ເກົາຫລີເໜືອແລະເກົາຫລີໃຕ້ ໄດ້ເລີ້ມການເຈລະຈາສຸກເສີນ
ລະດັບສູງ ໃນຄວາມພະຍາຍາມ ເພື່ອຍຸດຕິການປະເຊີນໜ້າ ແບບເຄັ່ງຄຽດທີ່ເຮັດໃຫ້ສອງປະເທດຄູ່ປໍລະປັກ ເກືອບກ້າວ
ເຂົ້າສູ່ສົງຄາມ.
ການເຈລະຈາໄດ້ເລີ້ມຂຶ້ນທີ່ບ້ານຊາຍແດນປັນມຸນຈອມ ອີງ
ຕາມລາຍງານຂອງອົງການຂ່າວຢອນຮັບ ທີ່ໄດ້ອ້າງຄຳເວົ້າ
ຂອງເຈົ້າໜ້າທີ່ຈາກກະຊວງທ້ອນໂຮມຊາດເກົາຫຼີໃຕ້.
ທີ່ປຶກສາດ້ານຄວາມໝັ້ນຄົງແຫ່ງຊາດຂອງທ່ານນາງ Park
Geun-hye ປະທານາທິບໍດີເກົາຫຼີໃຕ້ ທ່ານ Kim Kwan-
jin ແລະຜູ້ຊ່ອຍທ່ານ Kim Jong Un ຜູ້ນຳຂອງເກົາຫລີເໜືອທ່ານ Hwang Pyong
So ໄດ້ເຂົ້າຮ່ວມໃນການພົບປະຄັ້ງນີ້ ຊຶ່ງໄຂກຳນົດເລີ້ມຂຶ້ນ ໃນເວລາ 6 ໂມງແລງ ຕາມ
ເວລາທ້ອງຖິ່ນໃນວັນເສົາມື້ນີ້.
ຍັງບໍ່ມີການເປີດເຜີຍ ລາຍລະອຽດໃດໆເທື່ອ ກ່ຽວກັບການພົບປະສຸກເສີນດັ່ງກ່າວ ຊຶ່ງມີ ຂຶ້ນຕາມການຮ້ອງຂໍຂອງເກົາຫຼີເໜືອ. ເກົາຫຼີເໜືອໄດ້ຂູ່ວ່າຈະເຮັດສົງຄາມແບບເດັດຂາດ ກັບເກົາຫຼີໃຕ້.
ເກົາຫລີເໜືອໄດ້ໃຫ້ເວລາແກ່ເກົາຫຼີໃຕ້ ຈົນຮອດ 5 ໂມງແລງຂອງວັນເສົາມື້ນີ້ ຕາມເວລາ ໃນນະຄອນຫຼວງພຽງຢາງ ຢຸດເຊົາການໂຄສະນາຊວນເຊື່ອ ຕໍ່ຕ້ານພຽງຢາງ ທາງໂທລະ
ໂຄ່ງ ທີ່ຢູ່ໃກ້ໆບໍລິເວນຊາຍແດນ. ເກົາຫລີໃຕ້ໄດ້ປະຕິເສດບໍ່ຍອມຢຸດເຊົາແລະເສັ້ນຕາຍ ໄດ້ຜ່ານພົ້ນໄປໂດຍປາສະຈາກໃນອັນທີ່ປາກົດວ່າ ມີເຫດຮ້າຍໃດໆເກີດຂຶ້ນ.
ເກົາຫລີໃຕ້ໄດ້ເລີ້ມການໂຄສະນາຊວນເຊື່ອ ທາງໂທລະໂຄ່ງ ໃນສັບປະດາແລ້ວນີ້ ເປັນ ເທື່ອທຳອິດໃນຮອບສິບກວ່າປີ ຫລັງຈາກເຫດລະເບີດ ທີ່ເຮັດໃຫ້ທະຫານເກົາຫລີໃຕ້ 2
ຄົນບາດເຈັບ. ເກົາຫລີເໜືອກ່າວວ່າ ຕົນເຫັນວ່າການໂຄສະນາ ຊວນເຊື່ອດັ່ງກ່າວ ເປັນ ການປະກາດສົງຄາມ ແລະໄດ້ຂູ່ວ່າ ຈະທຳການໂຈມຕີໂທລະໂຄ່ງເຫລົ່ານັ້ນ.
ໃນຕອນເຊົ້າຂອງວັນເສົາມື້ນີ້ ເຮືອບິນລົບອາຍພົ່ນ ຂອງເກົາຫຼີໃຕ້ ແລະສະຫະລັດ 8 ລຳ ໄດ້ເລີ້ມທຳທ່າຝຶກຊ້ອມຖິ້ມລະເບີດຢູ່ໃນດິນແດນຂອງເກົາຫລີໃຕ້ ໃນການສະແດງກຳລັງ
ຕ້ານການຂົ່ມຂູ່ຂອງພຽງຢາງ.
ເກົາຫລີເໜືອໄດ້ສົ່ງອາວຸດ ໃນຈຳນວນເພີ້ມຕື່ມ ໄປຍັງເຂດຊາຍແດນທີ່ພວມເກີດຄວາມ ເຄັ່ງຕຶງ ໃນການກະກຽມເພື່ອທຳການໂຈມຕີທີ່ອາດມີຂຶ້ນ ອີງຕາມລາຍງານຂອງອົງການ ຂ່າວຢອນຮັບ.
ຖະແຫຼງການຂອງກະຊວງການຕ່າງປະເທດເກົາຫລີເໜືອ ກ່າວໃນວັນເສົາມື້ນີ້ວ່າ “ກອງ
ທັບ ແລະຊາຊົນຂອງພວກເຮົາ ແມ່ນພ້ອມແລ້ວ ທີ່ຈະສ່ຽງໃນການເຮັດສົງຄາມ ຂັ້ນເດັດ
ຂາດບໍ່ແມ່ນພຽງແຕ່ເປັນການຕອບໂຕ້ຫຼືແກ້ແຄ້ນຄືນແຕ່ເພື່ອປ້ອງກັນລະບອບການປົກ
ຄອງທີ່ປະຊາຊົນຂອງພວກເຮົາໄດ້ເລືອກເອົາ.
ຖະແຫຼງການທີ່ພິມເຜີຍແຜ່ໂດຍອົງການຂ່າວສູນກາງຂອງທາງການເກົາຫຼີເໜືອກ່າວຕື່ມ
ວ່າ “ສະຖານະການແມ່ນກ້າວເຂົ້າສູ່ຂອບຂອງສົງຄາມແລ້ວແລະບໍ່ສາມາດທີ່ຈະຕ່າວປີ້ນ ໄດ້."
Your browser doesn’t support HTML5
Koreas Tension