ປະທານາທິບໍດີ ສະຫະລັດ ທ່ານ Barack Obama ແລະນາ
ຍົກລັດຖະມົນຕີ ອັງກິດ ທ່ານ David Cameron ກ່າວວ່າ
ການເຄຶ່ອນໄຫວໃດໆກໍຕາມ ທີ່ຈະ ລົງໂທດອີຣ່ານຮອບໃໝ່
ຈະເປັນອັນຕະລາຍແກ່ການເຈລະຈາທີ່ກຳລັງດຳເນີນ ຢູ່ ເພື່ອ
ໃຫ້ບັນລຸຂໍ້ຕົກລົງ ຈຳກັດໂຄງການນິວເຄລຍ ຂອງເຕຫະຣ່ານ.
ຢູ່ກອງປະຊຸມຖະແຫລງຂ່າວຮ່ວມກັນ ຫລັງຈາກການເຈລະຈາ
ທີ່ທຳນຽບຂາວແລ້ວທ່ານ Obama ໄດ້ສະແດງໃຫ້ຢ່າງຈະແຈ້ງ ຕໍ່ລັດຖະສະພາສະຫະລັດວ່າ ທ່ານຈະໃຊ້ສິດຢັບຢັ້ງ ຕໍ່ຮ່າງກົດ
ໝາຍໃດໆກໍຕາມທີ່ຮຽກຮ້ອງໃຫ້ມີການລົງໂທດຮອບໃໝ່. ທ່ານ
Cameron ກ່າວວ່າ ໂຕທ່ານເອງໄດ້ຕິດຕໍ່ກັບບັນດາສະມາຊິກ
ສະພາສູງສະຫະລັດຈຳນວນນຶ່ງ ກ່ຽວກັບເລື້ອງດັ່ງກ່າວ.
ປະທານາທິບໍດີ Obama ກ່າວວ່າ ທ່ານກຳລັງຮຽກຮ້ອງໃຫ້ບັນດາສະມາຊິກສະພາ ໂຈະ
ໄວ້ກ່ອນ ຈັກສອງສາມເດືອນ ເພື່ອເບິ່ງວ່າ ມັນເປັນໄປໄດ້ຫລືບໍ່ ທີ່ຈະແກ້ໄຂບັນຫານິວ-
ເຄລຍ ຂອງອີຣ່ານ “ໂດຍປາດສະຈາກການໃຊ້ວິທີ ທີ່ອາດຈະກໍ່ໃຫ້ເກີດສົງຄາມ.” ທ່ານ
ກ່າວວ່າ ບໍ່ມີ “ການໂຕ້ຖຽງທີ່ຈະເປັນການດີໃດໆ” ໃນ ຄວາມພະຍາຍາມ ທີ່ຈະບ່ອນທຳ
ລາຍການເຈລະຈາ ຈົນກວ່າເຂົາເຈົ້າ ໄດ້ປະຕິບັດພາກສ່ວນຂອງເຂົາເຈົ້າ. ທັງຜູ້ນຳຂອງ
ສະຫະລັດ ແລະອັງກິດ ຕ່າງກໍ ກ່າວວ່າ ການຂົ່ມຂູ່ທີ່ຈະລົງໂທດເພີ້ມຕື່ມ ອາດຈະເຮັດໃຫ້
ເກີດຄວາມແຕກແຍກ ໃນຄວາມເປັນນ້ຳນຶ່ງໃຈດຽວຂອງນາໆຊາດ ກ່ຽວກັບເລື້ອງອີຣ່ານ.
ແຕ່ຖ້າການດຳເນີນການທາງການທູດລົ້ມແຫລວ ປະທານາທິບໍດີ Obama ໄດ້ກ່າວຢ້ຳ
ເຖິງທ່າທີຂອງທ່ານວ່າ “ທາງເລືອກທັງໝົດ” ໃນການຮັບມື ກັບອີຣ່ານ ນັ້ນ ແມ່ນວາງຢູ່
ເທິງໂຕະ.
ເຖິງແມ່ນວ່າການຕົກລົງໄດ້ບັນລຸກັນ ປະທານາທິບໍດີກ່າວວ່າ ປະເທດຕາເວັນຕົກຍັງມີ
ບັນຫາຢູ່ ”ຕັ້ງຫຼາຍຢ່າງ” ກັບອີຣ່ານຮວມທັງປະເທດທີ່ສະໜັບສະໜູນພວກກໍ່ການຮ້າຍ ການໂຈມຕີຂອງອີຣ່ານຕໍ່ອິສຣາແອລແລະການໃຫ້ເງິນຊ່ວຍເຫລືອແກ່ກຸ່ມ Hezbollah ຕະຫລອດທັງຄວາມເຫັນທີ່ແຕກຕ່າງອື່ນໆກ່ຽວກັບເລື້ອງຊີເຣຍ.
Your browser doesn’t support HTML5
Stakes High, Expectations Low for Nuclear Talks With Iran