ປະທານາທິບໍດີສະຫະລັດ ທ່ານບາຣັກ ໂອບາມາ ໃຫ້ຄຳໝັ້ນສັນ
ຍາທີ່ຈະໃຫ້ການຊ່ອຍເຫຼືອທາງດ້ານການເງິນແລະການສະໜັບ
ສະໜຸນອື່ນໆເພີ້ມຕື່ມ ແກ່ປະເທດໂຄລອມເບຍ ໃນຂະນະທີ່ລັດ
ຖະບານຂອງປະເທດດັ່ງກ່າວ ພວມກະກຽມ ທີ່ຈະເຮັດຂໍ້ຕົກລົງ
ສັນຕິພາບຂັ້ນສຸດທ້າຍ ກັບພວກກອງໂຈນຝ່າຍຊ້າຍທີ່ໄດ້ສູ້ລົບ
ກັບລັດຖະບານມາໄດ້ 50 ກວ່າປີແລ້ວນັ້ນ.
ຫຼັງຈາກໄດ້ພົບປະກັບປະທານາທິບໍດີໂຄລອມເບຍ ທ່ານ Juan
Manuel Santos ທີ່ທຳນຽບຂາວໃນວັນພະຫັດວານນີ້ທ່ານໂອ
ບາມາໄດ້ປະກາດໃຫ້ເງິນຊ່ອຍເຫລືອເພີ້ມຕື່ມແລະມາດຕະການ
ອື່ນໆອີກ ທີ່ທ່ານກ່າວວ່າ ຈະຊ່ອຍໂຄລອມເບຍບູລະນະສ້າງສາ
ປະເທດຫລັງຈາກໄດ້ບັນລຸຂໍ້ຕົກລົງສັນຕິພາບ ກັບພວກກະບົດມາກຊິສກຳລັງປະກອບອາ
ວຸດປະຕິວັດໂຄລອມເບຍ ທີ່ເອີ້ນຫຍໍ້ວ່າ FARC ນັ້ນ.
ການເຈລະຈາໄດ້ກ້າວເຂົ້າສູ່ຂັ້ນສຸດທ້າຍ ແລະຖ້າຫາກມີການບັນລຸການຕົກລົງກັນມັນຈະ
ເປັນການສິ້ນສຸດລົງ ໃນການກໍ່ກະບົດ ທີ່ດົນນານທີ່ສຸດຢູ່ໃນອາເມຣິກາລາຕິນ. ເຈົ້າໜ້າທີ່
ທຳນຽບຂາວທຳນາຍວ່າ ຂໍ້ຕົກລົງດັ່ງກ່າວນີ້ຈະບັນລຸກັນໃນ ລະຍະຫົກເດືອນເຄິ່ງທຳອິດ
ຂອງປີນີ້.
ຫລັງຈາກພົບປະກັນແລ້ວ ຜູ້ນຳທັງສອງກໍໄດ້ກ່າວຖະແຫຼງ ໃນພິທີຕ້ອນຮັບ ເພື່ອເປັນຂີດ
ໝາຍຄົບຮອບ 15 ຂອງແຜນການໂຄລອມເບຍ ຊຶ່ງເປັນຂໍ້ລິເລີ້ມຮ່ວມ ເພື່ອຊ່ອຍໃນການ
ຍຸດຕິບັນຫາຂັດແຍ້ງດ້ວຍອາວຸດແລະການຄ້າຢາເສບຕິດທີ່ປະເທດໂຄລອມເບຍ.
Your browser doesn’t support HTML5
Obama Colombia