ຄາດວ່າ ບັນດາສະມາຊິກລັດຖະສະພາສະຫະລັດ ໃນວັນພະຫັດ ມື້ນີ້ຈະເອົາອີກບາດກ້າວໜຶ່ງ ເພື່ອເພີ່ມມາດຕະການລົງໂທດຕໍ່ ເກົາຫຼີເໜືອ ເມື່ອຄະນະກຳມະການໜຶ່ງຂອງສະພາສູງລົງຄະແນນສຽງ ກ່ຽວກັບ ມາດຕະການລົງໂທດ ບໍ່ເທົ່າໃດສັບປະດາຫຼັງຈາກ ພຽງຢາງ ໄດ້ອ້າງວ່າຕົນໄດ້ທົດລອງລະເບີດ Hydrogen.
ທ່ານ Bob Corker ປະທານກຳມະການ ຄວາມສຳພັນກັບຕ່າງປະເທດຂອງສະພາສູງສະຫະລັດ ທີ່ສັງກັດພັກ ຣີພັບບລີກັນ ໄດ້ກ່າວ ວ່າ “ຕົນຈະຕັ້ງຂໍ້ບັງຄັບມາດຕະການລົງໂທດຕໍ່ເກົາຫຼີເໜືອເອງ ແຕ່ວ່າສ່ວນບຸກຄົນ ແລະ ອົງກອນທີ່ໃຫ້ການສະໜັບສະໜູນ ຄວາມພະຍາຍາມບາງຢ່າງ ອາດຈະເກີດຂຶ້ນຢູ່ພາຍໃນປະເທດ.”
ຄະນະກຳມະການດັ່ງກ່າວຄາດວ່າ ຈະໃຫ້ການອະນຸມັດດ້ວຍຄະແນນ ສຽງອັນຖ້ວມລົ້ນຕໍ່ມາດ ຕະການລົງໂທດ ເກົາຫຼີເໜືອ ສະບັບຂອງສະພາສູງ ເຊິ່ງກ່ອນໜ້ານີ້ສະພາຕ່ຳໄດ້ຮັບຜ່ານໄປ ແລ້ວດ້ວຍຄະແນນສຽງ 418 ຕໍ່ 2 ໃນຕົ້ນເດືອນນີ້. ຕໍ່ໄປຮ່າງກົດໝາຍນີ້ ຈະຖືກສົ່ງໄປໃຫ້ສະ ພາສູງຄົບຄະນະ, ເຊິ່ງຜູ້ນຳສຽງສ່ວນຫຼາຍໃນສະພາສູງ ທ່ານ Mitch McConnell ໄດ້ສັນຍາ ວ່າ ຈະມີການຮັບຮອງເອົານັ້ນ.
ທ່ານ Ben Cardin ສະມາຊິກຄົນສຳຄັນຂອງພັກເດໂມແຄຣັດໃນຄະ ນະກຳມະການດັ່ງກ່າວ ໄດ້ກ່າວວ່າ “ພວກເຮົາມີຮ່າງກົດໝາຍທີ່, ໃນການພິຈາລະນາຫຼາຍດ້ານ, ແມ່ນເຂັ້ມແຂງ ກວ່າຮ່າງກົດໝາຍຂອງສະ ພາຕ່ຳ. ສິ່ງທີ່ພວກເຮົາສາມາດເຮັດໄດ້ ກໍແມ່ນໃຊ້ຄວາມກົດ ດັນໃສ່ ບໍ່ພຽງແຕ່ລັດຖະບານ, ແຕ່ແມ່ນພວກຜູ້ທີ່ຢາກຈະເຮັດທຸລະກິດກັບເກົາຫຼີເໜືອ ຖ້າ ພວກເຂົາເຈົ້າເຮັດໄດ້ຂົງເຂດດັ່ງກ່າວນີ້, ມັນກໍຈະຕ້ອງມີການວາງມາດຕະການລົງໂທດ ໃສ່ກັນ.”
ຮ່າງກົດໝາຍຂອງສະພາຕ່ຳຕ້ອງໃຫ້ປະທານາທິບໍດີສະຫະລັດສືບສວນ ສອບສວນ ແລະ ລົງ ໂທດຕໍ່ສ່ວນບຸກຄົນແລະອົງກອນຕ່າງໆທີ່ປະກອບ ສ່ວນເຂົ້າໃນການສ້າງລະເບີດ ທີ່ມີອະນຸພາບຮ້າຍແຮງຂອງເກົາຫຼີເໜືອການຟອກເງິນການກວດກາ ຫຼື ການລ່ວງລະເມີດສິດທິມະນຸດ.
ຮ່າງກົດໝາຍສະພາສູງ ຈະບວກຂໍ້ກຳນົດ ທີ່ແນເປົ້າໃສ່ການຂາຍແຮ່ທາດ ແລະ ໂລຫະທີ່ມີ ຄ່າຂອງເກົາຫຼີເໜືອ ເຊິ່ງເປັນແຫຼ່ງລາຍໄດ້ສຳ ຄັນຂອງພຽງຢາງ. ທ່ານ Corker ໄດ້ກ່າວວ່າ ຮ່າງກົດໝາຍຍັງຈະລະບຸການເນັ້ນຢ້ຳ ກ່ຽວກັບ ປະຫວັດດ້ານສິດທິມະນຸດຂອງພຽງຢາງອີກ ດ້ວຍ.