ປະທານາທິບໍດີສະຫະລັດ ທ່ານ Barack Obama ໄດ້ເຈລະ
ຈາຫາລື ກັບຜູ້ນຳ ປະຊາທິປະໄຕມຽນມາ ທ່ານນາງ Aung
San Suu Kyi ໃນຂະນະທີ່ ມີການຕັ້ງຄຳຖາມຢູ່ໃນປະເທດ
ດັ່ງກ່າວ ກ່ຽວກັບທິດທາງແລະບາດກ້າວໃນການປະຕິຮູບໄປ
ສູ່ປະຊາທິປະໄຕ ກ່ອນການເລືອກຕັ້ງປີ 2015.
ທ່ານນາງ Aung Sa Suu Kyti ໄດ້ກ່າວຕໍ່ກອງປະຊຸມນັກຂ່າວ
ຫລັງຈາກພົບປະ ໃນວັນສຸກມື້ນີ້ວ່າ ຂັ້ນຕອນການປະຕິຮູບໃນ
ມຽນມາ ກຳລັງ “ດຳເນີນໄປດ້ວຍຂຸມທີ່ຕາບ” ແລະໄດ້ເຕືອນວ່າ
ຢ່າຄາດຫວັງໄປໃນແງ່ດີຫຼາຍເກີນໄປ ທີ່ອາດນຳໄປສູ່ຄວາມ
ເພິງພໍໃຈນັ້ນ. ທ່ານນາງບັນລະຍາຍເຖິງລັດຖະທໍາມະນູນຂອງ
ປະເທດວ່າ “ບໍ່ທ່ຽງທຳ ບໍ່ຍຸຕິທຳ ແລະບໍ່ມີປະຊາທິປະໄຕ.”
ປ. ໂອບາມາ ຢ້ຽມຢາມ ມຽນມາ
ທ່ານນາງ Suu Kyi ຜູ້ນຳຝ່າຍຄ້ານຂອງມຽນມາກ່າວວ່າ “ຂ້າພະເຈົ້າ ມີຄວາມໝັ້ນໃຈຢ່າງ
ເດັດດ່ຽວວ່າ ສະຫະລັດຈະສືບຕໍ່ ໃຫ້ການສະໜັບສະໜຸນ ແກ່ພວກເຮົາ ກ່ຽວກັບການປ່ຽນ
ແປງໄປສູ່ປະຊາທິປະໄຕ ແລະໃນເວລາໃດທີ່ມຽນມາໄດ້ ກາຍເປັນປະເທດທີ່ມີປະຊາທິປະ
ໄຕຢ່າງເຕັມທີ່ຕາມຄວາມປາດຖະນາຂອງປະ ຊາຊົນແລ້ວ ພວກເຮົາຈຶ່ງຈະສາມາດກ່າວ
ໄດ້ວ່າ ຢູ່ໃນບັນດາເພື່ອນຝູງເຫລົ່ານັ້ນ ທີ່ຊຸກຍູ້ສົ່ງເສີມໃຫ້ພວກເຮົາໄປເຖິງທີ່ນັ້ນ ສະຫະ
ລັດແມ່ນຢູ່ໃນພວກທຳອິດ.”
ທ່ານນາງ Aung San Suu Kyi ໄດ້ຖືກເລືອກໃຫ້ເຂົ້າໄປນັ່ງຢູ່ໃນສະພາມຽນ ມາ ໃນປີ
2012 ແລະນັບແຕ່ນັ້ນມາບັນດາຜູ້ສະໜັບສະໜູນຂອງທ່ານນາງໄດ້ ຊອກຫາຊ່ອງທາງ
ດັດແປງແກ້ໄຂລັດຖະທຳມະນູນ ທີ່ຈະອະນຸຍາດໃຫ້ທ່ານນາງ ສະມັກເປັນປະທານາທິ
ບໍດີໄດ້ ໃນປີໜ້ານີ້.
ລັດຖະທຳມະນູນມຽນມາ ຫ້າມບຸກຄົນໃດກໍຕາມ ທີ່ມີຄວາມສຳພັນຢ່າງແຂງຂັນ ກັບຊາວ
ຕ່າງປະເທດ ລົງສະມັກເປັນປະທານາທິບໍດີ. ພວກລູກຊາຍຂອງທ່ານນາງ Aung San
Suu Kyi ເປັນຄົນສັນຊາດອັງກິດ ແລະມື້ລາງສາມີ ຂອງທ່ານນາງກໍເຊັ່ນດຽວກັນ. ແຕ່
ວ່າທ່ານນາງ ຍັງໄດ້ຖືກຕິຕຽນ ທີ່ບໍ່ເອົາບາດກ້າວ ອັນໜັກແໜ້ນຢ່າງເປັນການເປີດເຜີຍ
ຕໍ່ການລ່ວງລະເມີດຕໍ່ຊາວມຸສລິມໂຣຮິງ ຢາ ຊຶ່ງເປັນຊົນກຸ່ມນ້ອຍໃນມຽນມາ.
ທ່ານ Obama ກ່າວຕໍ່ບັນດານັກຂ່າວວ່າ ມັນເປັນເລື່ອງທີ່ບໍ່ຍຸດຕິທຳ ທີ່ລັດຖະທຳມະນູນ
ຈະຫ້າມບໍ່ໃຫ້ຜູ້ໃດຜູ້ນຶ່ງສະມັກເປັນປະທານາທິບໍດີ ເພາະວ່າ ສະມາ ຊິກໃນຄອບຄົວຂອງ
ເຂົາເຈົ້າເປັນຄົນດັ່ງກ່າວ.
Your browser doesn’t support HTML5
OBAMA MYANMAR SOTVO