ສະມາຊິກສະພາສູງພັກເດໂມແຄຣັດ ທີ່ມີຊື່ສຽງອີກຄົນນຶ່ງ ກ່າວ
ວ່າ ທ່ານຈະລົງຄະແນນສຽງ ຄັດຄ້ານຂໍ້ຕົກລົງນິວເຄລຍກັບ
ອີຣ່ານ ທີ່ເຮັດໃຫ້ການຮັບຮອງເອົາ ຢູ່ໃນລັດຖະສະພາ ເບິ່ງຄືວ່າ
ຈະມີຄວາມບໍ່ແນ່ນອນຫລາຍຂຶ້ນ.
ສະມາຊິກສະພາສູງ Robert Mendez ຈາກລັດ New Jersey
ກ່າວຢູ່ໃນຖະແຫລງການໃນວັນອັງຄານວານນີ້ ທີ່ຫ້ອງປະຊຸມມະ
ຫາວິທະຍາໄລ Seton Hall ວ່າ ທ່ານເຊື່ອວ່າ ຂໍ້ຕົກລົງນີ້ຈະປ່ອຍ
ໃຫ້ອີຣ່ານ ມີໃນອັນທີ່ທ່ານຮ້ອງວ່່າ “ອົງປະກອບຫຼັກດ້ານໂຄງລ່າງ
ນິວເຄລຍທີ່ເຂັ້ມແຂງ.”
ທ່ານ Menendez ໄດ້ກ່າວວ່າ “ຖ້າຫາກວ່າອີຣ່ານ ຈະໄດ້ລະເບີດນິວເຄລຍ ມາ ມັນຈະບໍ່
ມີຊື່ຂ້າພະເຈົ້າຢູ່ນຳ. “ຂ້າພະເຈົ້າຈະລົງຄະແນນສຽງບໍ່ໃຫ້ການອະ ນຸມັດຕໍ່ຂໍ້ຕົກລົງນີ້ ແລະ
ຖ້າຫາກມີການຂໍຮ້ອງຈະລົງຄະແນນສຽງເພື່ອລົບລ້າງ ການໃຊ້ສິດຍັບຢັ້ງຂອງປະທານາ
ທິບໍດີ.
ທ່ານ Menendez ກ່າວວ່າ ປະທານາທິບໍດີ Barack Obama ແມ່ນຜິດພາດເວລາທ່ານ
ກ່າວວ່າ ຂໍ້ຕົກລົງນີ້ຈະຢຸດໂຄງການນິວເຄລຍອີຣ່ານ ຢ່າງເປັນການຖາວອນ. ສະມາຊິກ
ສະພາສູງ Menendez ກ່າວວ່າ ອີຣ່ານ ໄດ້ລະເມີດໃນຄຳໝັ້ນສັນຍາທີ່ຜ່ານມາ ເພື່ອປະ ຖິ້ມຄວາມກະຕືລືລົ້ນກັບນິວເຄລຍ ຂອງຕົນ.
ທ່ານຍັງກ່າວອີກວ່າ ຂໍ້ຕົກລົງນີ້ພຽງແຕ່ຫລຸດໂຄງຮ່າງນິວເຄລຍອີຣ່ານລົງເທົ່ານັ້ນ ແຕ່ບໍ່
ໄດ້ທັບມ້າງໂຄງການດັ່ງກ່າວ.
ຜູ້ແທນສະພາສູງ ພັກເດໂມແຄຣັດ ທ່ານ Chuck Schumer ຖືກສອບຖາມໂດຍບັນດານັກຂ່າວ
ໃນເດືອນແລ້ວນີ້ ສະມາຊິກສະພາສູງ ທ່ານ Chuck Schumer ທີ່ຢູ່ຕຳແໜ່ງ ສູງສຸດອັນດັບສາມຂອງພັກເດໂມແຄຣັດ ກ່າວວ່າ ທ່ານຈະລົງຄະແນນສຽງຄັດ
ຄ້ານຕໍ່ຂໍ້ຕົກລົງນິວເຄລຍນີ້ ແລະຈະພະຍາຍາມຊັກຊວນບັນດາສະມາຊິກສະຖາ ສູງຄົນອຶ່ນໆໃຫ້ປະຕິບັດດັ່ງດຽວກັບທ່ານ.
ປະທານາທິບໍ ດີ Obama ໄດ້ໃຫ້ຄຳໝັ້ນສັນຍາ ທີ່ຈະໃຊ້ຢັບຢັ້ງ ຖ້າຫາກສະພາຕໍ່າ ແລະສະພາສູງ ລົງຄະແນນຄັດຄ້ານ ຕໍ່ຂໍ້ຕົກລົງນິວເຄລຍ ໃນເດືອນໜ້ານີ້. ຍັງບໍ່ເປັນທີ່ແຈ່ມແຈ້ງເທື່ອວ່າ ລັດຖະສະພາ ມີຄະແນນສຽງພຽງພໍຫຼືບໍ່ ທີ່ຈະເອົາຊະນະ ການໃຊ້ສິດຢັບຢັ້ງຂອງປະທານາທິບໍດີ.
Your browser doesn’t support HTML5
US Iran Nuclear Deal