ໃນດ້ານເທັກໂນໂລຈີ ທີ່ເຮັດໃຫ້ຊາວ ອາເມຣິກາ ມີການປັບຕົວເພີ່ມຂຶ້ນໃນການເລືອກພະລັງງານທົດແທນ.
ຄຳປາໄສຂອງທ່ານ ໂອບາມາ, ໃນກອງປະຊຸມພະລັງງານປະຈຳປີທີ່ໄດ້ຈັດຂຶ້ນໂດຍຜູ້ນຳ ສະມາຊິກສະພາສູງພັກເດໂມແຄຣັດ ທ່ານ Harry Reid, ໄດ້ແນເປົ້າໃສ່ການຕໍ່ຕ້ານພວກ ທີ່ມີຜົນປະໂຫຍດນຳນ້ຳມັນເຊື້ອໄຟ Fossil ແລະສາທາລະນຸປະໂພກ ທີ່ໄດ້ເຮັດວຽກເພື່ອບັ່ນທອນນະໂຍບາຍພະລັງງານສະອາດ ດ້ວຍການໂຕ້ຖຽງ ເຊິ່ງບັນຫານີ້ຄວນຖືກປ່ອຍໃຫ້ເປັນໜ້າທີ່ຕະຫຼາດການຄ້າເສລີ.
ທ່ານປະທານາທິບໍດີໄດ້ກັບຄືນຈາກການພັກຜ່ອນສອງອາທິດ ພ້ອມກັບຫຼາຍບັນຫາສຳຄັນທີ່ກຳລັງປະເຊີນໜ້າທ່ານໃນສອງສາມເດືອນຂ້າງໜ້າ, ລວມທັງການເຮັດວຽກ ເພື່ອຊຸກຍູ້ຂໍ້ຕົກລົງສາກົນ ກ່ຽວກັບໂຄງ ການນິວເຄລຍຂອງອີຣ່ານ ຜ່ານສະພາ ທີ່ຍັງມີການສົງໄສຢູ່ນັ້ນ.
Your browser doesn’t support HTML5
Obama Climate