ປະທານາທິບໍດີບາຣັກ ໂອບາມາ ແຫ່ງສະຫະລັດກ່າວວ່າ ປະຊາ
ຄົມນາໆຊາດຈະຕ້ອງຕອບໂຕ້ຕໍ່ວິກິດການເຊື້ອໂຣກອີໂບລາ ໃນ
ອາຟຣິກາຕາເວັນຕົກ ບ່ອນທ່ານກ່າວວ່າ ການຂາດໂຄງລ່າງພື້ນ
ຖານໃນດ້ານສາທາລະນະສຸກ ໄດ້ພາໃຫ້ເກີດການລະບາດຂອງ
ເຊື້ອໂຣກດັ່ງກ່າວທີ່ເປັນ”ບັນຫາຄວບຄຸມໄດ້ນັ້ນ”.
ທ່ານໂອບາມາ ກ່າວຕໍ່ຕາໜ່າງຂ່າວ NBC ວ່າ ຕ້ອງການຄວາມ
ຊ່ອຍເຫຼືອດ້ານທະຫານຂອງສະຫະລັດ ເພື່ອຈັດຕັ້ງພວກຫ້ອງ
ໂດດດ່ຽວຂຶ້ນສຳລັບພວກຕິດເຊື້ອໂຣກດັ່ງກ່າວພ້ອມທັງເຄື່ອງ
ອຸບປະກອນ ແລະເພື່ອອຳນວຍຄວາມປອດໄພໃຫ້ແກ່ພວກພະ
ນັກງານຮັກສາສຸຂະພາບນາໆຊາດ.
Your browser doesn’t support HTML5
Liberia Struggles to Find, Isolate Suspected Ebola Cases
ທ່ານໂອບາມາ ກ່າວຕື່ມວ່າ ທ່ານເຊື່ອວ່າ ສະຫະລັດຈະຕ້ອງຮັບມືກັບການລະບາດຂອງເຊື້ອໄວຣັສອີໂບລາ ໃນຖານະເປັນບູລິມະສິດດ້ານຄວາມປອດໄພແຫ່ງຊາດ.
ການລະບາດຂອງເຊື້ອໄວຣັສອີໂບລາ ໄດ້ສັງຫານຜູ້ຄົນໄປແລ້ວຫຼາຍກວ່າ 2 ພັນຄົນ ຊຶ່ງສ່ວນຫຼາຍແມ່ນຢູ່ໃນປະເທດກີນີ ໄລເບເຣຍ ແລະ Sierra Leone.
ບັນດາເຈົ້າໜ້າທີ່ສະຫະພາບອາຟຣິກາ ໄດ້ຮຽກກອງປະຊຸມສຸກເສີນຂຶ້ນໃນວັນຈັນມື້ນີ້
ໃນນະຄອນ Addis Ababa ເພື່ອປຶກສາຫາລືກັນຫາຫາທາງຕອບໂຕ້ ຮວມທັງຜົນກະ
ທົບຕ່າງໆຂອງການອັດຊາຍແດນ ແລະງົດຖ້ຽວບິນໄປຍັງພວກປະເທດທີ່ໄດ້ຮັບຜົນກະ
ທົບຈາກການລະບາດຂອງເຊື້ອໂຣກດັ່ງກ່າວ.
ທ່ານ Nkosazana Dlamini-Zuma ປະທານສະຫະພາບອາຟຣິກາ ໄດ້ກ່າວເນັ້ນເຖິງຄວາມຈຳເປັນສຳລັບການສຶກສາດ້ານສາທາລະນະສຸກ ແລະຄວາມພະຍາຍາມຕ່າງໆທີ່
ບໍ່ເຮັດໃຫ້ “ມີການປະນາມ ແລະການໂດດດ່ຽວເພີ້ມຂຶ້ນອີກ”.
Your browser doesn’t support HTML5
ebola8september14