ປະທານາທິບໍດີ ສະຫະລັດ ທ່ານ Barack Obama ແລະປະ
ທານນາທິບໍດີ ໄລບີເຣຍທ່ານນາງ Ellen Johnson Sirleaf
ໄດ້ພົບປະກັນໃນວັນສຸກວານນີ້ ຢູ່ທີ່ທຳນຽບຂາວ ບ່ອນທີ່ປະ
ທານາທິບໍດີ Obama ໄດ້ຍ້ອງຍໍສັນລະເສີນການນຳພາຂອງ
ໄລບີເຣຍ ໃນການຕໍ່ສູ້ຕ້ານອີໂບລາ.
ປະທານາທິບໍດີ Obama ກ່າວວ່າ “ເພາະວ່າ ການນຳພາຂອງ
ປະທານາທິບໍດີ Sirleaf ເພາະວ່າ ການເປັນວິລະຊົນ ຂອງ
ຫລາຍໆຄົນຢູ່ໃນໄລບີເຣຍ ແລະເພາະວ່າ ເປັນການປະຕິບັດ
ງານຂອງສະຫະລັດ ແລະໃນທີ່ສຸດບັນດາປະຊາຄົມນາໆຊາດ
ພວກເຮົາໄດ້ປະສົບກັບຄວາມກ້າວໜ້າເປັນພິເສດ ໃນການ
ກຳຈັດອີໂບລາ.”
Your browser doesn’t support HTML5
Liberian President Expresses Gratitude for US Ebola Support
ທ່ານນາງ Sirleaf ກ່າວວ່າ ສະຫະລັດ ໄດ້ໃຫ້ “ການຊ່ວຍເຫລືອທີ່ຖາວອນ” ຢູ່ໃນ
ໄລບີເຣຍ ໂດຍໃຫ້ການຊ່ວຍເຫລືອປະເທດຂອງທ່ານນາງ ຕໍ່ສູ້ກັບຕ້ານການລະບາດ.
ທ່ານນາງ ຍັງໄດ້ຍ້ອງຍໍສັນລະເສີນ ປະຊາຊົນໄລບີເຣຍ ທີ່ປະຕິບັດງານກວດລ້າງພະ
ຍາດດັ່ງກ່າວ. ແຕ່ກໍໃຫ້ຂໍ້ສັງເກດວ່າ ໄລບີເຣຍ ຍັງຢູ່ໃນຄວາມສ່ຽງ ຕາບໃດທີ່ຍັງມີການ
ຕິດແປດຢູ່ບັນດາປະເທດຕ່າງໆໃນຂົງເຂດ ແລະກ່າວອີກວ່າ ຊາວໄລບີເຣຍ ຍັງຕົກຢູ່
ພາຍໃຕ້ການຂົ່ມຂູ່ຈົນກວ່າວ່າບັນດາປະເທດເພື່ອນບ້ານ ບໍ່ມີພະຍາດນີ້ແລ້ວ.
ອົງການອະນາໄມໂລກ ກ່າວໃນວັນສຸກວານນີ້ວ່າ ອີໂບລາ ໄດ້ຕິດແປດເກືອບ 24,000
ຄົນ ໃນກີນີ ໄລບີເຣຍ ແລະຊີແອຣາ ລິອອນ ແລະໄດ້ເຮັດໃຫ້ມີຜູ້ເສຍຊີວິດຫລາຍກວ່າ
9,600 ຄົນ.
ກະຊວງຕ່າງປະເທດ ສະຫະລັດ ກ່າວໃນວັນສຸກວານນີ້ວ່າ ຕົນກຳລັງລົງທືນທີ່ສຳຄັນ
ໃນໄລບີເຣຍ ເພື່ອຟື້ນຟູ ແລະຂະຫຍາຍການບໍລິການດ້ານການແພດ ເພື່ອຊ່ອຍແກ້ໄຂ
ໃນການຊຸດໂຊມລົງຂອງອັດຕາອະນາໄມແມ່ແລະເດັກ ການສັກຢາປ້ອງກັນ ແລະການ
ເພີ້ມຂຶ້ນຂອງກໍລະນີໄຂ້ຍຸງ.
ຍິ່ງໄປກວ່ານັ້ນ ກະຊວງຕ່າງປະເທດຍັງກ່າວວ່າ ອົງການອາສາສະມັກເພື່ອສັນ ຕິພາບ
ຫລື Peace Corp ໃນບໍ່ຊ້ານີ້ ຈະກັບຄືນໄປໄລບີເຣຍອີກ ຫລັງຈາກໄດ້ຖອນອອກ ໃນປີ
ກາຍນີ້.
Your browser doesn’t support HTML5
US LIBERIA EBOLA SOTVO