ເກົາຫລີໃຕ້ກ່າວໃນວັນພຸດມື້ນີ້ວ່າ ເກົາຫລີເໜືອ ໄດ້ຫລຸດການ
ຕຽມພ້ອມຂອງກຳລັງທະຫານຂອງຕົນລົງ ຫລັງຈາກທັງສອງ
ຝ່າຍໄດ້ບັນລຸຂໍ້ຕົກລົງ ຫລຸດຜ່ອນຄວາມເຄັ່ງຕືງ ທີ່ແຫລມ
ເກົາຫລີ.
ເກົາຫລີເໜືອໄດ້ຍົກເລີກໃນອັນທີ່ຕົນເອີ້ນວ່າ “ສະພາບຄ້າຍ
ກັບສົງຄາມ” ຫລັງຈາກການຕົກລົງໃນວັນອັງຄານວານນີ້ ບັນ
ດາເຈົ້າໜ້າທີ່ໄດ້ຢືນຢັນ ເພີ້ມອີກວ່າ ໂຊລໄດ້ດຳເນີນການໃນ
ທຳນອງດຽວກັນໂດຍຫລຸດຜ່ອນການຕຽມພ້ອມທາງ
ທະຫານລົງ.
ພາຍໃຕ້ຂໍ້ຕົກລົງດັ່ງກ່າວ ເກົາຫລີເໜືອໄດ້ສະແດງ “ຄວາມເສຍໃຈ” ກ່ຽວກັບເຫດລະເບີດ
ຝັງດິນແຕກເມື່ອໄວໆມານີ້ ທີ່ໄດ້ເຮັດໃຫ້ທະຫານເກົາຫລີໃຕ້ສອງຄົນໄດ້ຮັບບາດເຈັບ.
ເພື່ອເປັນການຕອບໂຕ້ ໂຊລ ໄດ້ປີດໂທລະໂຄ່ງໂຄສະນາຊວນເຊື່ອ ທີ່ກະຈາຍສຽງເຂົ້າ
ໄປໃນເກົາຫລີເໜືອ.
ທັງສອງຝ່າຍກ່າວວ່າ ເຂົາເຈົ້າຈະເລີ້ມຈັດການພົບພໍ້ ໃນເດືອນກັນຍາຈະມານີ້ ແກ່ບັນດາ
ຄອບຄົວທີ່ໄດ້ພັດພາກຈາກກັນໃນສະໄໝບັນຫາຂັດແຍ້ງສົງຄາມເຢັນ. ເຂົາເຈົ້າຍັງໄດ້
ຕົກລົງ ທີ່ຈະເປີດການເຈລະຈາໃນໄວໆນີ້ ຊຶ່ງອາດຈະມີຂື້ນ ໃນ ນະຄອນຫຼວງໂຊລ ຫລື
ພຽງຢາງ ກ່ຽວກັບການປັບປຸງຄວາມສຳພັນລະຫວ່າງປະ ເທດທັງສອງ.
ໃນວັນພຸດມື້ນີ້ ໂຊລ ໄດ້ໃຫ້ສັນຍານວ່າ ການເຈລະຈາດັ່ງກ່າວ ທີ່ອາດຈະຮວມ ທັງການ
ຫາລືກ່ຽວກັບການຍົກເລີກການລົງໂທດທີ່ໄດ້ເລີ້ມຂຶ້ນແຕ່ວັນທີ 24 ພຶດ ສະພາ ປີ 2010
ຫລັງຈາກກຳປັ່ນລົບເກົາຫລີໃຕ້ ທີ່ໄດ້ຫລົ້ມ ແລະເຮັດໃຫ້ມີຜູ້ ເສຍຊີວິດຈຳນວນນຶ່ງ.
ໂຄສົກກະຊວງທ້ອນໂຮມຊາດຂອງເກົາຫລີໃຕ້ ທ່ານ Jeong Joon-hee ໄດ້ກ່າວວ່າ
“ຖ້າຫາກການເຈລະຈາເລີ້ມຂື້ນລະຫວ່າງເກົາຫລີໃຕ້ແລະເກົາຫລີເໜືອ ກ່ຽວຂ້ອງກັບ
ການລົງໂທດແລ້ວ ຂ້າພະເຈົ້າຄິດວ່າ ບັນຫາວັນທີ 24 ເດືອນພຶດ ສະພາ ຈະຖືກຍົກຂື້ນ
ມາໂດຍເກົາຫລີເໜືອ. ຂ້າພະເຈົ້າຄິດວ່າ ມັນເປັນເລື້ອງທີ່ສາມາດໂອ້ລົມກັນໄດ້ທັງໝົດ
ໂດຍຜ່ານການເຈລະຈາຫາລື.”
ໂຊລ ໄດ້ເນັ້ນໜັກມາເປັນເວລາດົນນານແລ້ວວ່າ ກ່ອນການລົງໂທດຖືກຍົກເລີກ ເກົາຫລີ
ເໜືອ ຕ້ອງຂໍຂະມາໂທດກ່ຽວກັບການໂຈມຕີທີ່ເຮັດໃຫ້ທະຫານເຮືອເກົາ ຫລີໃຕ້ 46 ຄົນ
ເສຍຊີວິດ. ພຽງຢາງປະຕິເສດວ່າ ຕົນບໍ່ມີສ່ວນພົວພັນໃດໆໃນ ເຫດຮ້າຍດັ່ງກ່າວ.
Your browser doesn’t support HTML5
KoreasTension