ນັກສອນສາສະໜາ ຊາວການາດາເຊື້ອສາຍເກົາຫລີຄົນນຶ່ງ ທີ່
ຖືກກັກຂັງ ໃນ ເກົາຫລີເໜືອ ນັບແຕ່ເດືອນມັງກອນທີ່ຜ່ານມາ
ມີລາຍງານວ່າ ໄດ້ຮັບສາລະ ພາບວ່າ ເປັນຜູ້ວາງແຜນໃນອັນທີ່
ຮ້ອງວ່າການເຄື່ອນໄຫວເພື່ອບ່ອນທຳລາຍເກົາຫລີເໜືອ.
ອົງການຂ່າວຂອງທາງການພຽງຢາງ ກ່າວໃນວັນພະຫັດວານນີ້
ວ່າ ພະອາຈານ Hyeon Soo Lim ຈາກໂບດ Light Korean
Presbyterian ໃນນະຄອນ Toronto ໄດ້ຮັບສາລະພາບ ໃນ
ລະຫວ່າງກອງປະຊຸມຖະແຫຼງຂ່າວວ່າ “ວາງແຜນບ່ອນທຳລາຍ
ແລະເຮັດກິດຈະການຕ່າງໆທີ່ບໍ່ດີ ໃນຄວາມພະຍາຍາມເພື່ອ
ສ້າງຕັ້ງປະເທດທີ່ນັບຖືສາສະໜາຂຶ້ນໃນ ສປປ ເກົາຫຼີ.”
ໂຄສົກຍິງກະຊວງຕ່າງປະເທດການາດາຄົນນຶ່ງ ກ່າວວ່າ “ການາດາ ມີຄວາມເປັນຫ່ວງທີ່
ສຸດກ່ຽວກັບຄະດີຂອງພະອາຈານ Lim. ພວກເຮົາຈະສືບຕໍ່ໃຫ້ການ ສະໜັບດ້ານກົງສຸນ
ແລະຫາທາງແກ້ໄຂໃນເລື້ອງນີ້.
ທ່ານນາງ ບໍ່ໄດ້ໃຫ້ຂໍ້ມູນ ຫລືຄວາມເຫັນໃດໆກ່ຽວກັບລາຍງານການຮັບສາ ລະພາບຂອງ
ພະອາຈານ Lim.
ບັນດາພະນັກງານ ທີ່ໂບດຂອງພະອາຈານ Lim ໃນນະຄອນ Toronto ກ່າວວ່າ ທ່ານໄດ້ເດີນທາງໄປເກົາຫລີເໜືອ ຫລາຍກວ່າ 100 ເທື່ອແລ້ວ ແລະໄດ້ຊ່ວຍສ້າງບ່ອນລ້ຽງເດັກ
ກຳພ້າ ແລະບ່ອນເບິ່ງຜູ້ເຖົ້າ ພ້ອມດ້ວຍການປະຕິບັດງານດ້ານມະນຸດສະທຳອື່ນໆອີກ.
ເກົາຫລີເໜືອກ່າວວ່າ ສິ່ງເຫລົ່ານັ້ນເປັນພຽງເຄື່ອງບັງໜ້າ ເພື່ອປົກປິດການ ເຄື່ອນໄຫວ
ບ່ອນທຳລາຍຕ້ານເກົາຫລີເໜືອ.
ບັນດາສະມາຊິກໂບດ ກ່າວວ່າ ເຂົາເຈົ້າບໍ່ໄດ້ຍິນຂ່າວຈາກພະອາຈານ Lim ຕັ້ງແຕ່ທ່ານ
ໄດ້ເລີ້ມການຢ້ຽມຢາມເກົາຫລີເໜືອ ໃນເດືອນມັງກອນທີ່ຜ່ານມາ.
ເກົາຫລີເໜືອ ມີປະຫວັດການຈັບກຸມ ບັນດານັກເຜີຍແຜ່ສາສະໜາ ແລະລົງໂທດເຂົາເຈົ້າ
ເປັນເວລານານ. ຈຳນວນນຶ່ງ ຮວມທັງຊາວອາເມຣິກັນ ຊຶ່ງຕໍ່ມາໄດ້ຖືກປ່ອຍໂຕ ຫລັງຈາກ
ການເຂົ້າພົວພັນ ໂດຍບັນດາເຈົ້າໜ້າທີ່ສະຫະລັດ ທັງໃນປັດຈຸບັນ ຫລືໃນອະດີດ.
Your browser doesn’t support HTML5
Noth Korea Canedian Pastor