http://www.youtube.com/embed/9yiay9qgqPU?feature=player_embedded
ປະທານາທິບໍດີສະຫະລັດ ທ່ານບາຣັກ ໂອບາມາ ໄດ້ຮຽກຮ້ອງເທື່ອໃໝ່ໃຫ້ລັດຖະສະພາ
ສະຫະລັດຮັບຜ່ານຮ່າງກົດໝາຍປະຕິຮູບພາສີລາຍໄດ້ທີ່ຮູ້ກັນໃນນາມ Buffet Rule ນັ້ນ.
ຫຼັກເກນດັ່ງກ່າວແມ່ນຕັ້ງຕາມຊື່ມະຫາເສດຖີທີ່ຮັ່ງມີທີ່ສຸດທ່ານນຶ່ງ ຄືນັກລົງທຶນ Warren
Buffet ທີ່ກ່າວວ່າ ມັນເປັນເລື່ອງທີ່ບໍ່ຍຸຕິທຳທີ່ທ່ານຕ້ອງໄດ້ຈ່າຍພາສີຕໍ່າກວ່າເລຂານຸການ
ຂອງທ່ານ.
ໃນລະຫວ່າງຄຳປາໄສປະຈຳສັບປະດາຂອງທ່ານໃນວັນເສົາມື້ນີ້ ປະທານາທິບໍດີໂອບາມາ
ໄດ້ຮຽກຮ້ອງໃຫ້ລັດຖະສະພາໃຫ້ການອະນຸມັດຕໍ່ຮ່າງກົດໝາຍດັ່ງກ່າວໃນລະຫວ່າງທີ່ມີການ
ລົງຄະແນນສຽງໃນອາທິດຈະມານີ້.
ພາຍໃຕ້ຫຼັກຂອງທ່ານ Buffet ນີ້ຜູ້ໃດກໍຕາມທີ່ມີລາຍໄດ້ກາຍ 1 ລ້ານໂດລາຈະຕ້ອງຈ່າຍ
ພາສີຢ່າງນ້ອຍ ທໍ່ກັນກັບພວກທີ່ມີລາຍໄດ້ປານກາງ. ປະທານາທິບໍດີໂອບາມາກ່າວຕື່ມວ່າ
ບັນດາຄອບຄົວທີ່ມີລາຍໄດ້ບໍ່ຮອດ 250,000 ໂດລາຕໍ່ປີຊຶ່ງປະກອບເປັນ 98% ຂອງບັນ
ດາຄອບຄົວອາເມຣິກັນນັ້ນ ບໍ່ຄວນທີ່ຈະມີການຂຶ້ນອັດຕາການເສຍພາສີຂອງພວກເຂົາເຈົ້າ
ຕື່ມອີກ.
ທ່ານໂອບາມາໄດ້ປະຕິເສດ ບໍ່ຍອມຮັບເອົາການກ່າວອ້າງຂອງພວກຕິຕຽນທີ່ວ່າ ຫຼັກເກນ
ຂອງທ່ານ Buffet ນີ້ ຂັດຂວາງບໍ່ໃຫ້ການເຕີບໂຕຂອງວຽກເຮັດງານທຳ.
ໃນຄຳປາໄສຕອບຂອງພັກຣີພັບບລີກັນນັ້ນ ສະມາຊິກສະພາຕໍ່າ Fred Upton ຈາກລັດ
ມີຊິແກັນໄດ້ກ່າວຫານະໂຍບາຍດ້ານພະລັງງານ ຂອງລັດຖະບານທ່ານໂອບາມາວ່າ ເຮັດ
ໃຫ້ສະຫະລັດກາງຕໍ່ຫຼາຍຂຶ້ນນຳນໍ້າມັນຂອງຕ່າງປະເທດໂດຍໄດ້ປະຕິເສດຕໍ່ໂຄງການສ້າງ
ທໍ່ນໍ້າມັນທີ່ຈະເນັ່ງແຕ່ການາດາລົງໄປຫາພາກໃຕ້ຂອງສະຫະລັດ.
ທ່ານ Upton ໄດ້ຮຽກຮ້ອງໃຫ້ ລັດຖະບານທ່ານໂອບາມາ ພິຈາລະນາເບິ່ງຂໍ້ລິເລີ່ມກ່ຽວ
ກັບພະລັງງານອາເມຣິກັນຂອງພັກທ່ານ ທີ່ແນໃສ່ເພື່ອເຮັດໃຫ້ລາຄານໍ້າມັນຖືກລົງ ແລະ
ສ້າງວຽກເຮັດງານທຳ.
http://www.youtube.com/embed/7Gna4XjXwJQ?feature=player_embedded