ປະທານາທິບໍດີ ສະຫະລັດ ທ່ານບາຣັກ ໂອບາມາ ພວມຢູ່ທີ່
ເຢຍຣະມັນ ເພື່ອເຂົ້າຮ່ວມກອງປະຊຸມສຸດຍອດ ເປັນເວລາ 2 ມື້
ຂອງກຸ່ມຈີ 7 ຫລື 7 ປະເທດທີ່ຈະເລີນແລ້ວ ທາງອຸດສາຫະກຳ
ຂອງໂລກ.
ທ່ານໂອບາມາ ໄດ້ປາກົດໂຕຢູ່ຂ້າງນອກ ໃນວັນອາທິດມື້ນີ້
ພ້ອມກັນກັບນາຍົກລັດຖະມົນຕີເຢຍຣະມັນ ທ່ານນາງ Angela
Merkel ພາຍໃຕ້ທ້ອງຟ້າທີ່ແຈ່ມໃສ ທີ່ເຂດ Bavarian ຊຶ່ງ
ເປັນສະຖານທີ່ພັກຜ່ອນ ທີ່ສວຍສົດງົດງາມ ບ່ອນທີ່ຊາວ
ເຢຍຣະມັນ ສ່ວນຫຼາຍແຕ່ງກາຍໃນຊຸດດັ້ງເດີມຂອງຕົນ
ພາກັນຮັບຟັງການກ່າວຄຳປາໄສຂອງຜູ້ນຳທັງສອງທ່ານ.
Your browser doesn’t support HTML5
Obama to Focus on Russia, Islamic State at G-7
ທ່ານໂອບາມາກ່າວວ່າ ທ່ານຫວັງວ່າຈະໄດ້ປຶກສາຫາລືກັບຄູ່ຕຳແໜ່ງ ຝ່າຍເຢຍຣະມັນ
ຂອງທ່ານ ກ່ຽວກັບ “ອະນາຄົດທີ່ຮ່ວມກັນ” ຂອງສະຫະລັດ ແລະ ເຢຍຣະມັນ ລວມທັງ
“ການລຸກຂຶ້ນຕ້ານການຮຸກຮານຂອງຣັດເຊຍໃນຢູເຄຣນ.”
ນາຍົກລັດທະມົນຕີ Merkel ໄດ້ເອີ້ນສະຫະລັດວ່າ ເປັນ “ພັນທະມິດ ແລະ ພາຄີຂອງພວກເຮົາ.”
ການຄ້າ ແມ່ນເປັນເລື້ອງອັນສຳຄັນຂອງການເຕົ້າໂຮມກັນໃນຄັ້ງນີ້ ແຕ່ບັນດາຜູ້ນຳຂອງ
ໂລກ ແມ່ນກຳລັງປະເຊີນໜ້າກັບບັນຫາທ້າທ້າຍຈຳນວນນຶ່ງທີ່ມີທ່າທາງວ່າຈະຖືກນຳຂຶ້ນ
ມາປຶກສາຫາລືກັນ ຢູ່ທີ່ສະຖານທີ່ພັກຜ່ອນ ໃນເຂດພູ Alpine ຂອງເຢຍຣະມັນດັ່ງກ່າວ.
ທ່ານໂອບາມາແລະທ່ານນາງ ເມີໂກ້ ແມ່ນເປັນທີ່ແນ່ນອນແລ້ວວ່າ ຈະໃຊ້ວາລະໂອກາດ
ອັນນີ້ ເພື່ອປົວແປງສາຍສຳພັນທີ່ໄດ້ກະທົບກະ ເທືອນ ຫຼັງຈາກທີ່ອົງການຄວາມໝັ້ນຄົງ
ແຫ່ງຊາດສະຫະລັດ ໄດ້ລັກຟັງໂທລະສັບຂອງທ່ານນາງ ເມີໂກ້. ລາຍງານເມື່ອບໍ່ດົນມາ
ນີ້ ໄດ້ຊີ້ໃຫ້ເຫັນວ່າ ເຢຍຣະມັນອາດໄດ້ຊ່ອຍເຫຼືອສະຫະລັດ ໃນການສອດແນມເບິ່ງບັນ
ດາບໍລິສັດຕ່າງໆ ແລະເຈົ້າໜ້າທີ່ຂອງຢູໂຣບນຳດ້ວຍ.
Your browser doesn’t support HTML5
G7 Summit